ဖားကန့်မြို့နယ်တွင် အတင်းအဓမ္မ ဆက်ကြေး ဆက်ကောက်ခံခြင်း မရှိကြောင်း ကချင်လွတ်လပ်ရေးအဖွဲ့ KIA တပ်မဟာ ၂ လက်အောက်ခံ တပ်ရင်း ၆ မှ အရာရှိ တဦးက ငြင်းဆိုလိုက်သည်။KIA က ဖားကန့်နယ်
မြေအတွင်း ဇန်နဝါရီမှ မေလထိ အတင်းအဓမ္မ ဆက်ကြေး ကောက်ခံမှု သုံးကြိမ် ပြုလုပ်ခဲ့သည့် အပြင် အဓမ္မ လူသစ် ဖမ်းဆီးခြင်းများကို ပြုလုပ်လျက်ရှိနေသည်။
သြဂုတ်လတွင်လည်း ဆက်ကြေး ဆက်လက် ကောက်ခံနေ သည်ဟု အစိုးရ ပြန်ကြားရေးဝန်ကြီးဌာန၏ အင်တာနက် စာမျက်နှာတွင် ဖော်ပြထားချက်ကို တုန့်ပြန်ပြောဆိုလိုက်ခြင်း ဖြစ်သည်။
“မဟုတ်ဘူး။ ပြည်သူကို ဝါဒဖြန့်နေတာပဲ။ ဆက်ကြေး ကောက်တာလည်း မရှိဘူး။ ကျနော်တို့ ကောက်ဖို့ တာ
ဝန်လည်း မရှိဘူး။ ဆက်ကြေးကောက်တဲ့ ခေတ် မဟုတ်တော့ဘူး” ဟု KIA မှ ဗိုလ်ကြီး လဒွဲ က ပြောသည်။
ထို့ပြင် ဆက်ကြေးမပေးပါက ယာဉ်၊ ယန္တရားများ မီးရှုံ့ဖျက်ဆီးရန်နှင့် ဖားကန့် ကျေးရွာများရှိ ကုမ္ပဏီစောင့် ဝန်ထမ်း များ၏ အသက်အန္တရာယ်ကို ခြိမ်းခြောက်မှုများ ပြုလုပ်လာသဖြင့် တပ်မတော်က နယ်မြေလင်းမှုကို သြဂုတ်လ ၂၇ ရက်နေ့မှ စတင်ခဲ့သည်ဟု နိုင်ငံပိုင် ကြေးမုံသတင်းစာတွင် ဖော်ပြထားသည်။
သို့သော် အစိုးရတပ်များသည် သြဂုတ်လ ၁၉ ရက်နေ့မှစတင်၍ ထိုးစစ်ဆင်လာခြင်း ဖြစ်၍ KIA ဘက်မှ ခုခံ
ကာကွယ် တိုက်ခိုက်ခြင်းသာ ဖြစ်သည်ဟု KIA ဗိုလ်ကြီး လဒွဲ က ပြောသည်။
“ကျနော်တို့က ကျနော်တို့ နေရာမှာပဲ နေနေတာ သူတို့ အင်အား အလုံးအရင်းနဲ့ ထိုးစစ် ဆင်လာလို့ ကျ
နော်တို့ ခုခံတိုက်တာကနေ တိုက်ပွဲဖြစ်လာတာ။ ကျည်ဆံထိလို့ ပေါက်ကွဲတာတွေတော့ ရှိတယ်” ဟု မဇ္စျိမ
ကို ပြောသည်။
အငြိမ်းစား ဗိုလ်ချုပ်မှူးကြီးဟောင်း၏ အကျိုးတူ စီးပွားရေးလုပ်ငန်းရှင်များက KIA အား မလိုလားသဖြင့် ယ
ခုကဲ့သို့ ထိုးစစ်ဆင်မှု ဖြစ်ပွားလာခြင်းဖြစ်သည်ဟု သူက ဆက်ပြောသည်။
သြဂုတ်လ ၂၈ နှင့် ၂၉ ရက်နေ့များတွင် ဆိုင်းဂျာဘွမ်အနီးတဝိုက် နယ်မြေရှင်းလင်းသည့် အစိုးရတပ်နှင့် KIA တပ်များအကြား ထိတွေ့မှု ဖြစ်ပွားလျက်ရှိပြီး နှစ်ဖက် ထိခိုက် ဒဏ်ရာရမှုများအား စုံစမ်းဆဲ ဖြစ်သည်ဟု အစိုးရပြန်ကြားရေးဌာနက ဆိုသည်။
ဖားကန့်မြို့နယ် ဆိုင်းဂျာဘွမ်းကျေးရွာအနီးတွင် ကြာသပတေးနေ့က တိုက်ပွဲအတွင်း ဝေအောင်ကမ္ဘာ အ
ကျိုးတူ ကုမ္ပဏီပိုင် လောင်စာဆီ သိုလောက်ရုံထဲ လက်နက်ကြီးကျကာ ပေါက်ကွဲမှု ဖြစ်ပွားခဲ့သည်။ အဆိုပါ တိုက်ပွဲအတွင်း အစိုးရတပ်ဖက်မှ ကျဆုံးသူ ဦးရေ အနည်းဆုံး ၁ဝဝ ရှိနိုင်သည်ဟု အထက်ပါ KIA က ခန့်
မှန်းသည်။
KIA အဖွဲ့က ကျောက်စိမ်းတူးဖော်ရေး ကုမ္ပဏီ၏ ဘက်ဟိုးယာဉ်၊ မြေသယ်ယာဉ်နှင့် ကုမ္ပ အဆောက်အအုံ
အချို့ မီးရှုံ့ဖျက်ဆီးသွားခဲ့ကြောင်း အစိုးရ ပြန်ကြားရေးဌာနက ဖော်ပြထားချက်သည် မဟုတ်မှန်ကြောင်း ဗိုလ်ကြီး လဒွဲ က ငြင်းဆိုသည်။
ကချင်ပြည်နယ်အတွင်း အစိုးရတပ်များ၏ နယ်မြေရှင်းလင်းရေး တိုက်ပွဲများနှင့် ပတ်သက်၍ နိုင်ငံပိုင်သ
တင်းစာနှင့် ဝဘ်ဆိုက်များတွင် ဖော်ပြလေ့မရှိပေ။
ချင်းမိုင်(မဇ္စျိမ)
0 comments:
Post a Comment