ခေတ်အဆက်ဆက်အစိုးရ ၏ ခွဲခြားလုပ်ဆောင်ချက်များကြောင့် မွတ်စလင်မ်များညီညွတ်ကြရန် မ.မ.လ ဥက္ကဌတိုက်တွန်း

RangonNewsDaily: March . 3 .2014
မြန်မာနိင်ငံက အစ္စလာမ်ဘာသာဝင်တွေအပေါ် မြန်မာအစိုးရအဆက်ဆက်က ဖိနိုပ်ခွဲခြားမှုတွေ အစဉ်အဆက်ပြုလုပ်ခဲ့ကြတာဖြစ်တဲ့အတွက် ယနေ့မွတ်စလင်မ်တွေအနေနဲ့ စည်းစည်းလုံးလုံးညီညီညွတ်ညွတ်နဲ့ မိမိတို့ကိုယ်ကိုယ် ပြုပြင်ပြောင်းလဲမှုတွေလုပ်ဖို့အချိန်တန်ပြီလို့ မ.မ.လ ဥက္ကဌ ဟာဂျီဦးမြင့်ထွန်းက ၁၄၈၈ ကြိမ်မြောက်မဟာတမန်တော်နေ့အခမ်းအနားမှာပြောကြားလိုက်ပါတယ်။
"လူကြီးမင်းတို့က ဟာ.. ဒို့မြန်မာပြည်ကြီးအေးချမ်းလှတယ်။အခုအချိန်တိုလေးအတွင်းမှာ ဒီလိုကိစ္စရပ်တွေဘယ်လိုပေါ်ပေါက်လာသလဲဆိုပြီးပြောနေကြတာရှိတယ်။မဟုတ်ပါဘူး။တကယ်တော့ အစိုးရအဆက်ဆက် ကနေပြီးတော့ ကျွန်တော်တို့ကို ဆောင်ရွက်ခဲ့တာဖြစ်ပါတယ်။

အဲသလို ဆောင်ရွက်ခဲ့တဲ့အခါမှာ မ.ဆ.လ အစိုးရလက်ထက်မှာဆိုရင် ကျွန်တော်တို့ရဲ့သာသနိကအဆောက်အအုံတွေ၊လူနေမှုစနစ်တွေ၊ကျွန်တော်တို့ရဲ့ နိင်ငံသားဖြစ်တည်မှုကအစ ကျွန်တော်တို့ကို အမျိုးမျိုးဆောင်ရွက်ခဲ့တာဖြစ်ပါတယ်"လို့ မြန်မာအစိုးရအဆက်ဆက်ရဲ့ မွတ်စလင်မ်တွေအပေါ်ခွဲခြားဆက်ဆံမှုနိဒါန်းအကြောင်းကို ဟာဂျီဦးမြင့်ထွန်းကပြောပါတယ်။
::
ခွဲခြားဆက်ဆံခံရမှုတွေကထဲမှာ နိင်ငံသားဖြစ်ခွင့် ထိန်းချုပ်ခံရတာတွေ၊သာသနိကအဆောက်အုံ ဆောက်လုပ်ခွင့်မရတာတွေစတဲ့ ခွဲခြားဆက်ဆံဖိနိုပ်ခံရမှုတွေရှိနေတယ်လို့လည်း မ.မ.လ အဖွဲ့ ဥက္ကဌကပြောပါတယ်။

"စစ်အစိုးရလက်ထက်မှာ ကျွန်တော်တို့ကို လူမှုဘ၀တွေမှာ တိုင်းပြည်မှာရှိတဲ့ ဘာသာအသီးသီးရှိရဲ့သားနဲ့ ကျွန်တော်တို့ အစ္စလာမ်ဘာသာဝင်တွေနဲ့ တခြားဘာသာဝင်တွေနဲ့ တန်းတူညီမျှမှုမထားခဲ့တဲ့ ပုံစံတွေ အများကြီးရှိပါတယ်"လို့လည်း ဟာဂျီ ဦးမြင့်ထွန်းက ပြောပါတယ်။
::
အထူးသဖြင့်သာသနိကအဆောက်အအုံဆောက်လုပ်ခွင့်မပေးတဲ့မှု၊နိင်ငံသားမှတ်ပုံတင်ကဒ်ခက်ခဲစေမှု၊သချိုင်းမြေတွေကိုမတရားသိမ်းဆည်းခံခဲ့ရမှုတွေနဲ့လည်း မြန်မာမွတ်စလင်မ်တွေဟာ ရင်ဆိုင်ခဲ့ရတယ်လို့ လည်းအထက်ပါပုဂ္ဂိုလ်ကပြောပါတယ်။

