Pages

Monday, February 10, 2014

ဆိုင်ကယ်လိုင်စင်လုပ်မည့်နေ့ ဖေဖော်ဝါရီ ၁၇ ရက်ကို ရွှေ့၊ ကုန်ကျစရိတ် ကြေညာ

Photo: ဆိုင်ကယ်လိုင်စင်လုပ်မည့်နေ့ ဖေဖော်ဝါရီ ၁၇ ရက်ကို ရွှေ့၊ ကုန်ကျစရိတ် ကြေညာ
Monday, February 10, 2014

မြန်မာပြည် အနှံ့အပြားက လိုင်စင်မဲ့ဆိုင်ကယ်တွေကို မှတ်ပုံတင်လုပ်ပေးမယ့် နေ့ရက်ကို လာမယ့် ဖေဖော်ဝါရီ ၁၇ ရက်ကို ရွှေ့ဆိုင်းလိုက်ကြောင်းနဲ့ ဆိုင်ကယ် အမျိုးအစားအလိုက် ကုန်ကျမယ့် မှတ်ပုံတင်ကြေးကို ကုန်းလမ်းပို့ဆောင်ရေး ညွှန်ကြားမှု ဦးစီးဌာနက ဖေဖော်ဝါရီ ၁၀ ရက် ဒီနေ့မှာ ထုတ်ပြန် ကြေညာပါတယ်။

မူလက လိုင်စင်မဲ့ဆိုင်ကယ်တွေကို လာမယ့် ဖေဖော်ဝါရီ ၁၀ ရက်နေ့ကနေ ဇွန် ၃၀ ရက်နေ့အထိ အခွန်ကောက်ခံပြီး မှတ်ပုံတင်လုပ်ပေးမယ်လို့ ကုန်းလမ်းသယ်ယူ ပို့ဆောင်ရေး ၀န်ကြီးဌာန ထုတ်ပြန်ထားပြီး အခု ရက်ရွှေ့လိုက်တာပါ။

မှတ်ပုံတင်လုပ်ဖို့အတွက် အကောက်ခွန်နဲ့ ပြည်တွင်းအခွန် ၁၀ ရာခိုင်နှုန်း ပေးရမှာ ဖြစ်ပြီး ထိုင်းနိုင်ငံထုတ် ဆိုင်ကယ်ဆိုရင် မော်ဒယ်အမျိုးအစားအလိုက် အနိမ့်ဆုံး ကျပ် ၅ သောင်းကျော်ကနေ အမြင့်ဆုံး ကျပ် ၁ သိန်း ၄ သောင်းနီးပါး ကုန်ကျမယ်လို့ ဆိုပါတယ်။

အိန္ဒိယနိုင်ငံထုတ်ဆိုရင် အနိမ့်ဆုံး ၅ သောင်းနီးပါးကနေ အမြင့်ဆုံး ကျပ် ၁ သိန်း ၃ သောင်းနီးပါး ကုန်ကျမယ်လို့ ဖော်ပြထားပါတယ်။

လက်ရှိ မြန်မာနိုင်ငံထဲကို တရုတ်၊ ထိုင်းနဲ့ အိန္ဒိယနိုင်ငံလုပ် ဆိုင်ကယ်တွေနဲ့ ဗီယက်နမ် နိုင်ငံလုပ် ဆိုင်ကယ်တွေ ၀င်ရောက်နေပါတယ်။

အစိုးရဟာ ပြည်တွင်းရောက်နေတဲ့ လိုင်စင်မဲ့ဆိုင်ကယ် ၃ သန်းနီးပါးကို ၈ ကြိမ် လိုင်စင် ပြုလုပ်ပေးခဲ့ပြီး ဖြစ်ပါတယ်။

DVB

RangonNewsDaily: February . 10 .2014
မြန်မာပြည် အနှံ့အပြားက လိုင်စင်မဲ့ဆိုင်ကယ်တွေကို မှတ်ပုံတင်လုပ်ပေးမယ့် နေ့ရက်ကို လာမယ့် ဖေဖော်ဝါရီ ၁၇ ရက်ကို ရွှေ့ဆိုင်းလိုက်ကြောင်းနဲ့ ဆိုင်ကယ် အမျိုးအစားအလိုက် ကုန်ကျမယ့် မှတ်ပုံတင်ကြေးကို ကုန်းလမ်းပို့ဆောင်ရေး ညွှန်ကြားမှု ဦးစီးဌာနက ဖေဖော်ဝါရီ ၁၀ ရက် ဒီနေ့မှာ ထုတ်ပြန် ကြေညာပါတယ်။

ခြင်ဆေးခွေ ထွန်းထားရာမှ သာကေတမြို့နယ်တွင် အိမ်ငါးလုံး မီးလောင်ဆုံးရှုံး

Photo: ခြင်ဆေးခွေ ထွန်းထားရာမှ သာကေတမြို့နယ်တွင် အိမ်ငါးလုံး မီးလောင်ဆုံးရှုံး
Monday, February 10, 2014

သာကေတမြို့နယ် အမှတ် (၇) အရှေ့ရပ်ကွက်၊ ဇီဇဝါလမ်းရှိ သွပ်မိုး၊ ပျဉ်ကာ၊ ပျဉ်ခင်း နှစ်ထပ်အိမ်တွင် ဖေဖော်ဝါရီ ၉ ရက်နေ့ နံနက် ၃ နာရီ ၄၅ မိနစ်ခန့်က အိပ်ရာအနီးတွင် ခြင်ဆေးခွေ ထွန်းထားရာမှ မီးလောင်ကျွမ်းမှု ဖြစ်ပွားခဲ့ကြောင်း အဆိုပါ ရပ်ကွက်တွင် နေထိုင်သူများထံမှ စုံစမ်းသိရှိရသည်။

