ရခိုင်ပြည်နယ်
သံတွဲမြို့တွင် မူဆလင် ဆန့်ကျင်ရေး စာရွက် စာတမ်းဖြန့်ဝေမူ
စွပ်စွဲ ချက်ဖြင့် ဖမ်းဆီး ထိန်းသိမ်းခံခဲ့ရသော ကျောင်း သား သုံးဦး
အာမခံရရှိခဲ့သည်ဟု သိရသည်။“ ‘ဒီလ ၄ ရက်နေ့က အာမခံရတယ်။ အပြင်ကို
ရောက်လာတယ်။ မနက်ဖြန်မှာလည်း ထပ် ရုံးချိန်း ရှိပါတယ်” ဟု ကိုထွန်းဖေက
နိရဉ္စရာသို့ ပြောသည်။
ကိုထွန်းဖေသည်အာမခံရထားသူကျောင်းသား(၃)ဦးထဲမှ ကိုညီမင်းခန့်၏ ယောက်ဖ တော်စပ်သူ ဖြစ်
သည်။
“သက်သေတွေကအားလုံးစစ်ပြီးပြီ၊ကောင်လေးတွေဘဲ ကျန်တော့တယ်။ လောလောဆယ်
ကောင်လေး
တွေက အပြင်ရောက်နေပြီ။ မနက်ဖြန် ထပ်ပြီးတော့ ရုံးချိန်းပါတယ်”ဟု
သူက ထပ်ပြောသည်။
ယခုအခါရဲမှထည့်ထားသောသက်သေထွက်ဆိုချက်မှာကောင်းမွန်သည့်အတွက်ကျောင်းသား သုံးဦးစလုံးမှာ ကွင်းလုံးကျွတ် လွတ်မြောက်နိုင်သည်ဟုလည်း
သူကပြောသည်။
“ အခြေအနေကတော့ ကောင်းပါတယ်။ ဘာဖြစ်လို့လဲဆိုတော့ တရားသူကြီး
ဦးခင်မောင်သောင်းက လည်း ကျောင်းသားတွေဆိုတော့ တစ်ကြိမ် တစ်ခါ ဖြစ်တဲ့
အတွက် သက်သက်ညာညာ လုပ်ပေးမယ်လို့ ထင်ပါတယ်။ ရဲက သက်သေ ထည့်ထားတဲ့ သူတွေရဲ့
ထွက်ဆိုချက်က ကောင်းပါတယ်။ မကြာခင်တော့ လွတ်မြောက်နိုင်လိမ့်မယ်လို့
ယုံကြည်မိပါတယ်” ဟု ဆိုသည်။
သူတို့ ကျောင်းသားသုံးဦးကို သြဂတ်စ် လ ၁၄ ရက်နေ့နှင့် ၂၄ ရက်နေ့က တစ်
ကြိမ်ကျစီ ရုံးထုတ် ခဲ့ပြီး တရားလိုသက်သေများကိုစစ်ဆေးပြီးနောက်ပိုင်းစက်တင်္ဘာလ၄ရက်နေ့တွင် အာမခံဖြင့် ပြန်လည်လွှတ်
ပေးခဲ့သည်။
ယခု အာမခံဖြင့် ပြန်လည် လွတ်မြောက်လာသူ ကျောင်းသား သုံးဦးမှာ
သံတွဲမြို့ ဗောဓိကုန်း ရပ်ကွက်မှ ဦးဘ သိန်း၏ သား ညီမင်းခန့် (အသက် ၂၀)- (
စစ်တွေအဝေးသင် မြန်မာစာ ပထမနှစ်)၊ သံတွဲ မြို့ သရက်ပင်ကွင်း ရွာမှ အဘ
ဦးအောင်ထွန်းကြည်၏သား နိုင်ရဲဦး (စစ်တွေ အဝေးသင်သမိုင်း ပထမနှစ်) နှင့်
သံတွဲမြို့ကြေးနန်းရုံးမှဦးမင်းဇော်၏သား၁၀တန်းကျောင်းသားခိုင်ဇော်ဆန်း(အသက် ၁၇ နှစ်)တို့ ဖြစ်ကြ
သည်။
သူတို့ (၃) ဦးကို မွတ်ဆလင်များမှ ထုတ်သည်ဟု အများက ယုံကြည်နေသည့်
မွတ်ဆလင်များ အနေဖြင့် မြန် မာ အမျိုးသမီးများကို နှလုံးသားရေးအရ သော်၎င်း၊
စီးပွားရေး အရသော်၎င်း၊ မြန်မာ အမျိုးသမီးတွေကို ထိမ်း မြှားယူရမည်။
လက်ထပ်နိုင်ပါက တစ်ဦးကို ငွေကြေး ထောက်ပံ့မည်- ဆိုသည့် အကြောင်းအရာပါ
လက်ကမ်း စာရွက်များကို ဖြန့်ဝေမူ၊ လက်ဝယ် သိမ်းဆည်းထားမူတို့ဖြင့်
ဇူလိုင်လ ၁၆ ရက်နေ့က ဖမ်းဆီးခဲ့သည်။
ဖမ်းဆီးပြီး ပြန်လည်လွှတ်ပေးခဲ့သော်လည်း
အထက် အမိန့်အရ နောက်ထပ် ဇူလိုင်လ ၂၀ ရက်နေ့တွင် ပြန်လည် ဖမ်းဆီးကာ ပုဒ်မ
၅၀၅ (ခ)ဖြင့် ရဲက အမှုဖွင့် တရားစွဲဆိုခဲ့သည်။
အဆိုပါ အမှုကို တရားလိုအဖြစ် သံတွဲမြို့နယ် မြို့နယ်ရဲတပ်ဖွဲ့မှူး
ဦးသောင်းလေးက တရားမ၀င် စာရွက်စာ တမ်း ဖြန့်ဝေမူ ပုဒ်မ ၅၀၅(ခ)တပ်ပြီး
တရားလို လုပ်ကာ တရားစွဲဆိုခြင်း ဖြစ်သည်။
နိရဉ္စရာသတင်း
0 comments:
Post a Comment