Pages

Saturday, August 25, 2012

သြဂုတ်လ (၂၃)ရက်နေ့ ည ( ၁၀ )နာရီခွဲအချိန်က မန္တလေးတိုင်းချမ်းမြသာစည်မြို့နယ် ဆရာဖြစ်သူကို သတ်သည် တပည့်တရားခံအား နာရီပိုင်းအတွင်း ဖမ်းမိ


၂၀၁၂ခုနှစ် ၊ သြဂုတ်လ (၂၃)ရက်နေ့ ည ( ၁၀ )နာရီခွဲအချိန်က မန္တလေးတိုင်းချမ်းမြသာစည်မြို့နယ်၊ တမ္မ
ပ၀တီရပ်ကွက် ၊ ခတ္တန်းရပ်ကွက်တွင်လူသတ်မှုဖြစ်ပွားခဲ့ကြောင်း အမှတ်(၁၀)ရဲစခန်မှ တာဝန်မှူးကအ
တည်ပြုပြောကြားသည်။

သေဆုံးသူမှာ အဆိုပါရပ်ကွက်တွင်နေထိုင်သူ ဦးတင်မောင်မြင့်ဖြစ်ပြီးဇနီးဖြစ်သူဒေါ်ဌေးဌေးဝင်း ကိုလည်း
 နောက်ကျောတွင် ထိုးသွင်းဒဏ်ရာတစ်ချက် ၊၀ဲလက်မောင်း ပျက်ရှဒဏ်ရာတစ်ချက်နှင့် ၀ဲလက်ခလယ်
ပျက်ရှဒဏ်ရာတစ်ချက်တို့ဖြင့်   မန္တလေးဆေးရုံကြီးတွင် တက်ရောက်ကုသမှုခံနေရ ကြောင်းသိရသည်။


တရားခံဖြစ်သူ ငတိ (ခ)ကျော်မင်းဦးအား သြဂုတ်လ(၂၃)ရက်နေ့ နံနက်(၃)နာရီထိုးခါနီးတွင် ၎င်း၏အိမ်မှ ဖမ်းမိကြောင်းသိရပြီး အမှုကြီးအမှတ်စဉ် ( ၂/၂၀၁၂ ) ပုဒ်မ ( ၃၀၂ )ဖြင့် အမှုဖွင့် အရေးယူထားကြောင်း သိရပြီး အမှုစစ်မှာစခန်းမှူး ရဲအုပ်သိန်းဦးဖြစ်ကြောင်းကိုလည်း သိရသည်။

ယခုဖြစ်စဉ်နှင့်ပတ်သတ်၍ တရားခံမှာ နေအိမ်အတွင်းသို့ကြိုတင်ရောက်ရှိနေပြီး ဦးတင်အောင်မြင့်နှင့် ဇနီး
ဖြစ်သူတို့အိပ်ခန်းအတွင်းမှ အထွက်တွင် လှေခါးအကွယ်တွင် ပုန်းနေရာမှထွက်လာပြီးဓါးဖြင့်ထိုးကာ ထွက်ပြေးသွားခြင်းဖြစ်သည်ဟု ရဲသုံးသပ်ချက်မှတ်တမ်းအရသိရှိရသည်။


အဆိုပါကိစ္စနှင့်ပတ်သတ်၍ သေဆုံးသူ ဦးတင်မောင်မြင့်၏အကိုဖြစ်သူဒေါက်တာဌေးမြင့်ကို ဆက်သွယ်မေး
မြန်းခဲ့ရာ သေဆုံးသူ ဦးတင်မောင်မြင့်၏သမီးဖြစ်သူမှ ၎င်းအား ဖုန်းဆက် အကြောင်းကြားခဲ့၍ သိရှိခဲ့
ကြောင်းပြောပြခဲ့သည်။

  '' ကျွန်တော့်ဆီဖုန်းဆက်တော့ ည(၁၁)နာရီရှိနေပြီ ၊ သူတို့က အောက်ထပ်မှာအိပ်တယ် ၊ ကလေးတွေက အပေါ်ထပ်မှာ ၊ သူ့သမီးက ကျွန်တော့်ကို ဖုန်းဆက်ပြီးအောက်မှာ အဖေကြီးကို လုပ်နေလို့ဆိုပြီး ဖုန်းဆက်
ခေါ်တာနဲ့ချက်ခြင်းလိုက်လာတာ ဒီရောက်တော့ ဓါးဒဏ်ရာနဲ့ လဲနေ တာတွေ့လို့ ဆေးရုံတန်းခေါ်သွားတယ် ၊ ဟိုရောက်တော့ ဆုံးသွားတယ် '' ဟု ဒေါက်တာဋ္ဌေးမြင့်က ပြောကြားခဲ့သည်။


အဆိုပါကိစ္စနှင့်ပတ်သတ်၍ ဒေါက်တာဌေးမြင့်မှ ဖြစ်စဉ်အားအတိအကျမသိသေးကြောင်း ၊ ဒေါ်ဌေးဌေးဝင်း
မှာလည်း စကားမပြောနိုင်သေး၍ငွေကြေးနှင့် ပစ္စည်းများဆုံးရှုံးမှု ရှိမရှိကို မသိရ သေးကြောင်း ဆက်လက်
ပြောကြားခဲ့သည်။


တရားခံဖြစ်သူ ငတိ(ခ)ကျော်မင်းဦးသည် တမ္မပ၀တီအရပ် ၊ ငွေဇင်ရပ်ကွက်တွင်နေထိုင်သူဖြစ်ပြီး ဘုရား
ရောင်တော်ဖွင့်လုပ်ငန်းလုပ်ကိုင်သူဖြစ်ကာသေဆုံးသူ ဦးတင်မောင်မြင့်၏ ကြေးသွန်း ပစ္စည်း များကို ၎င်း
အိမ်တွင်ယူ၍အရောင်တင်သော အလုပ်လုပ်ကိုင်သူဖြစ်ပြီး ဦးတင်မောင်မြင့်၏ တပည့်ဟောင်းတစ်ဦးလည်း
ဖြစ်ကြောင်း စုံစမ်းသိရှိရသည်။

မှုခင်းဖြစ်ပွားသည့်အချိန်က မန္တလေးမြို့တွင် မိုးအနည်းငယ်ရွာသွန်းနေချိန်ဖြစ်ကြောင်းသိရပြီး ပတ်ဝန်း
ကျင်မှ အိမ်များသိရှိချိန်နောက်ကျခဲ့ကြောင်းကိုလည်း ခတ္တန်းရပ်တွင်နေထိုင်သူ အမျိုးသားတစ်ဦးကပြော
ကြားသည်။

`` မနေ့ညက မိုးရွာနေတော့ အကုန်လုံး စောစောအိပ်ကြတာ ၊ အမှန်ဆိုအခင်းဖြစ်တဲ့အိမ်နဲ့ မျက်စောင်း
ထိုးမှာ ဆေးခန်းရှိတယ်။ အဲဒီဆေးခန်းကိုကည(၁၂)လောက်မှ ပိတ်တာ ၊ နောက် ဒီအရပ်က အလုပ်က ည တစ်နာရီ လောက်ဆိုပြန်ထပြီးလုပ်ကြတယ် ၊ လူသွားလူလာတော့ မပြတ်ဘူး ၊ ဖြစ်ပြီးလို့ သူတို့ ထွက်အော်
မှပဲသိလိုက်ရတာ ´´ ဟု ၎င်းက ပြန်လည်ဖြေကြားခဲ့သည်။

မြစ်မခသတင်း
 
 

0 comments:

Post a Comment