အင်ဂျင်နီယာများလည်း ကျမ်းကျိန်ရတော့မည်

RangonNewsDaily:: October. 1.2013
မှတ်ပုံ တင်အင်ဂျင်နီယာ လက်မှတ်ထုတ် ပေးရာ တွင် ကျမ်းကျိန်စေပြီးမှသာ ထုတ်ပေး မည်ဖြစ်ကြောင်း မြန်မာ နိုင်ငံ အင်ဂျင်နီယာအသင်းဥက္ကဋ္ဌ ဦးဝင်းခိုင်က ပြောကြားလိုက် သည်။
လက်ရှိအချိန်တွင် မှတ်ပုံတင်အင်ဂျင်နီယာလက်မှတ် ထုတ် ပေးနိုင်ရန် အတွက် မြန်မာနိုင်ငံ အင်ဂျင်နီယာ ကောင်စီ ဥပဒေကို ပြည်သူ့လွှတ် တော် တွင် တင်ထားပြီဖြစ်ကာ အဆိုပါဥပဒေအတည်ပြုပြီးပါ က ယင်းသို့ဆောင်ရွက်သွားမည် ဖြစ်ကြောင်းသိရသည်။ မြန်မာနိုင်ငံအင်ဂျင်နီယာ ကောင်စီဥပဒေအရ အင်ဂျင်နီ ယာများ၏ကျင့်ဝတ်၊ သိက္ခာ၊ သမာဓိတိုးတက်ရေးအတွက် မှတ်ပုံတင်အင်ဂျင်နီယာလက် မှတ် ထုတ်ပေးရာတွင် ကျမ်းကျိန် စေခြင်းဖြင့် အင်ဂျင်နီယာလုပ်ငန်း များအပေါ်တွင်ပါ ထိန်းသိမ်းရာ ရောက်မည်ဖြစ်ကြောင်း မြန်မာ နိုင်ငံအင်ဂျင်နီယာအသင်းဥက္ကဋ္ဌ ဦးဝင်းခိုင်က ပြောကြားလိုက်သည်။

''မှတ်ပုံတင်အင်ဂျင်နီယာ ဖြစ်ဖို့က လုပ်ငန်းခွင်နှစ်နှစ်တာ ဝန်ထမ်းဆောင်ဖို့လိုသလို (RE) ဖြစ်တဲ့နေ့မှာ ကျမ်းကျိန်ရပါမယ်။ ဒီလိုလုပ်ခြင်းအားဖြင့် တစ်ဦးချင်း ကနေ လုပ်ငန်းတွေအပေါ်မှာလဲ ထိန်းပြီးသားဖြစ်သွားမယ်။ အင် ဂျင်နီယာကောင်စီဥပဒေထွက် လာတာနဲ့ ဒီလိုဆောင်ရွက်သွား မှာပါ''ဟု ပြောကြားသည်။

ပြည်သူ့လွှတ်တော်သို့ ဥပဒေအရ အတည်ဖြစ်စေရန်
တင်သွင်းထားသည့် အင်ဂျင်နီယာ ကောင်စီဥပဒေတွင် အများပြည် သူ ဘေးအန္တရယ်ဖြစ်စေနိုင်သည့် အင်ဂျင်နီယာဆိုင်ရာလုပ်ငန်း နှင့် နည်းပညာဆိုင်ရာလုပ်ငန်းများ ကို ကောင်စီကထုတ်ပေးသည့် မှတ်ပုံတင်လက်မှတ်မရှိဘဲ လုပ် ကိုင်ခြင်းမပြုရန် တားမြစ်ထား သည့်အချက် ပါဝင်ကြောင်းလည်း သိရသည်။

မြန်မာနိုင်ငံ အင်ဂျင်နီယာ ကောင်စီဥပဒေ(မူကြမ်း)ကို ပထမ အကြိမ် ပြည်သူ့လွှတ်တော် သတ္တမ အစည်းအဝေး (၁၅)ရက်မြောက်နေ့ တွင် မလှိုင်မဲဆန္ဒနယ်မှ လွှတ်တော် ကိုယ်စားလှယ် ဦးအေးမောက်က တင်သွင်းပြီး ပြည်သူ့လွှတ်တော် က ယင်းဥပဒေကို လက်ခံဆွေးနွေး ရန် သဘောတူခဲ့ကြောင်း သိရ သည်။

