The Hunger Games ရုပ်ရှင်ထဲမှပုံစံဖြင့် ဆန္ဒမပြရ

RangonNewsDaily: June . 6 .2014
ထိုင်းနိုင်ငံတွင် စစ်တပ်ကို "The Hunger Games" ရုပ်ရှင်ဇာတ်ကားထဲမှပုံစံမျိုး အတုခိုးပြီး စစ်အာဏာသိမ်းမှုကို အမူအရာဖြင့် အသံတိတ်အလေး ပြု ဆန္ဒပြခြင်းများအား စောင့် ကြည့်စစ်ဆေးသွားမည်ဟု စစ် အာဏာသိမ်းသူများက ပြောကြား သည်။ စစ်တပ်ကို အလေးပြုရာ ၌ လက်အောက်ချရန် သတိပေး ချက်ကို လျစ်လျူရှုသည့်အုပ်စု များကို ဖမ်းဆီးသွားမည်ဟု ဆိုသည်။
ဆန္ဒပြသူများကို သတိပေး ထားသော်လည်း ထိုင်းနိုင်ငံ၏ ခရီးသွားလုပ်ငန်း အချက်အချာ ကျသောဖူးခက်၊ ပတ္တရားနှင့် ကော့စမြွေဒေသများတွင် ည မထွက်ရအမိန့် ထုတ်ပြန်ထား သည်ကို ထိုင်းစစ်တပ်က ပြန် လည်ရုပ်သိမ်းပေးခဲ့သည်။

သို့ရာတွင် ညဥ့်သန်းခေါင်မှ နံနက် ၄ နာရီအထိ ညမထွက်ရ အမိန့်ကို မြို့တော်ဘန်ကောက် အပါအဝင် တစ်တိုင်းပြည်လုံး တွင် ထုတ်ပြန်ထားဆဲဖြစ်သည်။ ဘန်ကောက်မြို့တွင် လူအများစု သည် စစ်တပ်အာဏာသိမ်းမှုကို ဆန့်ကျင်သည့်အနေဖြင့် "The Hunger Games"ရုပ်ရှင်ထဲက အတိုင်း လက်သုံးချောင်းကိုလေ ထဲမြှောက်ကာ အလေးပြုကြခြင်း ဖြစ်သည်။

‘‘အဲဒါကြောင့် ဒီလိုလုပ်တာ တွေကို ကျွန်တော်တို့စောင့်ကြည့် မယ်။ ဒါဟာ ဆန့်ကျင်လှုံ့ဆော် တဲ့ပုံစံဆိုတာ သိပ်သိသာနေတယ်။ ဒါကြောင့် တိုင်းပြည်ကို ရုတ်ရုတ် သဲသဲမဖြစ်ရအောင် ကျွန်တော်တို့ ထိန်းရမယ်’’ဟု စစ်တပ်ပြော ခွင့်ရပုဂ္ဂိုလ်ဗိုလ်ချုပ်ကြီး ဝီရာချွန် ဆုခွန်ဒါပတီပတ်က ပြောကြား သည်။

သွေးထွက်သံယိုမှုမရှိသည့် စစ်အာဏာသိမ်းမှုဟု ပြောကြား ထားသည့် ယင်းစစ်အာဏာသိမ်း မှုတွင် ထိုင်းစစ်တပ်က လူငါးဦး ထက်ပိုပြီး စုဝေးခြင်းကို တားမြစ် ထားပြီး နိုင်ငံရေးပါတီများနှင့် ပတ်သက်နေသော ရုပ်သံများကို ပိတ်ထားသည်။ ထို့အပြင် အင် တာနက်စာမျက်နှာများကိုလည်း ပိတ်ပင်ထားသည်။

ဆန္ဒပြမှုများကိုကာကွယ်ရန် ပြီးခဲ့သည့် ဇွန်လ ၁ ရက်တွင် စစ် တပ်က စစ်သားနှင့် ရဲတပ်သား ၆,၀၀၀ ကို ဘန်ကောက်မြို့တွင်း ၌ ထပ်မံတိုးချထားသည်။ လုံခြုံ ရေးထူထပ်သည့်ကြားထဲမှာပင် တီထွင်ဆန်းသစ်သည့် ဆန္ဒပြမှု ပုံစံများ ပေါ်ပေါက်လာသည်။ အချို့က မြို့လယ်ကောင်လူစည် ကားရာဘက်သို့ မျက်နှာဖုံးစွပ် ကာ လမ်းလျှောက်ကြသည်။ အချို့က အုပ်စုလိုက်။ အချို့က လည်း သီးသန့်တစ်ကိုယ်တော် လက်သုံးချောင်းကို လေထဲဝှေ့ ယမ်းပြကြသည်။

