စစ်အစိုးရ အဆက်ဆက် အုပ်ချုပ်မှုမှာ အာဇာနည်တွေရဲ့ အခန်းကဏ္ဍကို မှေးမှိန်အောင် လုပ်ခဲ့ကြောင်း မင်းကိုနိုင်ပြောကြား

(Photo-88 Generation Students)

စစ်အစိုးရ အဆက်ဆက် အုပ်ချုပ်မှုမှာ အာဇာနည်တွေရဲ့ အခန်းကဏ္ဍကို မှေးမှိန်အောင် လုပ်ဆောင်ခဲ့ကြောင်း ကိုမင်းကိုနိုင် က ဒီကနေ့ ပြောကြားလိုက်ပါတယ်။ 


ရန်ကုန် တောင်ဒဂုံမြို့နယ်မှာ ဒီကနေ့ ပြုလုပ်တဲ့ အာဇာနည်နေ့အကြို အခမ်းအနားမှာ ကိုမင်းကိုနိုင်က ပြောကြားလိုက်တာပါ။ ဒီ အခမ်းအနားမှာ အာဇာနည်နေ့ အကြောင်းအပြင် ၈၈ မျိုးဆက် ကျောင်းသားများ အဖွဲ့က အကောင် အထည် ဖော်နေတဲ့ ပွင့်လင်းလူအဖွဲ့အစည်း အကြောင်းကိုလည်း ဆွေးနွေးကြပါတယ်။

ဆွေးနွေးပွဲ တက်ရောက် လာသူတွေကလည်း သူတို့ဒေသက ကြုံတွေ့နေကြရတဲ့ လက်ရှိအခြေအနေတွေကို ဆွေးနွေးပွဲမှာ ၈၈ မျိုးဆက် ကျောင်းသား ခေါင်းဆောင်တွေနဲ့ ဆွေးနွေးကြပါတယ်။

အခမ်းအနားကို တောင်ဒဂုံမြို့နယ်က ရပ်မိရပ်ဖတွေ နိုင်ငံရေး လှုပ်ရှားသူတွေနဲ့ ကိုမင်းဇေယျာ၊ ကိုဂျင်မီ၊ ကိုဋ္ဌေးကြွယ် အပါအဝင် ၈၈ မျိုးဆက် ကျောင်းသား ခေါင်းဆောင်တွေ တက်ရောက်ခဲ့ကြပါတယ်။

Ref: RFA (Burmese)