အဆိုပါ နှစ်ထပ်အိမ်တွင် ခြင်ဆေးခွေ ထွန်းထားရာမှ အနီးတွင်ရှိသော မွေ့ရာကို မီးကူးစက် လောင်ကျွမ်းခဲ့ရာမှာ အလျားပေ ၂၀၊ အနံ ၄၀ ပေရှိသော သွပ်မိုး၊ ပျဉ်ကာ၊ ပျဉ်ခင်း နှစ်ထပ်အိမ်တစ်လုံး၊ အလျား ပေ ၂၀၊ အနံ ပေ ၄၀ ရှိ သွပ်မိုး၊ ပျဉ်ကာ၊ ပျဉ်ခင်း တစ်ထပ်အိမ်တစ်လုံး၊ အလျား ၁၀ ပေ၊ အနံပေ ၄၀ ရှိ သွပ်မိုး၊ ပျဉ်ကာ၊ ပျဉ်ခင်းတစ်ထပ် အိမ်သုံးလုံး စုစုပေါင်း အိမ်ငါးလုံး မီးလောင် ဆုံးရှုံးခဲ့ကြောင်း ရန်ကုန်တိုင်းဒေသကြီး မီးသတ်ဦးစီးဌာန၏ ထုတ်ပြန်ချက်အရ သိရှိရသည်။

အချိန်တိုအတွင်း အိမ်ငါးလုံးကို မီးလောင်ကျွမ်းခဲ့သဖြင့် ပစ္စည်းယူချိန်မရဘဲ ကိုယ်လွတ်ရုံး ပြေးခဲ့ရကြောင်း အဆိုပါ မီးလောင်ကျွမ်းခဲ့သည့် အိမ်တစ်လုံးတွင် နေထိုင်သူ အသက် ၂၀ ကျော် အမျိုးသားတစ်ဦးက ပြောကြားသည်။

အဆိုပါ မီးလောင်မှုကို မီးငြှိမ်းသတ်ယာဉ် ၂၄ စီး၊ မီးသတ်စက်ယာဉ်တစ်စီး၊ အထောက်အကူပြု ယာဉ်လေးစီး၊ အုပ်ချုပ်မှု ယာဉ်သုံးစီးနှင့် သန္ဓေ မီးသတ်တပ်ဖွဲ့ဝင် ၁၆၇ ဦး၊ အရန်မီးသတ် တပ်ဖွဲ့ဝင် ၅၆ ဦး၊ ကြက်ခြေနီ တပ်ဖွဲ့ဝင် ၃၂ ဦးဖြင့် မိနစ် ၃၀ ကြာ မီးငြှိမ်းသတ်ခဲ့ရကြောင်း ရန်ကုန်တိုင်းဒေသကြီး မီးသတ်ဦးစီးဌာန၏ ထုတ်ပြန်ချက်အရ သိရှိရသည်။

ယင်းမီးလောင်မှုကြောင့် ဦးအောင်ခင်ကို (ပ) ၉၂/၂၀၁၄/ပုဒ်မ-၂၈၅ဖြင့် အမှုဖွင့်ထားကြောင်း သာကေတ ရဲစခန်းထံမှ သိရှိရသည်။

The Voice Weekly

RangonNewsDaily: February . 10 .2014
သာကေတမြို့နယ် အမှတ် (၇) အရှေ့ရပ်ကွက်၊ ဇီဇဝါလမ်းရှိ သွပ်မိုး၊ ပျဉ်ကာ၊ ပျဉ်ခင်း နှစ်ထပ်အိမ်တွင် ဖေဖော်ဝါရီ ၉ ရက်နေ့ နံနက် ၃ နာရီ ၄၅ မိနစ်ခန့်က အိပ်ရာအနီးတွင် ခြင်ဆေးခွေ ထွန်းထားရာမှ မီးလောင်ကျွမ်းမှု ဖြစ်ပွားခဲ့ကြောင်း အဆိုပါ ရပ်ကွက်တွင် နေထိုင်သူများထံမှ စုံစမ်းသိရှိရသည်။

ဘာသာပေါင်းစုံ လူငယ်ဖွံ့ဖြိုးရေးသင်တန်း လားရှိုးမြို့ ဂျာမေ့ဗလီတွင် ပြုလုပ်

Photo: ဘာသာပေါင်းစုံ လူငယ်ဖွံ့ဖြိုးရေးသင်တန်း လားရှိုးမြို့ ဂျာမေ့ဗလီတွင် ပြုလုပ်
Monday, February 10, 2014

လားရှိုးမြို့ရှိ ဂျာမေ့ဗလီတွင် “ရတနာမြေလူမှုဖွံ့ဖြိုးရေးအသင်း”မှ ကျင်းပသော “လက်တွဲကူမယ်တို့လူငယ်”သင်တန်းကို ဖေဖော်ဝါရီ ၁၀ရက်တွင် ကျင်းပပြုလုပ်ခဲ့သည်။

ယင်းသင်တန်းမှ ကြီးကြပ်ရေးမှူး မအေးစမ်းက “ဒီသင်တန်းကို လုပ်ရတာကတော့ လူငယ်တွေရဲ့ အတွေးတွေအမြင်တွေ ရှင်းပြီးတော့ ရင်းနှီးစွာနဲ့ပေါ့နော် မြို့စွဲ၊ ဘာသာစွဲ၊ လူမျိုးစွဲတွေ မရှိစေဘဲနဲ့ပေါ့ လူမှုဖွံ့ဖြိုးတိုးတက်ရေး လုပ်ငန်းတွေကို အတူတကွ ပူးပေါင်း ဆောင်ရွက်ပြီးတော့ အိမ်ရှင်မတွေ အပါအ၀င်ပေါ့ အမျိုးသမီးတွေရဲ့ စွမ်းရေးမြှင့်တင် ပေးဖို့ရယ်၊ ကလေးသူငယ်တွေကို စောင့်ရှောက်တတ်စေရန်၊ လုပ်ငန်းခွင်လုံခြုံမှု ရှိစေရန်၊ လုံခြုံစိတ်ချရသော ကျန်းမာရေး စောင့်ရှောက်မှုရှိစေဖို့၊ သံယံဇာတနဲ့ သဘာဝအရင်းအမြစ်များ ကာကွယ်စောင့်ရှောက် ထားတတ်စေဖို့ ရည်ရွယ်ချက်တွေနဲ့ သင်ကြားပေးတဲ့ သင်တန်းဖြစ်ပါတယ်”ဟု ပြောသည်။

