Pages

Wednesday, April 9, 2014

ကမ္ဘာအေးစေတီလမ်းပေါ်က ရန်ရန်ချန်းရဲ့ Invaders မဏ္ဍပ်


RangonNewsDaily: April . 9 .2014
ဒီနှစ်မှာတော့ ရန်ရန်ချန်းက သူငယ်ချင်းများနဲ့အတူ ကမ္ဘာအေးစေတီလမ်းပေါ်မှာ Invaders နာမည်နဲ့မဏ္ဍပ်ဆောက် မှာဖြစ်ပါတယ်။
" မဏ္ဍပ်ဆောက်ဖြစ်တဲ့ အကြောင်းကတော့ ကျွန်တော်နဲ့သိတဲ့သူတွေက မဏ္ဍပ်ထိုးချင်တယ်။ သူတို့လည်း အတွေ့အကြုံမရှိဘူးလေ။ ဒါနဲ့အားလုံးပေါင်း လုပ်ကြမယ်ဆိုပြီး မဏ္ဍပ်ဆောက် ဖြစ်သွားတာပါ။ ပါမစ်ယူရတာ
ကတော့ တော်တော်ကို မလွယ်တာပါ။ ဘယ်သူရလို့ရသွားမှန်း တောင်မသိဘူး။ ပါမစ်တွေ ပြန်ဝယ်ရတယ်။ ပါမစ်ဈေးတွေက ဈေးခေါ်နေကြတာ ၃ဝဝ လောက် နီးပါးတွေ ဖြစ်ကုန်ကြတယ်။ ဘယ်သူမှ မဝယ်နိုင်ကြတော့ဘူးပေါ့။ ဆောက်ရင် လည်း မြတ်လည်းမြတ်မှာ မဟုတ်တော့ဘူးလေ။ ပျော် လည်းပျော်ရမှာ မဟုတ်ဘူး။

ဒီဈေးကြီးပေးပြီးတော့ စိတ်တထင့်ထင့်နဲ့ ဖြစ်နေရမှာလေ။ ကျွန်တော်လည်း ခေါင်းစားနေရတာပေါ့။ သင်္ကြန်အတွက် သီချင်းတွေဘာမှ မပြင်ဆင်ရသေးဘူး။ သီချင်းပုံစံအသစ်တွေ လုပ်ဖို့ပေါ့။ Studio Date တွေ ယူထားပြီး အကုန်ဖျက်ပစ်ရတယ်။ မဏ္ဍပ်ပါမစ် ကိစ္စနေရာရဖို့နဲ့ ဆောက်ဖို့ ကိစ္စတွေအတွက် ပေါ့" လို့ မဏ္ဍပ်ဆောက်ဖြစ်ရခြင်းနဲ့ မဏ္ဍပ်ပါမစ်ကိစ္စတွေနဲ့ ပတ်သက်ပြီး ရန်ရန်ချန်းက ပြောပြပါတယ်။

မဏ္ဍပ်ဒီဇိုင်းကိုလည်း တခြားမဏ္ဍပ်တွေနဲ့မတူအောင် ပြုလုပ်သွားမှာဖြစ်ပြီး မဏ္ဍပ်ကို ၃ဆင့်ဆောက်လုပ်မှာဖြစ်ကြောင်း၊ အကျယ်ကတော့ ပေ ၁၅ဝ ရှိပြီး အနောက်အရှည်ကတော့ ပေ ၉ဝ ဖြစ်ကြောင်း လက်မှတ်ဈေးနှုန်း အနေနဲ့ကတော့ ၂ရက်နေ့ ကျော်သွားရင် ၅သောင်းဖြစ်သွားမှာဖြစ်ကြောင်း DJ အနေနဲ့၎ယောက် လောက်တီးခတ်သွားမှာ ဖြစ်ကြောင်း မဏ္ဍပ်ပေါ်မှာ စတိတ်ပုံစံပါဆောက် လုပ်သွားမှာဖြစ်ပြီး အဆိုတော်တွေရဲ့ ဖျော်ဖြေမှုတွေ လည်းရှိမှာ ဖြစ်ကြောင်း ပြောလာတဲ့ ရန်ရန်ချန်းက " မဏ္ဍပ်ရွေးချယ်မှုကတော့ သူတို့ အပိုင်းပေါ့နော်။ ကျွန်တော်တို့ အနေ နဲ့ကတော့ မဏ္ဍပ် လုံခြုံရေး အရရော၊ ပျော်ရွှင်မှုအရ ရော ပြည့်စုံအောင် လုပ်ထားပေးပါတယ်" လို့ ပြောပြပါတယ်။


Popular Myanmar , KOLATT(PBDN)
RangonNewsDaily

0 comments:

Post a Comment