Pages

Thursday, September 20, 2012

မယ်တော်ဆေးခန်း ထိုင်းတွင် ဆက်ရှိဦးမည်

 
ပြီးခဲ့သည့် သြဂုတ်လ အတွင်းက ဒေါက်တာ စင်သီယာမောင် (ဝဲဘက်အစွန်) နှင့် မန္တလေး ဆေးရုံကြီး မှ ဒေါက်တာ ဝေဝေသာနှ င့် တွေ့ဆုံစဉ် (ဓာတ်ပုံ – MK)
ထိုင်း-မြန်မာနယ်စပ်မဲဆောက်မြို့မှာအခြေစိုက်တဲ့မယ်တော်ဆေးခန်းကထိုင်းနိုင်ငံရောက် မြန်မာရွှေ့ပြောင်း
 လုပ်သားတွေရဲ့ကျန်းမာရေးဝန်ဆောင်ပေးမှုတွေဆက်လက်ကူညီပေးဖို့လိုအပ်နေသေး တာကြောင့် မြန်မာ
ပြည်တွင်းထဲ ပြန်ဝင်ဦးမှာ မဟုတ်သေးဘူးလို့ ပြောဆိုလိုက်ပါတယ်။
မယ်တော်ဆေးခန်းကသြဂုတ်လမှာယခုသမ္မတရုံးဝန်ကြီးဖြစ်လာတဲ့ ငြိမ်းချမ်းရေးဖော်ဆောင်မှုအဖွဲ့ ခေါင်း
ဆောင်ဦးအောင်မင်းနဲ့အလွတ်သဘောတွေ့ဆုံမှုတွေရှိခဲ့ပြီးနောက်ဆးခန်းက မကြာခင် မြန်မာပြည်ထဲ ပြန်
ဝင်တော့မလားဆိုတဲ့ စိုးရိမ်မှုတွေကြောင့် အခုလိုပြောဆိုတာ ဖြစ်ပါတယ်။
 
“မယ်တော်ဆေးခန်းက မြန်မာပြည်ထဲကို ပြန်မ၀င်သေးဘူးဆိုတာ လူတိုင်းကို သိစေချင်ပါတယ်။ ဘာဖြစ်လို့လဲဆိုတော့ မြန်မာပြည်သူတွေ၊ အထူးသဖြင့် တိုင်းရင်းသားဒေသတွေက ပြည်သူတွေအတွက် အစိုးရဆီက လုံလောက်တဲ့ ကျန်းမာရေး စောင့်ရှောက်မှုရဖို့က အလှမ်းဝေးနေဆဲ ဖြစ်နေတာကြောင့် ကျမတို့ ၀န်ဆောင်မှုတွေဟာ နယ်စပ်တလျှောက်မှာ အများအပြား လိုအပ်နေဆဲပါ” လို့ မယ်တော်ဆေးခန်း တည်ထောင်သူ ဒေါက်တာ စင်သီယာမောင်က ပြောပါတယ်။
 
မြန်မာပြည်ထဲမယ်တော်ဆေးခန်းပြန်ဝင်၊မ၀င်နဲ့ပတ်သက်လို့ပြောဆိုနေတာတွေ ရှိနေတာကြောင့် ဆေးခန်း
တာဝန်ရှိသူတွေက နေပြည်တော်အစိုးရ ကိုယ်စားလှယ်တွေနဲ့ မကြာသေးခင်က တွေ့ဆုံမှုများအကြောင်း အကျဉ်းချုပ် အစီရင်ခံစာတစောင် အင်္ဂါနေ့က ထုတ်ပြန်ခဲ့ပါတယ်။
 
ဒေါက်တာ စင်သီယာမောင်က အခုလောလောဆယ်မှာ National Endowment for Democracy (NED) အဖွဲ့က ပေးအပ်ထားတဲ့ ဒီမိုကရေစီဆု လက်ခံယူဖို့ အမေရိကန် ပြည်ထောင်စုကို ၆ ရက်ကြာခရီးစဉ်အဖြစ် ရောက်ရှိနေပါတယ်။ ၂၀၁၂ ခုနှစ် ဒီမိုကရေစီဆုကို မြန်မာနိုင်ငံက လှုပ်ရှားတက်ကြွသူ ၅ ဦး ရရှိတာဖြစ်ပြီး ဒီနေ့ စက်တင်ဘာ ၂၀ ရက်နေ့မှာ ဆုလက်ခံရယူမှာ ဖြစ်ပါတယ်။
 
