RangonNewsDaily:: November . 22 .2014
ဘန်ကောက်ပို့စ်၊ နိုဝင်ဘာ၂၀။ အမျိုးသားများ အတွက် ရောင်းချသော ဆေးဘက်ဝင် အပင်မှ ထုတ်လုပ်ထားသည် ဆိုသည့် လိင်အား တိုးဆေး အချို့တွင် ပန်းသေပန်းညိုး ရောဂါကို ကုသသည့် ဗီယာဂရာ ဆေးတွင် ပါဝင်သော ဓါတုဒြပ်ပေါင်းနှင့် ဆင်တူသော အေးလ်ဒင် နာဖီးလ်(Aildenafil) ပါဝင်ကြောင်း တွေ့ရှိ ထားသည်။သို့သော် ၎င်းအား အတည်ပြု ထောက်ခံထားခြင်း မရှိသည့်အတွက် အန္တရာယ်ဖြစ်စေနိုင်သည်ဟု ထိုင်းဆေးသိပ္ပံ ဋ္ဌာနက သတိပေးထား သည်။အမျိုးသား များ၏ လိင်မှုဆန္ဒကို မြင့်မားစေသည်ဆိုကာ ဈေးကွက်တွင် ရောင်းချနေသော ပရဆေးအချို့ကို ယင်းဋ္ဌာက မကြာသေးမီ က စုံစမ်းစစ်ဆေးခဲ့သည်။
ဆေးအများစုတွင် ဆရာဝန်၏ ညွှန်ကြားချက် လိုအပ်သော့ အရာ သုံးမျိုး ဖြစ်သည့် ဆီလ်ဒင်နာဖီးလ်၊ တာဒါနာဖီးလ်နှင့် ဗာဒင်နာဖီးလ်တို့ ပါဝင်ကြောင်း ဋ္ဌာနက တွေ့ရှိခဲ့သည်။
ဆေးအချို့တွင် အေးလ်ဒင်နာဖီးလ် ပါဝင်ပြီး ၎င်းဓါတုဒြပ်ပေါင်းက ကျားလိင်အင်္ဂါ၏ သွေး လွှတ်ကြောနှင့် အခြားသွေးလွှတ်ကြော များကို ကြီးမားစေခြင်း၊ ခေါင်းကိုက်ခြင်း၊ မူးဝေခြင်း၊ မျက်နှာ နီမြန်းခြင်း၊ အစာမကြေခြင်း၊ အသက်ရှူ ခက်ခဲခြင်း၊ အမြင်အာရုံ၊အကြားအာရုံ ထိခိုက်ခြင်း အပြင် နောက်ဆုံးတွင် အန္တရာယ် ဖြစ်လောက်သည် အထိ သွေးဖိအား ကျဆင်းကာ အသက်ဆုံးရှုံး နိုင်သည်ဟု ဆေးသိပ္ပံဋ္ဌာန ညွှန်ကြားရေးမှူးချုပ် အပီချိုင်း မောင်ခိုလ်က ပြောကြားခဲ့သည်။
Mizzima , KOLATT(PBDN)
RangonNewsDaily
0 comments:
Post a Comment