မြန်မာသီချင်းခွေ ခိုးကူးဖြန့်ချိမှု ဒဏ်ငွေဆယ်သိန်းရိုက်မည်

Wednesday, April 3, 2013

မြန်မာသီချင်းခွေ ခိုးကူးဖြန့်ချိသူများကို ခွေတစ်ခွေအတွက် အနည်းဆုံးဒဏ်ငွေ ဆယ်သိန်း တရားမကြောင်းအရ တရား စွဲဆိုကာ တောင်းဆိုသွားမည်ဖြစ်ကြောင်း မြန်မာနိုင်ငံ ဂီတအစည်းအရုံး မူပိုင်ခွင့်ချိုး ဖောက်မှုကာကွယ်ရေး ကော်မတီ၏ ဒုတိယ ဥက္ကဋ္ဌဦးမျိုးဆွေက The Voice သို့ ပြောကြားသည်။ "ဆယ်သိန်းဆိုတာက အနည်းဆုံးပေါ့။ ပမာဏကြီးကြီးမားမား လုပ်တဲ့သူတွေ ကိုတော့ သိန်းထောင်ချီပြီး နစ်နာကြေး တောင်းဖို့ရှိပါတယ်။ မန္တလေးနဲ့ တာမွေမှာ မိထားတဲ့ အမှုကြီးနှစ်ခုကို အခုတရားမ ကြောင်းအရ နစ်နာကြေး အကြီးအကျယ်တောင်းဖို့ လုပ်နေပါပြီ" ဟု ၄င်းက ဆက်လက်ပြော ဆိုသည်။

ခိုးကူးဖြန့်ချိသူများကို ယခင်ကဗီဒီယို အက်ဥပဒေအရ ဒဏ်ငွေအနည်းငယ်သာ တပ်သည့်အတွက် ၄င်းတို့အနေနှင့် ဒဏ်ငွေဆောင်ပြီး ဆက်လက်လုပ်ကိုင်ကြ ကြောင်း၊ ယခုအခါ တရားမကြောင်းအရ တရားစွဲဆိုခွင့် ရလာသည့်အတွက် အနုပညာ ရှင်များ၏ နစ်နာမှုပမာဏ အလိုက် နစ်နာကြေး တောင်းဆိုသွားမည် ဖြစ်ကြောင်း ဦးမျိုးဆွေ ကဆိုသည်။

"တစ်နေ့က ဖြူဖြူနှင့် ကြယ်ပွင့်လေးများ ခွေရယ်၊ အိန်ဂျယ်တွေ စောင့်ရှောက်တဲ့ အချစ်ရယ်ကို လက်မှတ်ထိုးပွဲလုပ်တော့ လူတွေရာနဲ့ချီပြီး အုံကြည့်နေပေမယ့် တကယ်ခွေဝယ်တဲ့ သူက ၁၀၀ လောက်ပဲ ရှိပါတယ်။ မြန်မာနိုင်ငံလူဦးရေသန်း ခြောက်ဆယ်မှာ ဂီတကိုချစ်တဲ့သူ တစ်သန်း လောက်တော့ ပါမှာပါ။ ဒါပေမဲ့ ဖြူဖြူရဲ့ မိန်းကလေးတစ်ယောက် အသည်းကွဲနေတယ် အခွေတောင် ရောင်းအားက တစ်သောင်း မပြည့်သေးပါဘူး" ဟု မြန်မာနိုင်ငံဂီတ အစည်းအရုံး အတွင်းရေးမှူး တေးသံရှင် ဖြူဖြူကျော်သိန်းက အနုပညာရှင်များ ရင်ဆိုင်နေရသော ခိုးကူးခွေအခြေအနေကို ပြောကြားသည်။

"ကျွန်တော်ကတော့ အနုပညာရှင် လေးတွေကို မေးကြည့်ချင်တယ်။ သူတို့ရော နိုင်ငံတကာ ရုပ်ရှင်တွေကို မူရင်းခွေ ကြည့်တာလား။ ကိုယ်ပိုင်ဖန်တီးမှု စစ်စစ်တွေ လုပ်တာလား။ သူတို့သုံးထားတဲ့ ကွန်ပျူတာ ဆော့ဖ်ဝဲတွေကရော လိုင်စင်ဗားရှင်းတွေလား လို့ပေါ့။

ခိုးကူးခွေဝယ်သူတွေရဲ့ ဝင်ငွေ အခြေအနေရယ်၊ သူတို့ကိုယ်တိုင် မူရင်းခွေ ဝယ်ချင်တဲ့ စိတ်မျိုးရယ် အဲဒါမျိုးကိုလည်း ထည့်တွက်ဖို့ လိုတယ်" ဟု အပတ်စဉ်ထုတ် ဂျာနယ်များတွင် သတင်းဆောင်းပါးများ ရေးလေ့ရှိသူ တစ်ဦးက မေးခွန်းထုတ်သည်။

The Voice Weekly, Rangonnewsdaily
RND:3.4.2013