Pages

Wednesday, January 21, 2015

ဘန်ကောက်တွင် ဆောက်လုပ်ရေးငြမ်းစင်ပြိုကျ မြန်မာ ၈ ဦး ဒဏ်ရာရ


RangonNewsDaily:: January . 21 .2015
ထိုင်းနိုင်ငံ ဘန်ကောက်ခရိုင် ဘန်းခင်နယ်မြေ လတ်ဆီရပ်ကွက် လိုကယ်လို့ဒ်လမ်း အိုင်တီစကွဲယား ကုန်တိုက်ရှေ့မှာ မနေ့ညနေ ၅ နာရီလောက်က ဆောက်လက်စ ကောင်း ကင်ရထားလမ်း ငြမ်းစင်နဲ့တိုင် ပြိုကျပြီး အလုပ်သမားတွေ ဒဏ်ရာရခဲ့ပါတယ်။
ချာနယ် ၃ တီဗွီသတင်းမှာ သံငြမ်းစင်ပြိုကျမှုကြောင့် အပေါ်က ပြုတ်ကျလာသူရော၊ အောက်ကနေ အပိခံရသူတွေပါ စုစုပေါင်း ၁၀ ဦး ဒဏ်ရာရပြီး အဲဒီထဲမှာ မြန်မာ ၈ ဦး နဲ့ ထိုင်းလူမျိုး ၂ ဦးတို့ ပါဝင်တယ်လို့ ထိုင်းသတင်းတွေက ဆိုပါတယ်။


ဒဏ်ရာရသူတွေဟာ ကျောရိုး၊ ခြေထောက်နဲ့ လက်တွေ ထိခိုက် ဒဏ်ရာရကြတာဖြစ်ပြီး မုံးကွတ်ဝပ်ထနဆေးရုံကို ပို့ဆောင်ထားကြောင်း၊ ၃ ဦး ဒဏ်ရာပြင်းထန်ပြီး ထိုင်းလူမျိုး ၁ ဦး ကျောရိုးကျိုးသွားတယ်လို့ ကယ်ဆယ်ရေးအဖွဲ့ ရှေးဦးသူနာပြုဝန်ထမ်းက သတင်းထောက်တွေကို ပြောပါတယ်။
::
လတ်ဆီရပ်ကွက် အုပ်ချုပ်ရေးမှူး နိုင်းနလုန်းကျုံးကျဲမ်ဖက အဲဒီနေရာဟာ အီတာလျံထိုင်းကုမ္ပဏီက တာဝန်ယူဆောက်လုပ်နေတဲ့ ကောင်းကင်ရထားလမ်း ဆောက်လုပ်ရေးလုပ်ငန်းခွင်ဖြစ်ပြီး အပေါ်က ကွန်ကရစ်တွေသွန်းလောင်းရာမှာ အလေးချိန်မမျှတဲ့အတွက် သံတိုင်တွေရော၊ ငြိမ်းစင်တွေပါ ပြိုကျသွားတာလို့ ပြောကြောင်း သတင်းမှာ ဖော်ပြပါတယ်။
::
ဖြစ်စဉ်အကြောင်းရင်းနဲ့ ဆုံးရှုံးမှုတန်ဖိုးကိုတော့ ရဲစခန်းက ဆက်လက်လုပ်စုံစမ်း တွက်ချက်နေပြီး ပေါ့ဆမှုဆိုရင် ကန်ထရိုက်မှာ တာဝန်ရှိတယ်လို့ ရပ်ကွက်အုပ်ချုပ်ရေးမှူးက သတင်းထောက်တွေကို ပြောသွားပါတယ်။

DVB ::--KOLATT(PBDN)
RangonNewsDaily



0 comments:

Post a Comment