အာဆင်နယ်တွင် ပုံမှန်ပွဲထွက်ခွင့်မရရှိပါက အသင်းပြောင်းရွှေ့ရန် စဉ်းစားရတော့မည်ဟု ဗာမယ်လန်း ထုတ်ဖော်

RangonNewsDaily:: October. 16 .2013
အာဆင်နယ်အသင်းတွင် ပုံမှန်ပွဲထွက်ခွင့်ရရန် ရုန်းကန်နေရသည့် အသင်းခေါင်းဆောင် နောက်ခံ ကစားသမား ဗာမယ်လန်က ပွဲထွက်ခွင့်ပျောက်ဆုံးနေသည့် အာဆင်နယ်မှ ထွက်ခွာရန်
စဉ်းစားနေပြီဖြစ်ကြောင်း အရိပ်အမြွက်ပြောဆိုလိုက်သည်။ အသက် ၂၇ နှစ်အရွယ်ရှိ ဘယ်လ်ဂျီယံဗဟိုနောက်ခံလူ ဗာမယ်လန်က အာဆင်နယ်တွင် ပုံမှန်ပွဲထွက်ခွင့်မရရှိသည့်အပေါ် စိတ်ပျက်နေပြီး ယခုအတိုင်းဆိုပါက ၎င်း၏ အနာဂတ်အတွက် စဉ်းစားရတော့မည်ဖြစ်ကြောင်း ဆိုခဲ့သည်။ ဘယ်လ်ဂျီယံအသင်းသည် ကမ္ဘာ့ဖလားခြေစစ်ပွဲစဉ်ကို အောင်မြင်ထားပြီးဖြစ်ကာ နောက်ဆုံး ၁၂ နှစ် အတွင်း ပထမဆုံးအကြိမ်အဖြစ် ကမ္ဘာ့ဖလားပြိုင်ပွဲတွင် ၀င်ရောက်ယှဉ်ပြိုင်ခွင့် ရရှိတော့မည်ဖြစ်ရာ ဗာမယ်လန် အနေဖြင့် အာဆင်နယ်တွင် ပုံမှန်ပွဲထွက်ကစားခွင့် မရရှိပါက ကမ္ဘာ့ဖလားပြိုင်ပွဲဝင်မည့် ဘယ်လ်ဂျီယံအသင်းတွင် နေရာပျောက်မည်ကို စိုးရိမ်နေခြင်းဖြစ်သည်။

ဗာမယ်လန်သည် အာဆင်နယ်အသင်းခေါင်းဆောင်ရာထူးကို ရယူပြီးနောက်ပိုင်း ခြေစွမ်းပြကစားနိုင်ခဲ့သော်လည်း ဒဏ်ရာပြဿနာများ ကြုံတွေ့လာခဲ့ကာ ခြေစွမ်းမပြသနိုင်တော့သောကြောင့် နည်းပြ အာစင်ဝင်းဂါးက ၎င်းနေရာတွင် ပြင်သစ်နောက်ခံလူ ကိုစီရယ်နီကို အစားထိုးသုံးစွဲလာခဲ့သည်။ 

ကိုစီရယ်နီမှာ အခြားနောက်ခံလူတစ်ဦးဖြစ်သူ မာတီဆက်ကာနှင့် အကောင်းဆုံး တွဲဖက်ကစားနိုင်သောကြောင့် အာစင်ဝင်းဂါးက ဗာမယ်လန်ကို ပွဲထွက်လူစာရင်းတွင် အသုံးမပြုတော့ခြင်းဖြစ်သည်။

ဗာမယ်လန်အနေဖြင့် အာဆင်နယ်တွင် နေရာရရန် ရုန်းကန်နေရသကဲ့သို့ ဘယ်လ်ဂျီယံအသင်းတွင်လည်း စပါးနောက်ခံလူ ဗာတွန်ဂန်နှင့် မန်စီးတီးအသင်းခေါင်းဆောင် ကွန်ပနီတို့ရှိနေသဖြင့် ပုံမှန်ပွဲထွက်ခွင့် အတွက် တိုက်ပွဲဝင်ရမည့် အနေအထားရှိနေပြီး ၎င်းအနေဖြင့် ကလပ်အသင်းတွင် ပုံမှန်ခြေစွမ်းပြနိုင်မှ သာ ကမ္ဘာ့ဖလားပြိုင်ပွဲဝင်မည့် ဘယ်လ်ဂျီယံအသင်းတွင် ပါဝင်ခွင့်ရရန် သေချာမည်ဖြစ်သည်။

“ကျွန်တော့်အတွက် ပုံမှန်ပွဲထွက်ခွင့်ရဖို့ လိုအပ်ပါတယ်။ ဒီ့အတွက် ကျွန်တော် နည်းပြနဲ့လည်း တွေ့ဆုံခဲ့ပြီးပါပြီ။ ဒီအခြေအနေသာ မပြောင်းလဲဘူးဆိုရင်တော့ ကျွန်တော့်အနာဂတ်အတွက် စဉ်းစားရတော့မှာပါ”ဟု ဗာမယ်လန်က ဖွင့်ဟခဲ့သည်။

Mizzima - News, kolatt(PBDN)
RangonNewsDaily