အဆိုပါသင်တန်းသို့ ဘာသာကြီးလေးခုမှ လူငယ်များ တက်ရောက်ခဲ့ရာ “ဒီလိုသင်တန်းမျိုးကို ပထမအနေနဲ့ ရပ်ကွက်(၄)က ဘောဓရုံ ဘုန်းကြီးကျောင်းမှာ လုပ်ပါတယ်။ နောက်ပြီးကချင် ချက်(စ်)ကျောင်းမှာရယ်၊ အခုက တတိယအကြိမ် အနေနဲ့ပေါ့နော် ဂျာမေဗလီမှာ ကျင်းပတာ ဖြစ်ပါတယ်။ ဒီလိုကျင်းပခြင်းအားဖြင့် တချို့တွေရဲ့ အမြင်အယူဆတွေကို ရှင်းသွားစေခြင်လို့ပါ။ ဘာလို့လဲဆိုတော့ လူတွေက ဒီဗလီထဲကို လူမျိုးခြား၊ ဘာသာခြားတွေ၊ အမျိုးသမီးတွေ မ၀င်ရဘူးလို့ ပြောနေတာ ကြားနေရလို့ပါ။ ဒါဆိုအခုလုပ်တဲ့ပွဲကို ကြည့်ပါအားလုံး လွတ်လပ်စွာ ပါဝင်နိုင်ပါတယ်လို့ ပြောခြင်ပါတယ်”ဟု မွတ်ဆလင်လူငယ်အသင်းမှ ဦးမောင်မောင်သန်းက ပြောသည်။

“ကျွန်မအနေနဲ့က ဒီသင်တန်းကို တက်ရောက်ရခြင်းအားဖြင့်ပေါ့နော်။ ဒီကသင်ကြားပေးမယ့် လူ့အခွင့်အရေးနဲ့ အထွေထွေဗဟုသုတတွေ အများကြီးရရှိမယ်လို့ မျှော်လင့်ပါတယ်။ ကျွန်မက ခရစ်ယာန်ကောင်စီ အဖွဲ့အနေနဲ့ လာတက်တာပါ”ဟု မသူသူဧပရယ်က ပြောသည်။

အဆိုပါရတနာမြေ ဖွံ့ဖြိုးရေးအသင်းတွင် လူမျိုးပေါင်းစုံ၊ တိုင်းရင်းသားပေါင်းစုံ၊ ဘာသာပေါင်းစုံ ပါဝင်ပြီး ရှမ်းပြည်နယ် တောင်ပိုင်းတွင် ကျင်းပခဲ့သည်။ ယခုအခါ ရှမ်းပြည်မြောက်ပိုင်းတွင် သုံးကြိမ်မြောက် ကျင်းပခြင်းဖြစ်သည်။  ဒီသင်တန်းပြီးလျှင်လည်း အထူးသင်တန်းများ ဆက်လက်သင်ကြားသွားမည်ဖြစ်ပြီး ယခုသင်တန်းကာလကိုလဲ ခြောက်ရက်တိုင် ကျင်းပသွားမည်ဖြစ်ကြောင်း တာဝန်ရှိသူထံမှ သိရသည်။

စိုးမင်းနိုင်
မြန်မာ့ခေတ်

RangonNewsDaily: February . 10 .2014
လားရှိုးမြို့ရှိ ဂျာမေ့ဗလီတွင် “ရတနာမြေလူမှုဖွံ့ဖြိုးရေးအသင်း”မှ ကျင်းပသော “လက်တွဲကူမယ်တို့လူငယ်”သင်တန်းကို ဖေဖော်ဝါရီ ၁၀ရက်တွင် ကျင်းပပြုလုပ်ခဲ့သည်။

ကိုးနှစ်ကျော်ကြာသည့်တိုင် ပြည်လေယာဉ်ကွင်းသို့ လေယာဉ် ဆင်းသက်မှုမရှိ

Photo: ကိုးနှစ်ကျော်ကြာသည့်တိုင် ပြည်လေယာဉ်ကွင်းသို့ လေယာဉ် ဆင်းသက်မှုမရှိ
Monday, February 10, 2014

ကမ္ဘာ့ယဉ်ကျေးမှု အမွေအနှစ် စာရင်းဝင်ရန် ကြိုးစားလျက်ရှိသော ပျူသရေခေတ္တရာ ရှေးဟောင်းမြို့ရှိရာ ပဲခူးတိုင်းဒေသကြီး အနောက်ပိုင်း ပြည်မြို့ရှိ ပြည်လေယာဉ်ကွင်းသည် ကိုးနှစ်ကျော် ကြာသည့်တိုင်အောင် အထူးခရီးစဉ်များ အပါအဝင် ခရီးသည် လေယာဉ်လိုင်းများ လုံးဝဆင်းသက်မှု မရှိကြောင်း ဒေသခံများထံမှ စုံစမ်းသိရှိရသည်။

၁၉၅၃ ခုနှစ်က စတင်ဆောက်ခဲ့သော ပြည်လေဆိပ်မှာ လေယာဉ်ပြေးလမ်း အလျား ၄၅၀၀ ပေ၊ အနံ ၁၅၀ပေ ရှိကာ ကျောက်ကတ္တရာခင်း အမျိုးအစား ဖြစ်ပြီး ၄၂ ဦး စီးနိုင်သည့် F 27 လေယာဉ်များ ဆင်းသက်နိုင်သည့် ကွင်းဖြစ်ကြောင်း ပြည်လေယာဉ်ကွင်း မှတ်တမ်းများအရ သိရသည်။

“လေယာဉ်က ဆင်းလို့ရတယ်။ VIP ခရီးစဉ် မဆင်းတာတောင် ၉ နှစ်လောက်ရှိပြီ။ ခရီးသည်တွေ မသွားတာက ၁၅ နှစ်လောက်တောင် ရှိတယ်။ ခရီးစဉ် မရှိတော့ လေကြောင်း ဦးစီးဌာနက ချပေးတဲ့ ရန်ပုံငွေ အသုံးစရိတ်လည်း မရှိဘူး” ဟု ပြည်လေယာဉ်ကွင်းနှင့် ပတ်သက်၍ မြို့နယ်ဆောက်လုပ်ရေး အင်ဂျင်နီယာရုံးမှ လက်ထောက် အင်ဂျင်နီယာတစ်ဦးက ဆိုသည်။

