ဂျပန် နည်းပညာ လုပ်ငန်းစုကြီးကSony PlayStation 4 ဂိမ်းစက် စတင်မိတ်ဆက်

Sonyက ၎င်းတုိ့၏ ဈေးကွက်ဗျူဟာ အဓိက ထုတ်ကုန် တစ်ခုဖြစ်သည့် စတုတ္ထမျိုးဆက် PlayStationဂိမ်းစက်ကို စတင် မိတ်ဆက်လိုက်ပြီ ဖြစ်သည်။ ဂျပန် နည်းပညာ လုပ်ငန်းစုကြီးက PS4 ဂိမ်းစက်သစ်ကို ထုတ်ဝေမည် ဖြစ်ကြောင်း အတည်ပြုခဲ့ပြီး ခရစ္စမတ် ကာလဝန်းကျင်တွင် ရောင်းချမည်ဟု ကြေညာခဲ့သည်။ သို့သော်လည်း မတူညီသည့် နိုင်ငံအလိုက် စတင်ရောင်းချမည့် နေ့ရက်မှာမူ ကွာခြားဖွယ် ရှိသည်။ Sony၏ ယခင် PSဂိမ်း မျိုးဆက် (၃)ခုအနက် PS2မှာ အထူးအောင်မြင်ခဲ့ပြီး PS3တွင် ကြုံခဲ့ရသည့် အမှားအယွင်း အချို့ကို သင်ခန်းစာယူ ပြုပြင်ကာ PS4ကို အကောင်းဆုံး မိတ်ဆက်နိုင်မည်ဟု လေ့လာသူများက မျှော်လင့် သုံးသပ်ခဲ့ကြသည်။

DualShock4 လက်ကိုင်သည် သတင်းများ ကြိုတင် ထွက်ပေါ်နေသည့်အတိုင်း Touch Panelတစ်ခု ပါဝင်လာခဲ့ပြီး Dual Camera အာရုံခံဘား တစ်ခုကြောင့်လည်း လှုပ်ရှားမှု စနစ်များအတိုင်း ထိန်းချုပ်ထောက်ပံ့နိုင်မည် ဖြစ်သည်။

ယင်းစနစ်ကို PS4 Eyeဟု အမည်ပေးထားသည်။ ဂိမ်းလက်ကိုင်တွင် Shareခလုတ်လည်း ပါရှိလာပြီး အင်တာနက်မှ မိတ်ဆွေ အပေါင်းအသင်းများကြား အပြန်အလှန် ချိတ်ဆက်ဝေမျှမှုများ ပြုလုပ်နိုင်မည် ဖြစ်သည်။

Sonyသည် PS4တွင် Social Networkingဘက်နွယ်သော Featureများကို ပိုမို အသားပေး ထည့်သွင်းလာခြင်း ဖြစ်သည်။ ထို့အပြင် မိမိ ကစားထားသည့် ဂိမ်းဇာတ်လမ်းများကို ဗီဒီယိုဖိုင်အဖြစ် သိမ်းဆည်းကာ Facebookပေါ် တင်နိုင်သည့် စနစ်မျိုးလည်း ပါဝင်လာမည်ဟု ဆိုသည်။

PS4အတွက် ရည်စူးထားသည့် Killzone: Shadow Fall ဂိမ်း၏ Trailerများအရ ဂိမ်းစက်၏ Graphic ကဏ္ဍအတွက် မောင်းနှင်အားမှာ အကောင်းဆုံး အဆင့်တွင် ရှိနေသည်ဟု မှတ်ချက်ပေး ခံခဲ့ရသည်။

ဂိမ်းစက်၏ ဈေးနှုန်းကိုမူ တိတိကျကျ ထုတ်ပြန် အသိပေးမှု မရှိသေးချေ။ Sonyသည် E3 ကုန်သွယ်ရေး ပြပွဲအတွင်း PS4၏ အချက်အလက် အသေးစိတ်ကို ပိုမို ထဲထဲဝင်ဝင် ဖော်ပြလာဖွယ် ရှိနေကြောင်းလည်း သိရှိရသည်။

RND:23.2.2012

Planet Myanmar Network