Pages

Sunday, May 11, 2014

ဒေါ်အောင်ဆန်းစုကြည်ဟောပြောပွဲနေ့တွင် ကြံ့ခိုင်ရေးအမတ်ရှင်ပြုအလှူပွဲလုပ်

RangonNewsDaily: May . 10 .2014
မအူပင်၊ မဇ္ဈိမ။ ။ မအူပင်မြို့တွင် ၂၀၀၈ဖွဲ့စည်းပုံအခြေခံပြင်ဆင်ရေးအတွက် ဒေါ်အောင်ဆန်းစုကြည် ဟောပြောပွဲလုပ်မည့် မေလ ၁၀ရက်တွင် ပြည်ထောင်စုကြံ့ခိုင်ရေးနှင့်
ဖွံ့ဖြိုးရေးပါတီမှ တိုင်းလွှတ်တော်ကိုယ်စားလှယ် ဦးရန်ဝင်းက ရှင်အပါး ၃၀၀ ရှင်ပြုအလှူ ပြုလုပ်ခဲ့သည်။
ရှင်ပြုအလှူပွဲကို မအူပင်မြို့ ရွှေဘုန်းမြတ်စေတီတွင် ပြုလုပ်ခဲ့ပြီး ရှင်ပြုပွဲသို့ မအူပင်မြို့နှင့် အနီးရှိ ကျေးရွာများမှ ဒေသခံများက မေလ ၆ရက် နံနက်အရောက် ရွှေဘုန်းပွင့်စေတီသို့ လာရန် မေလ၃ရက်က ရပ်ကွက်အုပ်ချုပ်ရေးမှူးများက လိုက်လံ ဆော်သြထားသည်ဟု ဒေသခံများက ပြောသည်။
ယင်းနေ့ နံနက် ၉နာရီ ၁၀မိနစ်ခန့်တွင် ဒေါ်အောင်ဆန်းစုကြည်သည် ဖွဲ့စည်းပုံအခြေခံဥပဒေ ပြင်ဆင်ရေး ဟောပြော
ရန် မအူပင်မြို့သို့ ရောက်ရှိခဲ့သည်။ သူမ အလာကို ဧရာဝတီတိုင်းအတွင်းရှိ မြို့နယ်များမှ လူအင်အား တစ်သိန်းခန့်က နံနက်အစောပိုင်းမှ စတင်၍ လာရောက် စောင့်ဆိုင်းခဲ့သည်။ ယမန်နေ့ (မေလ ၉ရက်)ကလည်း မအူပင်မြို့တွင် မိုးရွာ
သဖြင့် ဒေသခံများက ဟောပြောပွဲပြုလုပ်ချိန်တွင် မိုးရွာပါက ပွဲပျက်မည်ကို စိုးရိမ်သဖြင့်မိုးတားဆုတောင်းခြင်းများ ပြုလုပ်
ခဲ့ကြသေးသည်။

ဟောပြောပွဲကို နံနက် ၉နာရီခွဲခန့်တွင် ၁၀နာရီ ၄၀ခန့်တွင် ပြီးစီးသွားခဲ့ပြီး ဒေါ်အောင်ဆန်းစုကြည်သည် မအူပင်မြို့ရှိ ရပ်မိရပ်ဖများနှင့် တွေ့ဆုံဦးမည်ဖြစ်သည်။

Mizzima - News , 
KOLATT(PBDN)
RangonNewsDaily

0 comments:

Post a Comment