အဆိုပါ လေယာဉ်ကွင်းမှာ ရှေးဟောင်း သုတေသနမှ သတ်မှတ်ထားသည့် ကမ္ဘာ့ အမွေအနှစ်စာရင်း တင်သွင်းထားသည့် သရေခေတ္တရာ နယ်မြေထဲတွင် ပါဝင်နေသည့်အတွက် လက်ရှိ အနေအထား အတိုင်းသာ ထားရှိနေရပြီး ယခုကွင်းကို တိုးချဲ့ရန်နှင့် အသစ်တည်ဆောက်ရန်အတွက် ရှေးဟောင်းဌာနက ခွင့်ပြုမည် မဟုတ်ကြောင်း ၎င်းက မှတ်ချက်ပြု ပြောကြားသည်။

“လေယာဉ်ကွင်းထဲမှာ ယာဉ်မောင်း သင်ကြတယ်။ ချိန်းတွေ့တာတွေလည်း ရှိတယ်။ ကျွန်တော်တို့က ညနေခြောက်နာရီ နောက်ပိုင်းဆို တံခါးပိတ်ခိုင်းတယ်။ ဒါပေမဲ့နောက် လူသွားလမ်းတွေက အထဲက ဝင်နိုင်တယ်။ လှည့်ကင်းတွေလည်း ညဘက်ကွင်းထဲကို ပတ်တယ်။ စုံတွဲတွေ တွေ့ရင်လည်း ပြန်ခိုင်းတယ်။ မှုခင်းဖြစ်တာမျိုးတော့ မရှိဘူး” ဟု အမှတ် (၃) နယ်မြေရဲစခန်းမှ စခန်းမှူး ဦးစိုးလှိုင်ဦးက ဆိုသည်။

ပြည်လေယာဉ်ကွင်းတွင် နှစ်ထပ် လေကြောင်း ထိန်းချုပ်ရေး မျှော်စင်နှင့် နားနေဆောင်တို့လည်း ရှိပြီး အသုံးပြုသူ မရှိသည့်အပြင် ထိန်းသိမ်းမှုလည်း မရှိသည့်အတွက် ယိုယွင်း ပျက်စီးနေကြောင်း ဒေသခံများထံမှ သိရှိရသည်။

The Voice Weekly

RangonNewsDaily: February . 10 .2014
ကမ္ဘာ့ယဉ်ကျေးမှု အမွေအနှစ် စာရင်းဝင်ရန် ကြိုးစားလျက်ရှိသော ပျူသရေခေတ္တရာ ရှေးဟောင်းမြို့ရှိရာ ပဲခူးတိုင်းဒေသကြီး အနောက်ပိုင်း ပြည်မြို့ရှိ ပြည်လေယာဉ်ကွင်းသည် ကိုးနှစ်ကျော် ကြာသည့်တိုင်အောင် အထူးခရီးစဉ်များ အပါအဝင် ခရီးသည် လေယာဉ်လိုင်းများ လုံးဝဆင်းသက်မှု မရှိကြောင်း ဒေသခံများထံမှ စုံစမ်းသိရှိရသည်။

Facebook စာမျက်နှာများတွင် ဗိုင်းရပ်စ် Link များပျံနှံနေ

RangonNewsDaily: February . 10 .2014
 Check Who loves you ♥♥♥ ( နှင့် ) Find Who Will Be Your Valentine In 2014 @ ==>
ဆိုသော လင့်များကိုတွေ့ရှိပါက သွားမနှိပ်ကြည့်ပါနဲ့
" ထိုလင့်များဟာ ဗိုင်းရပ်စ်လင့်ဖြစ်ပါတယ် " နှိပ်လိုက်မိပါက မိမိအကောင့်ဖြင့် မိမိမလုပ်ပဲ နေရာတိုင်းဂရုတိုင်းတွင် ထိုကဲ့သို့ပို့စ်တွေ အလိုလိုလိုက်တင်နေမှာဖြစ်ပါတယ် ။

ထားဝယ်ဒေသမှ လယ်သိမ်းဆည်းခံတောင်သူများ အာဏာပိုင်နှင့် ကုမ္ပဏီများကို ကျိန်စာတိုက်

RangonNewsDaily: February . 10 .2014
ထားဝယ်- ထားဝယ်မြို့မှ လယ်သိမ်းဆည်းခံ တောင်သူလယ်သမားငါးဆယ်ခန့်က ၎င်းတို့ လယ်ယာမြေများအပေါ်တွင် လာရောက်အကောင်အထည်ဖော် ဆောင်ရွက်နေသည့် ကုမ္ပဏီများနှင့် အာဏာပိုင်များကို ကျိန်စာတိုက်ပွဲပြုလုပ်ခဲ့ကြောင်း သတင်းရရှိသည်။

နယူးယောက် ရဲတပ်ဖွဲ့ဟာ Google Glassကို မှုခင်းနှိမ်နင်းရေး လက်နက်အဖြစ် သုံးမယ်

Photo: နယူးယောက် ရဲတပ်ဖွဲ့ဟာ Google Glassကို မှုခင်းနှိမ်နင်းရေး လက်နက်အဖြစ် သုံးမယ်
Monday, February 10, 2014

ရဲစက်ရုပ် ဇာတ်လမ်းစာအုပ်ထဲကလိုပဲ နယူးယောက်ရဲတပ်ဖွဲ့(NYPD)ဟာ Google Glass ကို မှုခင်းနှိမ်နင်းရေးလက်နက်အဖြစ် အသုံးပြုတော့မယ်လို့ သိရပါတယ်။ Google Glassကို တပ်ဆင်ထားတဲ့အတွက် သံသယရှိခံရသူရဲ့ နောက်ကြောင်းရာဇ၀င်တွေကို ရဲတွေရဲ့ မျက်စီရှေ့တင် လှန်လှော်ဖတ်ရှုသွားနိုင် ပါလိမ့်မယ်။