မယ်တော်ဆေးခန်းတာဝန်ရှိသူတွေဟာဦးအောင်မင်းနဲ့အဖွဲ့ကိုဇွန်လနဲ့ သြဂုတ်လတွေမှာ နှစ်ကြိမ် တွေ့ဆုံ
ခဲ့ပြီး ကျန်းမာရေးဝန်ဆောင်မှု လုပ်ငန်းများကိစ္စ၊ ထိုင်းနိုင်ငံမှာ မွေးဖွားတဲ့ နိုင်ငံမဲ့ မြန်မာကလေးများ အရေးနဲ့ မယ်တော်ဆေးခန်း ကျွမ်းကျင်ဝန်ထမ်းတွေကို ပြည်တွင်းမှာ ပြန်ဝင်တဲ့အခါ လွတ်လပ်စွာနဲ့ ကျန်းမာရေးဝန်ဆောင်မှု လုပ်ငန်းများ လုပ်ကိုင်နိုင်ရေးတို့ကို ဆွေးနွေးခဲ့ကြပါတယ်။
 
မြန်မာအစိုးရ ကိုယ်စားလှယ်အဖွဲ့နဲ့ တွေ့ဆုံစဉ်အတွင်း အဓိထား ဆွေးနွေးခဲ့တဲ့ အချက် ၃ ချက်ကို အကျဉ်းချုပ် အစီရင်ခံစာထဲမှာ အလေးထား ဖော်ပြထားပါတယ်။ မယ်တော်ဆေးခန်း၊ မြ၀တီဆေးရုံနဲ့ မဲဆောက်ဆေးရုံတို့ လူနာလွှဲပြောင်းရေး အစီအစဉ် အပါအ၀င် နှစ်နိုင်ငံ နယ်စပ်ပူးပေါင်းဆောင်ရွက်ရေး လုပ်ငန်း၊ နိုင်ငံမဲ့ မြန်မာကလေးငယ်များအား နိုင်ငံသား အသိအမှတ်ပြု ကတ်ပြားများ ထုတ်ပေးရေးကိစ္စနဲ့ ကျွမ်းကျင်ဝန်ထမ်းများအား အသိအမှတ်ပြုရေးကိစ္စတို့ ပါဝင်ပါတယ်။
 
ဝန်ကြီး ဦးအောင်မင်းက ဒေါက်တာ စင်သီယာဆီ လာရောက်တာဟာ ဆရာမရဲ့ ကျန်းမာရေး အကူညီပေးမှုတွေမှာ ပူးပေါင်းဆောင်ရွက်ဖို့ ဖြစ်တယ်လို့ ပြောဆိုသွားပေမယ့် သြဂုတ်လ ဒုတိယအကြိမ် အစည်းအဝေးပြီး နောက်ပိုင်းကနေ ယခုချိန်အထိတော့ ဆက်သွယ်ဆွေးနွေးမှု မရှိသေးဘူးလို့ မယ်တော်ဆေးခန်းက လုပ်အားပေး တာဝန်ခံ ဆရာမ အဲသ၀ါးက ဧရာဝတီကို ပြောပါတယ်။
 
“နောက်ထပ် ပူးပေါင်းဆောင်ရွက် မှုတွေအတွက် ဘယ်သူနဲ့ ဆက်သွယ်ရမယ်ဆိုတာကအစ ကျမတို့ ဘာမှ မသိဘူး။ နောက်ပြီးတော့ သူတို့စလာကတည်းက သူတို့တွေ့မယ်ဆိုတာကလည်း တခါမှ ကြိုမပြောဘူး။ ရောက်တယ်ဆိုမှ ဖုန်းဆက်ပြီး နောက်မနက်တွေ့မယ်၊ အဲလိုပဲ ဆက်သွယ်လာတယ်။ သူတို့မလာခင်က တွေ့ဖို့အစီအစဉ်ရှိလား မရှိလားတော့ ကျမတို့မသိဘူး။ ရှိရင်တော့ ကြိုအကြောင်း ကြားတာမျိုး လုပ်သင့်တယ်” လို့ သူက ပြောပါတယ်။
 
အစိုးရကမယ်တော်ဆေးခန်းရဲ့လူမှုရေးကူညီပေးမှုလုပ်ငန်းတွေအပေါ် စိတ်ဝင်စားမှုရှိတာကို ဆေးခန်းတာ
ဝန်ရှိသူတွေက ကြိုဆိုပေမယ့်လည်း နောက်ထပ် အစည်းအဝေးတွေကို တရားဝင်ဖြစ်စေချင်ပါတယ်။ ဒါမှသာ နှစ်ပေါင်းများစွာ ကြာဖြစ်နေတဲ့ ပြဿနာတွေ၊ အထူးသဖြင့် လက်နက်ကိုင် ပဋိပက္ခတွေကြောင့် ဆယ်စုနှစ်များစွာ အခက်အခဲကြုံနေရတဲ့ တိုင်းရင်းသားဒေသတွေက ကျန်းမာရေးစောင့်ရှောက်မှု လိုအပ်ချက်တွေအတွက် အဖြေရှာ ဆွေးနွေးနိုင်မှာ ဖြစ်ပါတယ်။
 
