RangonNewsDaily:: December . 21 .2014
အရည်အချင်းပြည့်မီ သော တပ်မတော်ဖြစ်လာစေရေး မြန်မာ့တပ်မတော်တွင် အသက် (၁၈)နှစ်ပြည့်ပြီး အနိမ့်ဆုံး အခြေခံပညာ မူလတန်းအဆင့် အောင်မြင်သူများကိုသာ တပ် သားသစ်အဖြစ် လက်ခံမည်ဖြစ် ကြောင်း သတင်းရရှိသည်။
ယခင်က မြန်မာ့တပ်မတော် တွင် တပ်သားအဖြစ် ၀င်ရောက် လိုပါက ပညာအရည်အချင်းသတ် မှတ်ချက်မထားဘဲရေးတတ်၊ ဖတ် တတ်ရုံဖြင့် ၀င်ရောက်နိုင်ခဲ့သည်။
ထို့အပြင် တပ်မတော်သို့ဝင် ရောက်မည့်သူများအနေဖြင့် နိုင်ငံ သားစိစစ်ရေးကတ်၊ ကျောင်း ထွက်လက်မှတ်(မူရင်း)၊ သက်ဆိုင်ရာအုပ်ချုပ်ရေးမှူး၏အကျင့် စာရိတ္တ ကောင်းမွန်ကြောင်း ထောက်ခံချက်၊ သက်ဆိုင်ရာမြို့နယ် ရဲစခန်း၏ ပြစ်မှုကင်းရှင်းကြောင်း ထောက်ခံချက်နှင့်အိမ်ထောင်စုစာရင်းတို့ပါရှိရမည်ဟု တွဲဖက်စစ်ရေးချုပ်ဗိုလ်မှူးကြီးသန်းဦးက ပြောသည်။
‘‘ကလေးစစ်သားကိစ္စနဲ့ပတ်သက်လို့ (၁၈)နှစ်ပြည့်တယ်၊ မပြည့်ဘူးဆိုတာ ကျောင်းထွက်လက်မှတ်ကို ကြည့်တာနဲ့ အငြင်းပွားစရာမလိုတော့ဘူး’’ဟု ဗိုလ်မှူးကြီးသန်းဦးက ပြောသည်။
‘‘တပ်မတော်သားဆိုတာ ပညာတတ်လေကောင်းလေပဲ။ ထမင်းငတ်လို့ စစ်ထဲဝင်တာတို့၊ အလုပ်မရှိလို့ စစ်ထဲဝင်တာဆို မကောင်းဘူး’’ဟု ဒီမိုကရေစီရေးတက်ကြွလှုပ်ရှားသူ ဒေါက်တာနိုင်အောင်ကဆိုသည်။
ဗိုလ်ချုပ်မှူးကြီးမင်းအောင်လှိုင်တပ်မတော်ကာကွယ်ရေးဦး စီးချုပ်ဖြစ်လာပြီးနောက်ပိုင်း တပ်မတော်အတွင်းရှိ ကလေးစစ်သားများကို မိဘများထံသို့ ပြန်လည်အပ်နှံခဲ့သည်။
ထို့အပြင် ပြီးခဲ့သည့်နှစ်မှစ၍ မြန်မာ့တပ်မတော်တွင် အမျိုးသမီးများအား စတင်ခန့်အပ်ခဲ့သည်။ လက်ရှိ မြန်မာ့တပ်မတော်တွင် စုစုပေါင်းစစ်သည်အင်အား ငါးသိန်းခန့်ရှိသည်။
တပ်သားသစ်စုဆောင်းရာတွင် ယခင်က ပညာအရည်အချင်း သတ်သတ်မှတ်မှတ်မရှိခဲ့ပေ (ဓာတ်ပုံ − အေအက်ဖ်ပီ)
7Day Daily, KOLATT(PBDN)
RangonNewsDaily
0 comments:
Post a Comment