Google Glass တချို့ကို ၀ယ်ယူခဲ့ပြီး စမ်းသပ်လျှက်ရှိကြောင်းနဲ့ မှုခင်းနှိမ်နင်းရေးတွေမှာ အသုံးချသွားနိုင်လိမ့်မယ်လို့ မျှော်လင့်မိကြောင်း အာဏာပိုင်တွေက New York Post သတင်းဋ္ဌာနကို ပြောသွားပါတယ်။

“ကနဦး အဆင့်အနေနဲ့ပေါ့။ ရဲတချို့နဲ့ စမ်းသပ်စစ်ဆေးနေပါတယ်။” လို့ အမည်မဖော်လိုသူတစ်ဦးက နယူးယောက်ရဲတပ်ဖွဲ့ရဲ့ Google Glass အသုံးနဲ့ ပတ်သက်ပြီး ပြောပြသွားပါတယ်။

ကွန်ပျူတာအသုံးချ interface ( program ပေါင်းကူးဆက်စပ်စနစ်) ပါတဲ့ နည်းပညာမြင့် Google Glass ကို တပ်ဆင်ထားခြင်းဖြင့် သံသယရှိခံရသူရဲ့  ဖမ်းဆီးခံရမှုမှတ်တမ်း၊ ရဲမှတ်တမ်းဓာတ်ပုံနဲ့ တခြား အချက်အလက်တွေကို ရဲကရရှိနိုင်ပါလိမ့်မယ်။

“ဒါကိစ္စသာ အလုပ်ဖြစ်မယ်ဆိုရင်၊ Google Glass တပ်ဆင်ထားတဲ့ ကင်းလှည့်ရဲအတွက် အကျိုးများပါလိမ့်မယ်။ Terminator လိုမျိုးပဲ။ တစ်ယောက်ယောက်ဘေးက ဖြတ်လျှောက်လိုက်လို့  အဲ့ဒီ့သူဟာ ရဲအလိုရှိသူ တစ်ယောက်ဖြစ်နေမယ်ဆိုရင် နောက်ခံအချက်အလက်တွေဟာ Google Glassရဲ့ မျက်လုံး screen ပေါ်မှာ ပေါ်လာမှာပါ။ ဒီတော့ လူဆိုးတွေကို စက္ကန့်ပိုင်းအတွင်း ခွဲခြားသိရှိနိုင်သွားတာပေါ့။” လို့  အမည်မဖော်လိုသူတစ်ဦးက ပြောပြခဲ့ပါတယ်။

Trend Myanmar

RangonNewsDaily: February . 10 .2014
ရဲစက်ရုပ် ဇာတ်လမ်းစာအုပ်ထဲကလိုပဲ နယူးယောက်ရဲတပ်ဖွဲ့(NYPD)ဟာGoogle Glass ကို မှုခင်းနှိမ်နင်းရေး
လက်နက်အဖြစ် အသုံးပြုတော့မယ်လို့ သိရပါတယ်။ Google Glassကို တပ်ဆင်ထားတဲ့အတွက် သံသယရှိခံ
ရသူရဲ့ နောက်ကြောင်းရာဇ၀င်တွေကို ရဲတွေရဲ့ မျက်စီရှေ့တင် လှန်လှော်ဖတ်ရှုသွားနိုင် ပါလိမ့်မယ်။

ဘုန်းကြီးကျောင်းတွင် ခိုလှုံနေသည့် ဒုက္ခသည်များကို တပတ်အတွင်း ဖယ်ရှားခိုင်း

Photo: ဘုန်းကြီးကျောင်းတွင် ခိုလှုံနေသည့် ဒုက္ခသည်များကို တပတ်အတွင်း ဖယ်ရှားခိုင်း
Monday, February 10, 2014

ရွာဖျက်ခံလို့ ဘုန်းကြီးကျောင်းမှာ ခိုလှုံနေတဲ့ သမီးကလေးကျေးရွာသားတွေကို အစိုးရက ဘုန်းကြီးကျောင်းကနေ တပတ်အတွင်း ဖယ်ရှားပေးဖို့ ညွှန်ကြားလိုက်ပါတယ်။

ရန်ကုန်တိုင်း လှည်းကူးမြို့နယ် တပ်ပိုင်မြေမှာ သမီးကလေးကျေးရွာတည်တာဟာ ကျူးကျော်ဆောက်လုပ်တယ်ဆိုပြီး လွန်ခဲ့တဲ့ရက်ပိုင်းက  အင်အားသုံးပြီး အိမ်ခြေတွေကို ဖျက်ခဲ့လို့ အိမ်ဖျက်ခံရသူတွေဟာ ပဲခူးမြို့ရှိ အလံနီဆည်အနီး အောင်သိဒ္ဓိ ဘုန်းကြီးကျောင်းမှာ ခိုလှုံနေကြတာပါ။

သူတို့ဟာ ဘုန်းကြီးကျောင်းမှာ မခိုလှုံခင်က ပဲခူးတိုင်းအတွင်းရှိ လမ်းနံဘေးမှာ တဲထိုးနေကြပေမယ့် ပဲခူးတိုင်းဒေသကြီးအစိုးရ၊ ရဲတပ်ဖွဲ့နဲ့ စည်ပင်ဝန်ထမ်းတွေက ထပ်မံဖယ်ခိုင်းလို့ ဒီဘုန်းကြီးကျောင်းမှာ ခိုလှုံနေကြတာဖြစ်ပြီး အခု ထပ်မံ ဖယ်ခိုင်းခံခဲ့ရတာလို့ ဒုက္ခသည်တွေက ပြောပါတယ်။

အောင်သိဒ္ဓိ ကျောင်းထိုင် ဘုန်းတော်ကြီးကတော့ ကျောင်းသားတွေနဲ့ ကျောင်းသားမိဘတွေကို ဆက်လက်ခိုလှုံခွင့်ပြုဖို့ သက်ဆိုင်ရာကို တင်ပြမယ်လို့ ဆိုပါတယ်။

