"ဒေါ်အောင်ဆန်းစုကြည် ချက်နိုင်ငံက Forum 2000 ညီလာခံကို တက်ရောက်မည်"

RangonNewsDaily:: Aug 16, 2013

အမျိုးသား ဒီမိုကရေစီအဖွဲ့ချုပ်ဥက္ကဌ ပြည်သူ့လွှတ်တော် ကိုယ်စားလှယ် ငြိမ်းချမ်းရေး နိုဘဲလ် ဆုရှင် ဒေါ်အောင်ဆန်းစုကြည်ဟာ ချက်နိုင်ငံ ကို ရှေ့လအတွင်း ပထမဆုံးအကြိမ်သွားရောက်မယ် လို့ သိရပါတယ်။ ချက်နိုင်ငံ Prague မြို့မှာ စက်တင်ဘာလ ၁၅ ရက်ကနေ ၁၇ ရက်နေ့အထိ ကျင်းပမယ့် Forum 2000 ညီလာခံ ကို တက်ရောက်ဖို့ အတွက် သွားရောက်မှာဖြစ်ပါတယ်။

Forum 2000 ဖောင်ဒေးရှင်း ကို ကွယ်လွန်သူ ချက် နိုင်ငံ သမ္မတ Vaclav Havel က ကမကထပြုပြီး ဂျပန် နိုင်ငံသားအလှူရှင် Yohei Sasakawa ၊ အမေရိကန်နိုင်ငံသား ငြိမ်းချမ်းရေးနိုဘဲဆုရှင် ပါမောက္ခ Elie Wiesel တို့နဲ့အတူ ၁၉၉၆ ခုနှစ်မှာ စတင် တည်ထောင်ခဲ့တာဖြစ်ပါတယ်။

အဲဒီ ဖောင်ဒေးရှင်းက နှစ်ပတ်လည်ညီလာခံတွေ ကျင်းပပါတယ်။ ဒီမိုကရေစီ မြှင့်တင်ရေး၊ အရပ်ဘက် အဖွဲ့အစည်းတွေကို အားပေးထောက်ပံ့ရေး၊ ပဋိပက္ခတွေ လျော့ပါးရေး တွေအတွက် ရည်ရွယ်ပြီး ဆွေးနွေးကြတဲ့ ညီလာခံတွေ ဖြစ်ပါတယ်။
ဒီညီလာခံကို တက်ရောက်မယ့် ကိစ္စ နဲ့ပတ်သက်ပြီး ဒေါ်အောင်ဆန်းစုကြည်က ပြောဆိုရာမှာ - ထားရှိတဲ့ တန်ဖိုးချင်း တူညီပြီး၊ အဲဒီတန်ဖိုးတွေကို ဝေမျှခံစားနိုင်တဲ့သူတွေထက် ပိုကောင်းတဲ့ မိတ်ဆွေ ဆိုတာ မရှိပါဘူး၊ ကွယ်လွန်သူ ချက် သမ္မတ Vaclav Havel နဲ့ မြန်မာနိုင်ငံက ကျမတို့ဟာ ဒီမိုကရေစီ နဲ့လူ့အခွင့်အရေးတွေ အပေါ် တောင့်တ မွတ်သိပ်ပုံချင်း တူညီခဲ့ကြပါတယ်၊ ဒါကြောင့်လည်း ရေမြေတွေခြားနေပေမယ့်ကျမတို့ မိတ်ဆွေ တွေ ဖြစ်လာခဲ့ကြတာပါ လို့ ဒေါ်အောင်ဆန်းစုကြည်က ကြေညာချက် ထုတ်ပြန်ပြောဆိုခဲ့ပါတယ်။

Forum 2000 ညီလာခံ ကို တိဘက်ဘာသာရေးခေါင်းဆောင် ဒလိုင်လားမား၊ အမေရိကန် လူ့အခွင့်အရေး တက်ကြွလှုပ်ရှားသူ တေးသံရှင် Joan Baez ၊ တောင်အာဖရိကနိုင်ငံ သမ္မတဟောင်း Frederik Willem de Klerk တို့လည်းတက်ရောက်မယ် လို့ မျှော်လင့်ရပါတယ်။

RFA Burmese, RangonNewsDaily
kolatt (Pabedan): 16.8.2013