သွားပြီလား? ၂၀၁၂ လန်ဒန် အိုလံပစ်မှာတော့ ထူးထူးခြားခြား အပြေးသမားတစ်ယောက်ဟာ တောင်အာဖရိကနိုင်ငံကို ကိုယ်စား
ပြုပြီးတော့ ၀င်ရောက်လာတယ်။
သူ့မှာ ခြေထောက်နှစ်ဖက်မရှိဘူး။ သူဟာ အထူးတီထွင်ထားတဲ့ သတ္တုစပ် ခြေတုကို အသုံးပြုပြီးတော့ သာမန်ခြေထောက်ပါရှိတဲ့ လူတွေနဲ့အတူ ပါဝင်ယှဉ်ပြိုင်ခဲ့တယ်။ ၂၀၀၈ ဘေဂျင်းအိုလံပစ်မှာတုန်းကတော့ သူဟာ တောင်အာဖရိကနိုင်ငံကိုယ်စား အိုလံပစ်
ပြိုင်ပွဲကို ပါဝင်ယှဉ်ပြိုင်ခွင့်ရဖို့ ငြင်းပယ်ခြင်းခံခဲ့ရပါတယ်။
ဒါပေမယ့် သူ့ရဲ့ မဆုတ်မနစ် ဇွဲလုံလတွေကြောင့် ခုတော့ လန်ဒန် ၂၀၁၂မှာ သူ့အိပ်မက်ဖြစ်တဲ့ ကမ္ဘာ့အကောင်းဆုံး အပြေးသမား
တွေထဲက တစ်ယောက်အဖြစ် ပြသခွင့်ရဖို့ အကောင်အထည်ပေါ်ခဲ့ပါပြီ။ ပြီးခဲ့တဲ့ သြဂုတ်လေးရက်နေ့တုန်းကပြိုင်ပွဲဝင်ငါးယောက်
နဲ့အတူ မီတာ ၄၀၀ ပြေးပွဲကို ၀င်ရောက်ယှဉ်ပြိုင်ခဲ့ရာမှာ ဒုတိယနေရာကနေ ပန်းဝင်သွားလို့ ခုဆိုရင် ဆီမီးဖိုင်နယ်ကိုတက်ရောက်
ခွင့်ရသွားပါပြီ။ သူကတော့ Oscar Pistorius လို့ခေါ်တဲ့ “Blade Runner” ပါပဲ။
အော်စကာ့ကို ၁၉၈၆ နိုဝင်ဘာ ၂၂ မှာ တောင်အာဖရိကနိုင်ငံမှာ မွေးဖွားခဲ့ပါတယ်။ မွေးရာပါ Fibular hemimelia ရောဂါလို့ခေါ်တဲ့ ခြေဖျံရိုးပါဝင်မလာခဲ့ပါဘူး။ အသက် ၁၁ နှစ်မှာ သူ့ဒူးဆစ်ကနေ ခြေချင်းဝတ်ကြားကို ဖြတ်တောက်ခဲ့ရပါတယ်။ ဒါပေမယ့် ဇွဲမလျှော့တဲ့ အော်စကာဟာ ဘ၀ပေးအခြေကို မမှု့ပဲ ရက်ဘ၊ီ water polo၊ တန်းနစ်စတဲ့ အားကစားတွေကို ကစားခဲ့ပါတယ်။
၂၀၀၃ခုနှစ်မှာ ရက်ဘီကစားရင်း သူ့ရဲ့ဒူးမှာ ပြင်းထန်စွာ ဒဏ်ရာရခဲ့တာကြောင့် ရက်ဘီအားကစားကို စွန့်လွှတ်ခဲ့ရပါတယ်။ ၂၀၀၄ ခုနှစ်မှာတော့ သူဟာ အပြေးတစ်ခုထဲကိုပဲ တစ်စိုက်မတ်မတ် လုပ်ဆောင်လာခဲ့ပါတယ်။ ဒီလိုနဲ့ပဲ ၂၀၁၂ အိုလံပစ်ကြီးမှာတော့ သူဟာ တောင်အာဖရိက နိုင်ငံကို ကိုယ်စားပြုတဲ့ နိုင်ငံဂုဏ်ဆောင် အပြေးသမားတစ်ယောက်အဖြစ် ရပ်တည်နိုင်ခဲ့ပါတယ်။
ကျွန်တော်တို့တွေလည်း ဘ၀မှာ မကြာခဏ ဆုံးရှုံးမှု့တွေနဲ့ ကြုံရပါတယ်။ တစ်ချို့က မွေးရာပါ၊ တစ်ချို့ကတော့ ဘ၀လမ်းကို လျှောက်လှမ်းရင်းနဲ့ပေါ့။ ဒါပေမယ့် ဒီဆုံးရှုံးမှု့ဆိုတဲ့ ဥခွံလေးထဲမှာပဲ ကျွန်တော်တို့ ၀မ်းနည်းနေမယ်၊ ကြေကွဲနေမယ်၊ ဒီဥခွံလေးကို ဖောက်ထွက်ဖို့ မကြိုးစားဘူးဆိုရင် အောင်မြင်မှု့ဆိုတဲ့ အသီးအပွင့်ကို ဘယ်တော့မှ ရရှိမှာမဟုတ်ပါဘူး။
0 comments:
Post a Comment