ကျောင်းပရ၀ုဏ်ထဲမှာ ကျောင်းသားနဲ့ ကျောင်းသားမိဘအပါအ၀င် စုစုပေါင်း လူဦးရေ ၅၀၀ လောက် ခိုလှုံနေကြပြီး အစိုးရအနေနဲ့ သူတို့အတွက် နေစရာတခု သတ်မှတ်ပေးသင့်တယ်လို့ ခိုလှုံနေသူတဦးက ပြောပါတယ်။

လှည်းကူးမြို့နယ် လွှတ်တော်အမတ် ဦးဖြိုးမင်းသိမ်းက ဒီမြေတွေဟာ အရင်တုန်းက စီးပွားရေးသမားတွေက တရားမ၀င်ဝယ်ယူပြီး ဆင်းရဲသားတွေကို အခမဲ့ လာနေဖို့ ပေးခဲ့ကြောင်း၊ အဲဒီနောက် ရပ်ကွက်တည်ပြီး တရားဝင်မြေဖြစ်အောင် ကစားခဲ့တာလို့ ဆိုပါတယ်။

ဒါကြောင့် မြေယာအရေးဆောင်ရွက်သူတွေ၊ ဆင်းရဲသားတွေနဲ့ မီဒီယာတွေဟာ စီးပွားရေးသမားတွေရဲ့ အသုံးချခံလိုက်ရတဲ့ အကောင်းဆုံးသင်ခန်းစာကြီးအဖြစ် သူက ရည်ညွှန်းပြောဆိုခဲ့ပြီး ကြားထဲက  ဆင်းရဲသားတွေက ခံလိုက်ရတယ်လို့ ပြောပါတယ်။

ဖေဖော်ဝါရီ ၄ ရက်နေ့မှာ သက်ဆိုင်ရာက အင်အားသုံး ဖယ်ရှားခဲ့တဲ့အတွက် လှည်းကူးမြို့နယ် သမီးကလေး ကျေးရွာနေ မိသားစု ၄၀၀ ကျော် လူဦးရေ ၁၀၀၀ လောက် အိုးမဲ့အိမ်မဲ့ ဖြစ်ခဲ့ရပြီး အများစုက ပဲခူးတိုင်းဒေသကြီး အလံနီဆည်အနီးရှိ အောင်သိဒ္ဓိ ဘုန်းကြီးကျောင်းမှာ ခိုလှုံနေကြပြီး အခု ထပ်မံဖယ်ရှားခိုင်းခံရတာ ဖြစ်ပါတယ်။

လှည်းကူးမြို့နယ်တ၀ိုက်မှာ ရှိတဲ့ ကျွဲတဲကျေးရွာအပါအ၀င် ကျေးရွာအချို့ကိုလည်း သက်ဆိုင်ရာအာဏာပိုင်တွေက ဆက်လက်သိမ်းဆည်းပြီး နေအိမ်တွေ ဖျက်ဆီးနေတယ်လို့ ဒေသခံတွေက ပြောပါတယ်။

DVB

သမီးကလေးကျေးရွာ ဖျက်ဆီးခံခဲ့ရစဉ်က
RangonNewsDaily: February . 10 .2014
ရွာဖျက်ခံလို့ ဘုန်းကြီးကျောင်းမှာ ခိုလှုံနေတဲ့ သမီးကလေးကျေးရွာသားတွေကို အစိုးရက ဘုန်းကြီးကျောင်း
ကနေ တပတ်အတွင်း ဖယ်ရှားပေးဖို့ ညွှန်ကြားလိုက်ပါတယ်။

မိုးကုတ်ရွှေဆိုင် ဓားပြတိုက်မှု လက်နက်ကိုင်အဖွဲ့ ပါဝင်သည်ဟုဆို

Photo: မိုးကုတ်ရွှေဆိုင် ဓားပြတိုက်မှု လက်နက်ကိုင်အဖွဲ့ ပါဝင်သည်ဟုဆို
Monday, February 10, 2014

မန္တလေးတိုင်းဒေသကြီး မိုးကုတ်မြို့ ရွှေဆိုင် နှစ်ဆိုင်ကို တစ်ပြိုင်နက် ဓားပြတိုက်ခံရမှုတွင် ကျူးလွန်သည့် တရားခံများထဲတွင် ပါဝင်သည်ဟု ယူဆရသူ နှစ်ဦးကို ဖေဖော်ဝါရီလ၂ရက်နေ့က ခေါ်ယူ စစ်ဆေးနေရာ သံသယရှိသူ တစ်ဦး၏ ယောက်ဖဖြစ်သူ သက်သေ ထွက်ဆိုချက်အရ လက်နက်ကိုင် အဖွဲ့မှလည်း ပါဝင် ပတ်သက်နေသည်ဟု သိရကြောင်း မန္တလေးတိုင်း ဒေသကြီး ရဲတပ်ဖွဲ့မှူးရုံး တာဝန်ရှိသူတစ်ဦးက ပြောကြားသည်။

ယင်းဓားပြတိုက်မှုတွင် ရှမ်းလူမျိုး နှစ်ဦး ပါဝင်ပြီး ယင်းနှစ်ဦးထံမှ လက်နက်များ ရရှိခဲ့ကာ ဝေစုအဖြစ် ရွှေတစ်ပိဿာ ရရှိလာခဲ့ကြောင်း ပြောပြခဲ့သည့် သံသယရှိသူ၏ ယောက်ဖဖြစ်သူက မိုးကုတ်မြို့နယ် တရားရုံးရှေ့ ကြိုတင် ထွက်ဆိုချက်အရ အထက်ပါအတိုင်း သိရကြောင်း အဆိုပါ တာဝန်ရှိသူက ဆိုသည်။

“အခုစစ်ဆေးနေတဲ့ အချိန်မှာ သံသယရှိသူရဲ့ ထွက်ဆိုချက်တွေက အမှန်ပြောလိုက်၊ မပြောလိုက် ဖြစ်နေတာ၊ အဲဒါကြောင့် မိုးကုတ်မြို့နယ် တရားရုံးမှာ သက်သေဖြစ်တဲ့ သူ့ရဲ့ ယောက်ဖကို ကြိုတင် ထွက်ဆိုခိုင်းရတာ ဖြစ်တယ်။ အဲဒီထဲက ရှမ်းလူမျိုး နှစ်ဦးလည်းပါတယ်။ သူတို့ဆီက လက်နက်တွေ ရခဲ့တယ်လို့ ထွက်ဆိုခဲ့တယ်” ဟု ၎င်းက ရှင်းပြသည်။

