ကိုမင်းကိုနိုင်၊
ကိုကိုကြီး၊ ကိုမိုးသီးဇွန်တို့ ပြန်လည်ဆုံဆည်းမှုကို သတင်းထောက်များက
မှတ်တမ်းဓာတ်ပုံရိုက်နေပုံ၊
နှစ်ပေါင်း ၂၀ ကျော်ကြာ ကွဲကွဲသွားကြတဲ့ ရှစ်လေးလုံး ကျောင်းသားခေါင်းဆောင်တွေ အခု တော့ ပြန် လည် ဆုံဆည်းဖြစ်ကြပါပြီ။စက်တင်ဘာလ ၁ ရက်နေ့က မြန်မာနိုင်ငံကို ပြည်တော်ပြန်ခွင့် ရခဲ့ပြီဖြစ်တဲ့ တချိန်ကရှစ်လေး လုံး ကျောင်းသားခေါင်းဆောင်တဦးဖြစ်တဲ့
ကိုမိုးသီးဇွန်နဲ့ သူငယ်ချင်းတစုဟာ ဒီကနေ့ စက်တင်လာလ ၂ ရက်နေ့၊ ၊ ညနေ ၃ နာ
ရီ ကရန်ကုန်မြို့၊ဝေဇယန္တာလမ်းရှိ ၈၈ မျိုးဆက် ကျောင်းသားများ၏
ရုံးခန်းသို့ ရောက်ရှိလာခဲ့ကြပါတယ်။
၈၈
မျိုးဆက်ကျောင်းသားများဖြစ်ကြတဲ့ ကိုမင်းကိုနိုင်၊ ကိုကိုကြီး၊
ကိုဌေးကြွယ် အစရှိတဲ့ သူတွေကလည်း ကိုမိုးသီးဇွန် အပါ အဝင် ပြည်ပမှ
ခေတ္တပြန်လည်ရောက်လာကြတဲ့ ယခင်က လုပ်ဖော်ကိုင်ဖက် မိတ်ဆွေ
သူငယ်ချင်းများကို နွေးထွေးစွာ ကြိုဆိုနှုတ်ဆက်တွေ့ဆုံခဲ့ကြပါတယ်။
တချိန်က
လုပ်ဖော်ကိုင်ဖက်ဟောင်းတွေဖြစ်တဲ့ ၈၈ မျိုးဆက်ကျောင်းသားများ အဖွဲ့ရဲ့
စေတနာ ၀သန် ဂီတရန်ပုံငွေပွဲကို ကိုမိုးသီးဇွန်နဲ့ အဖွဲ့ လာရောက်ခဲ့ပါတယ်။
ဒါပေမယ့် ဂီတဖျော်ဖြေပွဲတွေနဲ့ အစိုးရ ၀န်ကြီး ၂ ပါးလည်း
တက်ရောက်လာတဲ့အတွက် စကားလက်ဆုံ အားရအောင် မပြောဖြစ်ခဲ့ကြပါဘူး။
စက်တင်ဘာလ
၁ ရက်နေ့က စေတနာ ၀သန် ဂီတရန်ပုံငွေပွဲတွင် တွေ့ရသော ဦးလှမောင်ရွှေ၊
ဝန်ကြီး ဦးအောင်မင်း၊ ကိုမိုးသီးဇွန်၊ ကိုကိုကြီး၊ ၀န်ကြီး ဦးစိုးသိန်း ၊
ဓာတ်ပုံ- Peter Aung
အခု
ဒီကနေ့ ညနေကတော့ ပြန်လည်ဆုံဆည်းကြတဲ့ လုပ်ဖော်ကိုင်ဖက်ဟောင်းတွေဟာ
ကွဲကွာသွားစဉ် ကာလ မတူညီတဲ့ ဘ၀ဖြတ်သန်းမှုတွေကို စကားလုံး ဖောက်သည်တွေ
ချရင်းတရင်းတနှီး ပြော ဆိုဆွေးနွေးကြပါတယ်။
လွန်ခဲ့တဲ့ နှစ်ပေါင်း ၂၀
ကျော်ကာလ ၁၉၈၈ ခုနှစ် သြဂုတ်လ ၂၈ ရက်နေ့၊ ရန်ကုန် တက္ကသိုလ်
မြက် ခင်းပြင်မှာ ဗမာနိုင်ငံလုံး ဆိုင် ရာ ကျောင်းသားသမဂ္ဂများ
အဖွဲ့ချုပ်ဖြစ်မြောက်ေ ရး ကော်မတီ ကြေညာ ခဲ့စဉ်က ဥက္ကဌ အဖြစ် မင်းကိုနိုင်၊ ဒု
ဥက္ကဌ ကိုကိုကြီး၊ အထွေထွေ အတွင်းရေးမှူး မိုးသီးဇွန်ဆိုပြီး ကြေညာ ခဲ့ပါတယ်။
မြန်မာ့ သမိုင်းမှာ ကျောင်းသားတို့သမိုင်း တခေတ်ဆန်းခဲ့တာလည်းဖြစ်ပါတယ်။ မျိုးဆက်ဟောင်း ကျောင်း သားခေါင်းဆောင်တွေရဲ့ ရှေ့မှောက် ကျောင်းသား သမိုင်း တခေတ်ဆန်းစဉ်က သူတို့ဟာ ရှေ့တန်းက ဦးဆောင်ပါဝင်ခဲ့ကြသူတွေဖြစ်ပါတယ်။
၈၈မျိုးဆက်ကျောင်းသားများ
0 comments:
Post a Comment