Android အခြေခံ မိုဘိုင်းဖုန်း OS အသစ်ကို Facebook မိတ်ဆက်ဖွယ်ရှိ

Facebook သည် ယခုအခါ ကိုယ်ပိုင် အမှတ်တံဆိပ်ဖြင့် စမတ်ဖုန်း OS အမျိုးအစားသစ်တစ်ခု ထုတ်လုပ်ရန် အသင့်ရှိနေပြီဟု သတင်းများ ထွက်ပေါ်လာပြန်သည်။ မကြာခဏ ခန့်မှန်းခံရသော်လည်း လက်တွေ့တွင် တစ်ကြိမ်မျှ အကောင်အထည် ပေါ်မလာသေးသည့် Facebook ဖုန်း ပုံပြင်သည် အသွင်ကွဲ တစ်မျိုးဖြင့် အားကောင်းလာပြီး Google ၏ Android စနစ်ကို အခြေခံသည့် OS စနစ်တစ်ခုကို Facebook က ဖန်တီးနေကြောင်း သတင်းများက ရေးသားလာခဲ့သည်။ 

အစောပိုင်းက Facebook သည် ပိုမို သစ်လွင် အဆင်ပြေ ကောင်းမွန်သည့် Android သုံး App တစ်ခုကို ထုတ်ဝေမည်ဟု ထင်ကြေးများ ဖြစ်ပေါ်ခဲ့သော်လည်း နောက်ပိုင်းတွင် ဖုန်း OS ပုံစံကွဲ တစ်ခုကို ဖန်တီးနေသည်ဟု ယူဆစရာ ဖြစ်လာသည်။

 

Facebook သည် ဧပြီ ၄ ရက် အခမ်းအနားတွင် မီဒီယာများကို ဖိတ်ခေါ်ကာ ၎င်းတို့၏ Android အခြေခံ OS ပုံစံသစ်ကို ပြသဖွယ် ရှိနေသည်။ TechCrunch ၏ လေ့လာသူ ဂျော့ရ်ှကွန်စတင်းက “နီးစပ်တဲ့ သတင်းရင်းမြစ်တွေရဲ့ အပြောအရတော့ Android ကို အဆင့်မြှင့် မွမ်းမံထားတဲ့ Version တစ်မျိုးလို့ ယူစရာပဲ။ 

အထူးသဖြင့် Facebook ရဲ့ သီးခြား အပိုဆောင်း လုပ်ငန်းတွေကို ထဲထဲဝင်ဝင် သုံးနိုင်ဖို့ ပိုရည်ရွယ်ပုံ ရတယ်” ဟု ပြောကြားခဲ့သည်။ Facebook သည် ယင်း OS ကို အခြေပြုကာ Facebook ဖုန်း တစ်မျိုးကို ရောင်းချရန်လည်း ရှိလာနိုင်ပြီး Hardware ပိုင်းကို HTC က တာဝန်ယူဖွယ် ရှိနေကြောင်းလည်း သိရှိရသည်။

Source: Business Insider

Rangonnewsdaily
RND:3.4.2013