"မြို့သစ်တည်တယ်။လူမှုအဖွဲ့အစည်းတွေ ခေတ်ကာလအလျှောက်ပြောင်းလဲ ခဲ့တယ်။လူဦးရေတိုးပွားလာတယ်။..ကျွန်တော်တို့ရဲ့ သာသနိကအဆောက်အအုံတွေဟာ ဟိုးအရင်ခေတ်အဆက်ဆက် က ကျွန်တော်တို့ ဘိုးဘွားဘီဘင် တည်ဆောက်ခဲ့တဲ့ သာသနိကအဆောက်အအုံကလွဲရင် တစ်လုံးပိုရှိဖူးလား
::
။ခေတ်အဆက်ဆက် ကျွန်တော်တို့ ဆုံးရှုံးနစ်နာ ခဲ့ရတာတွေချည်းပဲ"လို့လည်း မြန်မာမွတ်စလင်မ်လူငယ်များ(ဘာသာရေး)အဖွဲ့ ဥက္ကဌက အစ္စလာမ်ဘာသာဝင်တွေ ခေတ်အဆက်ဆက် ခွဲခြားဖိနိုပ်ခံရပုံတွေနဲ့ပတ်သက်လို့ အထက်ပါအတိုင်းဆက်လက်ပြောကြားခဲ့ပါတယ်။

မြန်မာမွတ်စလင်မ်တွေအနေနဲ့ ရွှေထီးဆောင်းခဲ့ချိန်တွေကို လက်ညှိုးထိုးနေရုံနဲ့တော့မပြီးနိင်ကြောင်းနဲ့ မြန်မာမွတ်စလင်မ်လူ့အဖွဲ့အစည်းအနေနဲ့ ပြုပြင်ပြောင်းလဲမှုတွေလုပ်ဖို့လိုနေပြီဖြစ်တယ်လို့လည်း ဦးမြင့်ထွန်းက ပြောကြားပါတယ်။
::
"ဒီနေ့ကစပြီး ကျွန်တော်တို့အရေးကို ကျွန်တော်တို့သာလျှင် တာဝန်ယူရမယ်။ကျွန်တော်တို့အရေးကို ကျွန်တော်တို့သာလျှင်ဆောင်ရွက်ရမှဖြစ်တယ်။ကျွန်တော်တို့အရေးကို ဘယ်အစိုးရကမှ လာလုပ်ပေးမှာမဟုတ်ဘူး။ဘယ်လူမှုအဖွဲ့အစည်းကမှ လာလုပ်ပေးမှာမဟုတ်ဘူး"လို့ ဟာဂျီဦးမြင့်ထွန်းက သူ့ရဲ့အမြင်ကိုအထက်ပါအခမ်းအနားမှာပြောပါတယ်။

ဒါ့အပြင်ပြုပြင်ပြောင်းလဲမှုတွေလုပ်နိင်ဖို့မြန်မာမွတ်စလင်မ်လူ့အဖွဲ့အစည်းအနေနဲ့ စည်းလုံးညီညွတ်ဖို့ကိုလည်းမ.မ.လ ဥက္ကဌက သုံးသပ်ပါတယ်။
"အီမန်ယုံကြည်သူ အချင်းချင်း အားလုံးကို ညီအစ်ကိုမောင်နှမတွေဖြစ်တယ် ဆိုရင် တစ်ဦးကိုတစ်ဦး ကဲ့ရဲ့ ရှုံ့ချပြောဆိုခြင်းရှောင်ကြဉ်ကြပါ"လို့လည်း ဟာဂျီဦးမြင့်ထွန်းကပြောပါတယ်။
::
ဒါ့အပြင် လွန်ခဲ့တဲ့နှစ်ပေါင်း ၅၀ ကျော်ကာလအတွင်း မြန်မာမွတ်စလင်မ်တွေဟာ အချင်းချင်း ဘာသာရေးကွဲလွဲမှု သေးသေးလေးတွေမှာလက်ညှိုးထိုးပြစ်တင်ခဲ့ကြတာတွေရှိခဲ့ပြီးအခုအချိန်မှာတော့ဒါတွေကိုချန်လုပ်ခဲ့ကြပါတော့လို့လည်း မ.မ.လ ဥက္ကဌက ဟာဂျီ ဦးမြင့်ထွန်းက တမန်တော်နေ့အခမ်းအနားမှာတိုက်တွန်းသွားပါတယ်။ 

ကိုပေါက်(မြန်မာမွတ်စလင်မ်မီဒီယာCJ) 
kolatt(PBDN)

RangonNewsDaily