ဇနီးမောင်နှံနှစ်ဦး ချစ်သက်သေအပြကောင်း၍ အဖမ်းခံရ

RangonNewsDaily: February . 10 .2014
စက်ဆန်းနယ်မြေရဲစခန်းမှတပ်ဖွဲ့ဝင်များ သည် ကြည်မြင်တိုင်မြို့နယ်၊ အလတ်ချောင်းရပ်ကွက်တွင် ဖေဖေ၀ါရီ ၉ရက်နေ့၂၃၃၀အချိန်က လင်မယား
(၂)ဦး မိမိကိုယ်ကို ဓါးဖြင့်ထိုးကြသဖြင့် ဒဏ်ရာများရရှိနေကြောင်း သတင်းအရသွားရောက်စစ်ဆေးရာ ခင်ပွန်းဖြစ်သူနှင့်ဇနီးဖြစ်သူတို့တွင် ၀မ်းဗိုက်များ၌ ထိုးသွင်းဒဏ်ရာ(၁)ချက်စီရရှိထားသည်ကိုတွေ့ရှိရှိကြောင်း Yangon Policeမှသိရသည်။
ဖြစ်စဉ်အားစုံစမ်းရာ ၎င်းတို့(၂)ဦးသည် အရက်သေစာသောက်စား ထားကြပြီး စကားများကြရာမှတစ်ဦးကို တစ်ဦးမည်မျှချစ်ကြကြောင်းကို သက်သေပြမည်ဟုဆိုကြကာ ခင်ပွန်းဖြစ်သူမှမိမိကိုယ်ကို ၀မ်းဗိုက်အား ဓါးဖြင့်ထိုးခဲ့သဖြင့် ထိုးသွင်းဒဏ်ရာ(၁)ချက်၊ ဇနီးဖြစ်သူမှလည်း မိမိကိုယ်ကိုဝမ်းဗိုက်အားဓါးဖြင့်ထိုးခဲ့သဖြင့် ထိုးသွင်းဒဏ်ရာ(၁)ချက်တို့ ကိုယ်စီရရှိခဲ့ခြင်းဖြစ်ကြောင်း သိရှိရပါသည်။

၎င်းတို့(၂)ဦးအား ရန်ကုန်ဆေးရုံကြီးသို့ပို့ဆောင်ခဲ့ရာ အတွင်းလူနာ (မစိုးရိမ်ရ)များအဖြစ် ဆေးကုသမှုခံယူလျက်ရှိသည်။
ယင်းကဲ့သို့ မိမိကိုယ်ကိုဓါးဖြင့်ထိုးခဲ့ကြပြီး သေကြောင်းကြံစည်ခဲ့ကြသူ ဇနီးမောင်နှံ(၂)ဦးအား စက်ဆန်းနယ်မြေရဲစခန်း (ပ)၄၅/၂၀၁၄၊
ပုဒ်မ ၃၀၉ ဖြင့်အမှုဖွင့်လှစ်ကာ အရေးယူဆောင်ရွက်လျက်ရှိကြောင်းYangon Policeမှသိရသည်။

Popular Myanmar , kolatt(PBDN)
RangonNewsDaily