နိုင်ငံခြားသားများ စိတ်ဝင်စားသော ကသာမြို့က George Orwell အိမ်ကြီး

George Orwell အိမ်ဝင်းထဲမှာ စကိတ်ကွင်းလုပ်ချင်သူများသို့ Google Search ထဲမှာ George Orwell , Katha ဆိုပြီးရှာကြည့်ပါ။ ယခုလက်ရှိ နိုင်ငံခြားသားခရီးသွားအပေါင်းတို့ အလွန် စိတ်ဝင်စားစွာလာရောက်လေ့လာကြသော (1926)ခုနှစ်က George Orwell နေထိုင်ရာအိမ်အိုကြီး တစ်လုံး၏
ပုံပေါင်းများစွာထွက်ပေါ်လာပါလိမ့်မည်...။ ထို့ပြင် နိုင်ငံတကာ ခရီးသွားတို့၏ George Orwell , Burmese Days နှင့် ကသာမြို့လေး၏ဆက်နွယ်မှု
မြောက်များစွာအားရေးသားမှတ်တမ်းတင်ထားသော website အမြောက်အများအားတွေ့ရှိရပါလိမ့်မည်..။

ဤကား မြန်မာပြည်အထက်ပိုင်းနှင့်ကသာမြို့လေး၏ Eco Tourismလုပ်ငန်းအတွက် George Orwell ၏
အိမ်ကြီးနှင့် Burmese Days ၏ဇာတ်ဝင်ခန်းနေရာများ ဖြစ်သည့် British Club,Tennis Court အစရှိသည်
တို့ မည်မျှအရေးပါသည်ကို ရှင်းလင်းပြတ်သားစွာ ညွှန်းပြနေခြင်းပင်...။

ကမ္ဘာက သိသော နေရာများ ပိုင်ဆိုင်သည့် ကျွန်တော်တို့ ကသာမြို့လေးအား2012 ခုနှစ်အတွင်း နိုင်ငံခြားသား ခရီးသွားများလာရောက်လည်ပတ်မှုမှာ သိသိသာသာ
ထူးထူးခြားခြားပင်တိုးတက်လာခဲ့သည်မှာ မြို့လူထုအသိဖြစ်သည်။

ထို့ကြောင့် ဤကဲ့သို့ အဖိုးမဖြတ်နိုင်သည့် မြို့ကလေး၏ အဆောက်အဦများ၊နေရာများအားထိန်းသိမ်းစောင့်ရှောက် ရမည်မှာ ကျွန်တော်တို့ ကသာသူ၊ကသာသားများ၏ သမိုင်းပေးတာဝန်ဖြစ်ပါသည်။

သို့သော် ယခုကြားရသည့်သတင်းကား နားဝမှာ မသက်သာလှပါ...။

နေပြည်တော်ကို ပိုင်လှပါသည်ဟု အမည် သတင်းကြီးနေသောခရိုနီလိုလို၊ ဟိုဟာလိုလို၊ ဒီဟာလိုလို
ပုဂ္ဂိုလ်တစ်ယောက်ကသာမြို့အတွင်းသို့ ၀င်ရောက်မွေနှောက် ရောက်ရှိလာပြီးသကာလဟိုမြေကွက်ကို ဘာဆိုင်ဖွင့်မည်၊

ဒီမြေကွက်ကို ကြောင်တောင်နိုက်မည်ဟု လျို့ဝှက် အကွက်များခင်းနေသည်ကို ကျွန်တော်တို့
ကြားနေရစဉ်George Orwell ၏ အိမ်ဝင်းကြီးအား Skate ကွင်းကြီး လုပ်မည်ဟုရဲရဲဝံ့ဝံ့ တင်ပြလာသည်ဟု
ကြားရသောအခါ ကျွန်တော်တို့အားလုံး မည်သို့မျှ မနေသာတော့ပါ.....။

မြို့လေး၏အကျိုးထိခိုက်လာမည့်သူမှန်သမျှအား ကသာသားတို့၏media ဘက်ပေါင်းစုံမှ စောင့်ကြည့်
ကာကွယ်သွားမည်ဖြစ်ကြောင်း ဤနေရာမှ ကြေငြာလိုက်ရပါသည်...။

Posted From Katha Town
Thit Htoo Lwin 
RND: 6.3.2013