မိုးကုတ်မြို့ရွှေဆိုင် နှစ်ဆိုင်ကို ဓားပြတိုက် ကျူးလွန်ခဲ့သူ ၆ ဦးထဲမှ ယင်းအမှု၌ ပါဝင်သူဟု ယူဆရသူတစ်ဦးကို ဖေဖော်ဝါရီလ၂ ရက်နေ့တွင် ကချင်ပြည်နယ် တနိုင်းမြို့တွင် ဖမ်းဆီးရမိပြီး ၎င်းက ဓားပြတိုက်ခဲ့သည့်အကြောင်း ဇနီးဖြစ်သူကို ဖုန်းဆက်၍ ပြောရာမှ ခြေရာခံ ဖမ်းဆီး ရမိခဲ့ခြင်းဖြစ်ကာ မိုးကုတ်မြို့မှ တစ်ဦးကိုလည်း ပိတ်ဆို့ ရှာဖွေရေးများ ပြုလုပ်နေရာမှ မသင်္ကာသူအဖြစ် ထပ်မံ ဖမ်းဆီးမိခြင်း ဖြစ်ကြောင်း၊ လတ်တလောတွင် စစ်ဆေးမှုများ ပြုလုပ်နေကြောင်း မိုးကုတ်မြို့နယ် ရဲတပ်ဖွဲ့စခန်း တာဝန်ရှိသူတစ်ဦးက ပြောကြားသည်။

မိုးကုတ်မြို့၊ ရှောလီဝိုင်းအုပ်စု၊ အောင်ချမ်းသာရပ်ကွက်၊ ပတ္တမြားဈေး အတွင်းရှိ “မီလျံ” ရွှေဆိုင်နှင့် “နဂါး” ရွှေဆိုင်သို့ ဇန်နဝါရီလ၂၁ ရက်နေ့ မွန်းလွဲ ၂ နာရီခန့်က မျက်နှာဖုံး အုပ်ထားသူ ၆ ဦးသည် ပစ္စတိုလက်နက် သုံးလက်ခန့်နှင့် လက်ပစ်ဗုံး တစ်လုံး ကိုင်ဆောင်ကာ ယင်းရွှေဆိုင် နှစ်ဆိုင်အတွင်း လူခွဲ ဝင်ရောက်ပြီး မှန်ကောင်တာများ ရိုက်ခွဲ၍ ရွှေထည်ပစ္စည်းများ ယူဆောင်သွားခဲ့ကာ လာရောက် ကြည့်ရှုသည့် ဈေးအတွင်း မှန်ဆိုင်မှ ဒန်းဗဟာဒူးသည် သေနတ်ထိမှန် သေဆုံးပြီး မီလျံ ရွှေဆိုင်ရှင်၏ သမက်ဖြစ်သူသည် ဘယ်ဘက်ပေါင်တွင် ဒဏ်ရာ ရရှိသွားခဲ့သည်။

ရှမ်းပြည်နယ်မြောက်ပိုင်း ကျောက်မဲခရိုင် အတွင်းတွင် ဖြစ်ပွားခဲ့သော မန္တလေးတိုင်းဒေသကြီး ဝန်ကြီးချုပ် ယာဉ်တန်းရှေ့တွင် ချိန်ကိုက်မိုင်း ပေါက်ကွဲမှု၊ မိုးကုတ်မြို့နယ်ရှိ ရွှေဆိုင် နှစ်ဆိုင် ဓားပြတိုက်မှု မိုးကုတ်- မိုးမိတ် နယ်စပ်ရှိ နယ်ခြားစောင့် တပ်စခန်းကို လက်နက်ကိုင်အဖွဲ့ဝင်ရောက် ပစ်ခတ် မီးရှို့မှုနှင့် ပတ်သက်ပြီး ကျူးလွန်သူများ ဆက်စပ်မှု ရှိမရှိ စုံစမ်း စစ်ဆေးလျက် ရှိကြောင်း ကျောက်မဲခရိုင် ရဲတပ်ဖွဲ့မှူးရုံး တာဝန်ရှိသူတစ်ဦးက ပြောကြားထားသည်။

The Voice Weekly

RangonNewsDaily: February . 10 .2014
မန္တလေးတိုင်းဒေသကြီး မိုးကုတ်မြို့ ရွှေဆိုင် နှစ်ဆိုင်ကို တစ်ပြိုင်နက် ဓားပြတိုက်ခံရမှုတွင် ကျူးလွန်သည့် တရားခံများထဲတွင် ပါဝင်သည်ဟု ယူဆရသူ နှစ်ဦးကို ဖေဖော်ဝါရီလ၂ရက်နေ့က ခေါ်ယူ စစ်ဆေးနေရာ သံသယရှိသူ တစ်ဦး၏ ယောက်ဖဖြစ်သူ သက်သေ ထွက်ဆိုချက်အရ လက်နက်ကိုင် အဖွဲ့မှလည်း ပါဝင် ပတ်သက်နေသည်ဟု သိရကြောင်း မန္တလေးတိုင်း ဒေသကြီး ရဲတပ်ဖွဲ့မှူးရုံး တာဝန်ရှိသူတစ်ဦးက ပြောကြားသည်။

လက်နက် တရားမဝင် သယ်ဆောင်သည့် မြောက်ကိုရီးယားသင်္ဘော ဒဏ်ငွေ ဒေါ်လာ ခြောက်သိန်း ပေးဆောင်

Photo: လက်နက် တရားမဝင် သယ်ဆောင်သည့် မြောက်ကိုရီးယားသင်္ဘော ဒဏ်ငွေ ဒေါ်လာ ခြောက်သိန်း ပေးဆောင်
Monday, February 10, 2014

