Pages

Saturday, November 8, 2014

ဘူးသီးတောင် ဗုံးကွဲမှု နောက်ထပ်တစ်ဦးကို ခေါ်ယူစစ်ဆေး

RangonNewsDaily:: November . 7 .2014
ရခိုင်ပြည်နယ် ဘူးသီးတောင်မြို့မှာ ပြီးခဲ့တဲ့ အောက်တိုဘာလ ၃၁ ရက်နေ့ညက ဖြစ်ပွားခဲ့တဲ့ ဗုံးပေါက်ကွဲမှုနဲ့ ပတ်သက်ပြီး ဘူးသီးတောင်မြို့ပေါ်က မွတ်စလင် ၃ ဦးကို စစ်ဆေးနေရာမှာ မနေ့ကစတင်ပြီး မြို့ပေါ် အမှတ် ၇ ရက်ကွက်က နောက်ထပ် မွတ်စလင် ၁ ဦးကို ခေါ်ယူစစ်ဆေးနေတယ်လို့သိရပါတယ်။
ဗုံးဖောက်ခွဲတဲ့ တရားခံကို အတည်မပြုနိုင်သေးတဲ့အတွက် သံသယရှိတဲ့သူတွေကို ခေါ်ယူစစ်ဆေးနေတာဖြစ်တယ်လို့ ဘူးသီးတောင်မြို့နယ် ရဲတပ်ဖွဲ့ ရဲအရာရှိတစ်ဦးက ပြောပါတယ်။

မနေ့က ခေါ်ယူစစ်ဆေးခံရသူရဲ့ အစ်ကိုဖြစ်သူဟာ ဗုံးပေါက်ကွဲမှုနဲ့ ဆက်နွယ်မှုရှိပြီး တိမ်းရှောင်နေတာကြောင့် သူနဲ့ပတ်သက်တဲ့ အချက်အလက်တွေအတွက် ညီဖြစ်သူကို ခေါ်ယူစစ်ဆေးနေတာလို့လည်း စုံစမ်းသိရှိရပါတယ်။
::
ဘူးသီးတောင်မြို့ ကုန်သွယ်မှု မြှင့်တင်ရေးဦးစီးဌာနရုံးရှေ့မှာ ပြီးခဲ့တဲ့ အောက်တိုဘာလ ၃၁ ရက်နေ့ညက ဗုံးပေါက်ကွဲမှု နှစ်ကြိမ်ဆက်တိုက်ဖြစ်ပွားခဲ့ပြီး နောက်တစ်နေ့မှာ ကွန်ပျူတာမိတ္တူဆိုင်ရှင်တစ်ဦးနဲ့ စက်ဘီးဆိုင်က မွတ်စလင် ၂ ဦးကို လက်နက်မှုတွေနဲ့ အမှုဖွင့်စစ်ဆေးနေတာလို့သိရပါတယ်။
::
ဗုံးပေါက်ကွဲမှုအပြီးမှာ သက်ဆိုင်ရာအစိုးရ တာဝန်ရှိသူတွေက သွားရောက်စစ်ဆေးခဲ့ရာ ဘင်္ဂလားဒေ့ရ်ှနိုင်ငံသုံး ဆင်းကတ်ထည့်ထားတဲ့ နိုကီယာ ဟန်းဆက်တစ်လုံးအပြင် မီးလောင်ကျွမ်းနေတဲ့ ဝါယာကြိုးအပိုင်းအစတစ်ခု၊ သံနို့ဆီဗူးအပိုင်းအစတွေ၊ အက်ဆစ်ရည်တွေနဲ့ စက်ဘီးဘောစေ့တွေကို တွေ့ရှိခဲ့တယ်လို့ သိရပါတယ်။ အဲဒီဗုံးပေါက်ကွဲမှုအပြီး အာဏာပိုင်တွေဘက်ဘူးသီးတောင်မြို့အတွင်း လုံခြုံရေးအင်အား တိုးမြှင့်ချထားခဲ့ပါတယ်။

RFA ::--KOLATT(PBDN)
RangonNewsDaily

0 comments:

Post a Comment