ဥက္ကဋ္ဌဦးဝင်းခိုင်က ''ကိုယ် ဘာလုပ်လုပ် အများပြည်သူအ ကျိုးစီးပွား အတွက်ဆိုတာ စဉ်း စားလုပ်စေချင်တယ်။ အင်ဂျင်နီ ယာလုပ်ငန်းနဲ့ သဘာဝပတ်ဝန်း ကျင်ကတွဲနေတော့ ထိခိုက်မှုရှိရင် လဲ အနည်း ဆုံးဖြစ်အောင်၊ သတ် မှတ်ထားတဲ့ဥပဒေ၊ နည်းဥပဒေ တွေနဲ့ ကိုက်ညီအောင် လုပ်ဆောင် ရပါမယ်။ တခြားသောအင်ဂျင်နီ ယာဘာသာရပ်တွေနဲ့လဲ ဆက် စပ်စဉ်းစားပေါင်းစပ်လုပ်ကိုင် ရမှာပါ''ဟု ဆက်လက်ပြောကြား ခဲ့သည်။

ရန်ကုန်နည်းပညာတက္က သိုလ်၊ ဗိသုကာဌာနမှ ပါမောက္ခ ဒေါက်တာ ဉာဏ်မြင့်ကျော်က ''ဒါကတော့ ကောင်စီဝင်တစ်ဦး အနေနဲ့ရယ် Ethic ပိုင်းမှာ အ ကျိုးစီးပွားအတွက် မလုပ်အောင်၊ Public Safety ပိုင်းနဲ့ မကျွမ်းတဲ့ အလုပ်ကို မလုပ်ပါဘူးဆိုတာ အဓိက ကတိပြုရမယ်ထင်ပါတယ်။ လက်မှတ်ရရင်တော့ တာဝန်ခံ နိုင်တာ၊ လက်မှတ်ထိုးနိုင်တာ လုပ်နိုင်မှာပါ။ ဒီမှာက တချို့တစ် ဝက်က အသက်ဝင်ပြီးသားပါ''ဟု ရန်ကုန်တိုင်းမ်၏မေးမြန်းမှုကို ပြန်လည်ဖြေကြားသည်။

လွတ်လပ်ရေးရပြီးချိန်မှ လက်ရှိအချိန်အထိ အင်ဂျင်နီယာ ပညာ ရပ်ဖြင့် ကျောင်းပြီး ဆုံးပါက ပညာရပ်ဆိုင်ရာ အသိအမှတ်ပြု လက်မှတ်သာ ရရှိနေပြီး လုပ်ငန်း ခွင်ဆိုင်ရာနှင့် အသက်မွေးဝမ်း ကျောင်းအတွက် နိုင်ငံတော်က အသိအမှတ်ပြု အကာအကွယ် ပေးနိုင်မည့် လက်မှတ်ထုတ်ပေး နိုင်ခြင်းမရှိသေးကြောင်း သိရ သည်။

မြန်မာနိုင်ငံရှိ ဆေးကောင် စီ၊ စာရင်းကောင်စီတို့က အသိအ မှတ်ပြုမှတ်ပုံတင်လက်မှတ်များ ထုတ်ပေးရာတွင် လိုက်နာစောင့် ထိန်းသင့်သည်များကို ကျမ်းကျိန် စေကာ ပေးအပ်ခြင်းဖြစ်သော် လည်း လက်ရှိအချိန်တွင်မူ အင် ဂျင်နီယာများအတွက် လုပ်ငန်းခွင် ဆိုင်ရာနှင့် အသက်မွေးဝမ်းကျောင်း အတွက် နိုင်ငံတော်မှအသိအ မှတ်ပြုလက်မှတ်ထုတ်ပေးနိုင်ခြင်း မရှိသေးဘဲ ကျမ်းကျိန်ရခြင်းလည်း မရှိသေးကြောင်း သိရသည်။

Yangon Media , RangonNewsDaily
kolatt (Pabedan)