ကျူးဘားနိုင်ငံမှ လက်နက်များ တင်ဆောင်လာသည်ကို ထုတ်ဖော် ကြေညာခြင်း မရှိဘဲ ပနားမား တူးမြောင်းကို ဖြတ်ကျော်ရန် ကြိုးပမ်းသည့် မြောက်ကိုရီးယားသင်္ဘောကို ပနားမား အာဏာပိုင်များက ဒဏ်ငွေ ဒေါ်လာ ၆၉၃,၃၃၃ ချမှတ်လိုက်ပြီး မြောက်ကိုရီးယားနိုင်ငံက ဒဏ်ငွေများကို စနေနေ့တွင် ပေးချေလိုက်ကြောင်း CAN သတင်းတွင် ဖော်ပြထားသည်။

ဒဏ်ငွေ ပေးဆောင်ရန် မူလက သတ်မှတ်ထားသည့် ပမာဏမှာ ဒေါ်လာ တစ်သန်း ဖြစ်သော်လည်း ပမာဏ လျှော့ချမှုများ လုပ်ဆောင်ခဲ့ပြီး မြောက်ကိုရီးယား အစိုးရအဖွဲ့က ဒဏ်ငွေ ဒေါ်လာ ၆၉၃,၃၃၃ ကို ပေးချေလိုက်ပြီ ဖြစ်ကြောင်း တူးမြောင်း အုပ်ချုပ်ရေးမှူး ဂျော့က ပြောကြားသည်။

“သူတို့တွေက လက်ငင်း ငွေသားပဲ ပေးချေသွားတာပါ။ သင်္ဘော လွတ်လွတ်လပ်လပ် ခုတ်မောင်းလို့ ရပါပြီ” ဟု ၎င်းက ပြောကြားသည်။
ကာရေဘီယံဒေသနှင့် ပစိဖိတ်သမုဒ္ဒရာကို ဆက်သွယ်ထားသည့် တူးမြောင်းတွင်း မြောက်ကိုရီးယားသင်္ဘော Chong Chon Gang ဝင်ရောက်နိုင်ရန် ကြိုးပမ်းခဲ့သော်လည်း မူးယစ်ဆေးဝါးများ သယ်ဆောင် လာနိုင်သည်ဟု သံသယ ရှိခြင်းကြောင့် ဇူလိုင် ၁၀ ရက်နေ့တွင် ရပ်တန့် စစ်ဆေးခဲ့သည်။

သို့သော်လည်း သင်္ဘောပေါ်ရှိ ကွန်တိန်နာ ၂၅ လုံးအတွင်း ကျူးဘား စစ်လက်နက် ပစ္စည်းများ ထည့်သွင်း သယ်ဆောင်လာသည်ကို ပနားမား အာဏာပိုင်များ ရှာဖွေ တွေ့ရှိခဲ့ပြီး မစ်-၂၁ တိုက်လေယာဉ် နှစ်စင်း၊ လေကြောင်းရန် ကာကွယ်ရေးစနစ် ဒုံးပျံများနှင့် အမိန့်ပေး ထိန်းချုပ်ရေး ယာဉ်များ သယ်ဆောင် လာသည်ကို တွေ့ရှိရသည်။

အဆိုပါ စစ်လက်နက် ပစ္စည်းများမှာ ဟောင်းနွမ်းနေပြီဖြစ်သော လက်နက်များဖြစ်ပြီး ပြန်လည် ပြင်ဆင်မှု လုပ်ဆောင်ရန် မြောက်ကိုရီးယားနိုင်ငံသို့ တင်ပို့ခြင်း ဖြစ်ကြောင်း ဟာဗာနာနှင့် ပြုံယွမ်တို့က ပြောကြားသည်။

မြောက်ကိုရီးယား သင်္ဘောပေါ်တွင် သကြားအိတ်ပေါင်း ၂၀၀,၀၀၀ ကျော် တင်ဆောင်လာပြီး လက်နက်များကို သကြားအိတ်များအောက်တွင် ဖုံးဝှက် သယ်ဆောင်လာခြင်း ဖြစ်သည်။

ယင်းကဲ့သို့သော လက်နက်များ သယ်ဆောင်လာမှုသည် မြောက်ကိုရီးယား နိုင်ငံအပေါ် ကုလသမဂ္ဂအဖွဲ့က ချမှတ်ထားသည့် အရေးယူ ပိတ်ဆို့မှုကို ချိုးဖောက်ခြင်း ဟုတ်မဟုတ် လာရောက် စစ်ဆေးပေးရန် ကုလအဖွဲ့ကို ပနားမား အာဏာပိုင်များက တောင်းဆိုခဲ့သည်။

ပနားမား အာဏာပိုင်များက ထိန်းသိမ်းထားသည့် မြောက်ကိုရီးယား သင်္ဘောသား ၃၅ ဦးအနက် ၃၂ ဦးကို ပြီးခဲ့သည့် လအတွင်း ပြန်လွှတ်ပေးခဲ့ပြီး သင်္ဘော ကပ္ပတိန်၊ ပထမ အရာရှိ၊ နိုင်ငံရေး အတွင်းရေးမှူးတို့ကို လက်နက် မှောင်ခို တင်သွင်းမှုဖြင့် တရားစွဲဆိုထားသည်။

The Voice Weekly

RangonNewsDaily: February . 10 .2014
ကျူးဘားနိုင်ငံမှ လက်နက်များ တင်ဆောင်လာသည်ကို ထုတ်ဖော် ကြေညာခြင်း မရှိဘဲ ပနားမား တူးမြောင်းကို ဖြတ်ကျော်ရန် ကြိုးပမ်းသည့် မြောက်ကိုရီးယားသင်္ဘောကို ပနားမား အာဏာပိုင်များက ဒဏ်ငွေ ဒေါ်လာ ၆၉၃,၃၃၃ ချမှတ်လိုက်ပြီး မြောက်ကိုရီးယားနိုင်ငံက ဒဏ်ငွေများကို စနေနေ့တွင် ပေးချေလိုက်ကြောင်း CAN သတင်းတွင် ဖော်ပြထားသည်။

သမီးကလေးကျေးရွာ တကယ်ရှိခဲ့ပါသည်