နောက်ထပ်အစည်းအဝေးတွေလုပ်မယ်ဆိုရင်တရားဝင်အစည်းဝေးဖြစ်ဖို့အစိုးရအနေနဲ့ လိုက်နာသင့်တဲ့အ
ချက်တွေကိုမယ်တော်ဆေးခန်းရဲ့အစီရင်ခံစာကတောင်းဆိုထားပါတယ်။အဲဒီအချက်တွေကတော့ အစည်း
အဝေးမပြုလုပ်ခင်နှစ်ဖက်သဘောတူညီတဲ့အစီအစဉ်ချမှတ်ရန်၊အစည်းအဝေးကိုမဲဆောက်မြို့ တနေရာရာ
တွင်ပြုလုပ်ရန်၊သတင်းမီဒီယာထံမထုတ်ပြန်ခင်မယ်တော်ဆေးခန်းတာဝန်ရှိသူများထံမှ သဘောဆန္ဒယူရန်
နှင့်ဒေသတွင်းလိုအပ်ချက်များကိုဖြေရှင်းနိုင်မည့်လူပုဂ္ဂိုလ်ကိုယ်စားလှယ်များသာအစည်းဝေး တက်ရောက်
ရန်တို့ ဖြစ်ပါတယ်။
 
“မကြာသေးခင်ကအစည်းအဝေးတွေမှာအစိုးရဘက်ကလာတက်တဲ့ကိုယ်စားလှယ်တွေက အခုအဓိကဖြစ်
နေတဲ့အကြောင်းအရာတွေပေါ်ဖြေရှင်းအဖြေရှာနိုင်တဲ့အတွေ့အကြုံဗဟုသုတ မရှိတာကို တွေ့ရတယ်။အစိုး
ရကကျမတို့နဲ့ထပ်ပြီးတော့လာရောက်ဆွေးနွေးမယ်ဆိုရင်လူမှန်၊ကိုယ်စားလှယ်မှန် ခေါ်လာဖို့ မျှော်လင့်တယ်။ 
 
ဒါမှသာကျမတို့ဆွေးနွေးအဖြေရှာမှုတွေဟာနယ်စပ်တလျှောက်နဲ့မြန်မာပြည်တွင်းကကျန်းမာရေးဝန်ဆောင်
မှုတွေတိုးမြှင့်လုပ်ဆောင်ဖို့ရှင်းလင်းတိကျတဲ့အဖြေထွက်လာနိုင်မှာဖြစ်တယ်”လို့ဒေါက်တာ စင်သီယာက
ပြောပါတယ်။
 
မယ်တော်ဆေးခန်းဟာထိုင်းနိုင်ငံမှာအလုပ်လုပ်ကိုင်နေတဲ့မြန်မာရွှေ့ပြောင်း အလုပ်သမားတွေအပြင် မြန်
မာဘက်ခြမ်းနယ်စပ်တလျှောက်မှလာရောက်ဆေးကုသမှုခံယူသူများကို ကျန်းမာရေးဝန်ဆောင်မှု ပေးနေ
တဲ့ဆးခန်းဖြစ်ပါတယ်။မြန်မာပြည်အရှေ့ခြမ်းနယ်စပ်တလျှောက်တိုင်းရင်းသားဒေသများမှ လာရောက်ကု
သမှု ခံယူသူဦးရေဟာ စုစုပေါင်း ၀န်ဆောင်မှုရဲ့ ထက်ဝက်ခန့်ရှိပါတယ်။
 
ယခုနှစ် ဇွန်လက ရန်ပုံငွေထောက်ပံ့ကြေး အခက်အခဲ ကြုံတွေ့နေရကြောင်း ကြေညာထားခဲ့သော်လည်း ယခုလက်ရှိမယ်တော်ဆေးခန်းရဲ့ကုသမှုဝန်ဆောင်ရေးလုပ်ငန်းများမှာပုံမှန်အတိုင်းလည်ပတ်လျက်ရှိကြောင်း 
ဆရာမ အဲသ၀ါးက ပြောပါတယ်။
 
အမေရိကန်နိုင်ငံဝါရှင်တန်မြို့တော်ရှိNEDအဖွဲ့စက်တင်ဘာ၁၉ ရက်နေ့ ဆွေးနွေးပွဲမှာလည်း နိုင်ငံတကာအ
နနဲ့နယ်စပ်ဒေသကဒုက္ခသည်တွေအတွက်နဲ့အကူညီလိုအပ်သူများအရေး လုပ်ဆောင်နေတဲ့ လူထုအခြေပြု အဖွဲ့တွေအတွက်အထောက်အပံ့တွေဆက်လက်ကူညီပေးဖို့လိုအပ်တဲ့အကြောင်းဒေါက်တာ စင်သီယာက
 ပြောဆိုသွားပါတယ်။
 
 
ဧရာဝတီ

0 comments:

Post a Comment