Pages

Thursday, March 9, 2017

ကျုံပျော်တွင် စိတ်မနှံ့သော ၁၇နှစ်အရွယ် မိန်းကလေးငယ်အား အဓမ္မပြုကျင့်မှုဖြင့် အသက် ၅၆ နှစ်အရွယ် အမျိုးသားတစ်ဥိးကို ဖမ်းဆီး


RangonNewsDaily::Thursday. March 9. 2017
မတ်လ ၇ ရက် (ကျုံပျော်)
ဧရာဝတီတိုင်းဒေသကြီး ကျုံပျော်မြို့နယ်တွင် ၁၇နှစ်အရွယ် စိတ်မနှံ့သူ မိန်းကလေးငယ်အား ၅၆နှစ်အရွယ်ရှိ ယောက်ျားတဦးက အလိုမတူဘဲ သားမယားပြုကျင့်မှုဖြစ်ပွားကြောင်းသိရသည်။

ဖြစ်စဉ်မှာ ၅.၃.၂၀၁၇ ရက်နေ့ နေ့လည် ၁၂း၀၀အချိန်ခန့် ကျုံပျော်မြို့နယ် အင်းတရော်ကျေးရွာအုပ်စုတွင် နေထိုင်သူ အသက် ၁၇ နှစ်အရွယ် စိတ်မနှံ့သူတဦးအား
အသက် ၅၆ နှစ်အရွယ် ထွန်းသိန်းဆိုသူက
၂၀၁၆ ခုနှစ် အောက်တိုဘာလထဲတွင် သားမယား အဖြစ်
နှစ်ကြိမ်တိုင် ပြုကျင့်ခဲ့ကြောင်း
စိတ်မနှံ့သူ မိန်းကလေးငယ်က မိဘများအား ပြောပြသော်လည်း မယုံကြည်ခဲ့ဘဲ ၆.၃.၂၀၁၇ ရက်နေ့တွင် သမီးဖြစ်သူ ရင်သားများကြီးထွားနေခြင်းကို မသင်္ကာသဖြင့် ရှားခဲကျေးရွာမှ သားဖွားဆရာမ ဒေါ်နန်းနန်းမြိုင် (ငြိမ်း) ထံသွားရောက်စစ်ဆေးရာ ကိုယ်ဝန် ၅လ ရှိနေပြီ ဖြစ်ကြောင်း စစ်ဆေးတွေ့ရှိမှ သမီးဖြစ်သူ သားမယားပြုကျင့်ခံခဲ့ရကြောင်း အုပ်ထိန်းသူများက သိခဲ့သည်။
ထို့ကြောင့် မိဘများက သမီးဖြစ်သူ သားမယားကျင့်ခံရမှုကို အထောင်နယ်မြေရဲစခန်း၌ ၆.၃.၂၀၁၇ ရက်နေ့ နေ့လည်တွင် သွားရောက်တိုင်တန်းရာ အထောင်နယ်မြေရဲစခန်း မှ (ပ)၁၄/၂၀၁၇၊ ရာဇသတ်ကြီးဥပဒေပုဒ်မ ၃၇၆ ဖြင့် အမှုဖွင့်ပြီး ထွန်းသိန်းအား အမှုဖြင့်ဖမ်းဆီးစစ်ဆေး ဆောင်ရွက်လျက်ရှိကြောင်း သိရသည်။
မောင်ရဲနိုင်
The Ayeyarwaddy Times
ဓါတ်ပုံ - ဧရာဝတီတိုင်းရဲတပ်ဖွဲ့


0 comments:

Post a Comment