ထိုသင်္ကေတများကို ဘာ အဓိပ္ပာယ်လဲဟု ဆန္ဒပြသူများကို မေးကြည့်ပါက အမျိုးမျိုးရှင်းပြ ကြသည်။ အချို့က ပြင်သစ်တော် လှန်ရေး၏ သင်္ကေတဟုပြော သည်။ အချို့ကလည်း လွတ်လပ် မှု၊ ရွေးကောက်ပွဲနှင့် ဒီမိုကရေစီ ဟု ဆိုကြသည်။ အချို့က "The Hunger Games"ရုပ်ရှင်ထဲက သင်္ကေတကိုပြောသည်ဟု ဆို သည်။ အဓိပ္ပာယ်မှာ စစ်အာဏာ သိမ်းမှုမရှိစေရေး။ လွတ်လပ်မှု နှင့် ဒီမိုကရေစီဟူ၍ဖြစ်သည်ဟု ပြောကြသည်။

ဝတ္ထုကိုအခြေခံကာ ရိုက် ကူးထားသော "The Hunger Games"ရုပ်ရှင်ထဲတွင် ထိုကဲ့သို့ လက်သုံးချောင်းဖြင့် အလေးပြု သည့် သင်္ကေတမှာ အုပ်ချုပ်သူ အစိုးရအား ဆန့်ကျင်သည့် သဘောဖြစ်သည်။ ကျေးဇူးတင် ခြင်း၊ လေးစားခြင်းနှင့် ချစ်ခင်သူ ကို နှုတ်ဆက်စကားပြောခြင်းဆို သည့် သင်္ကေတအဓိပ္ပာယ်ဖြစ်၏။

‘‘ဒါရုပ်ရှင်ထဲကလာတယ် ဆိုတာ ကျွန်တော်တို့သိပါတယ်။ အဲဒါက အာဏာပိုင်တွေကို ဆန့် ကျင်မှုကိုဖော်ပြတာ။ တကယ်လို့ တစ်ယောက်ချင်းက လေထဲကို လက်မြှောက်ရင်တော့ ကျွန်တော် တို့ မဖမ်းပါဘူး။ ဒါပေမဲ့ လူငါး ယောက်ထက်ပိုစုဝေးပြီး အဲဒီလို လုပ်တယ်ဆိုရင်တော့ ရပ်ဖို့ပြော ရလိမ့်မယ်။ မရပ်ဘဲဆက်လုပ်နေ ရင်တော့ ဖမ်းရလိမ့်မယ်’’ဟု ဝီရာ ချွန်က ပြောကြားသည်။

လူ့အခွင့်အရေးစောင့်ကြည့် ရေးအဖွဲ့က ထိုင်းအစိုးရ၏ အဆို ပါအပြုအမူသည် လူ့အခွင့်အရေး ချိုးဖောက်သည်ဟု ဝေဖန်ပြစ် တင်လိုက်သည်။

ထိုင်းနိုင်ငံ၌ စစ်အာဏာ သိမ်းမှုဆန့်ကျင်ရေးကို စီစဉ်လှုပ် ရှားနေသူ ဆွန်ဘက်ဘိုနာဂမ်က ၎င်း၏ ဖေ့စ်ဘွတ်ခ်အင်တာနက် စာမျက်နှာတွင် အလေးပြုသည့် အမှတ်အသားတင်ထားပြီး တိတ် ဆိတ်စွာ ဆန့်ကျင်မှုကိုပြသရန် လှုံ့ဆော်ထားသည်ဟု ဆိုသည်။

‘‘လက်သုံးချောင်းထောင် တာက အခြေခံနိုင်ငံရေးအခွင့် အရေးကိုတောင်းဆိုတဲ့ သင်္ကေတ ပါ’’ဟု ၎င်း၏ ဖေ့စ်ဘွတ်ခ်ပေါ် တွင် ရေးသားထားသည်။ ထို့ အပြင် ဆွန်ဘက်ဘိုနာဂမ်ရဲများ၊ စစ်သားများမရှိသည့်နေရာတွင် တစ်နေ့သုံးကြိမ် လက်သုံးချောင်း ကို ဝှေ့ယမ်းပါဟု လူအများကို ဆော်ဩထားသည်။ ထိုအချိန်မှာ နံနက် ၉ နာရီ၊ နေ့လယ် ၁ နာရီ နှင့် ညနေ ၅ နာရီတို့ဖြစ်သည်။ စစ်အာဏာသိမ်းမှုအား ဆန့် ကျင်သည့် လှုပ်ရှားမှုကို တစ်နေ့ လျှင်သုံးကြိမ် အတူတကွလုပ် ခြင်းဖြင့် အရှိန်မြှင့်တင်ပါဟု ၎င်း က ဆိုသည်။ တစ်ခါလက်မြှောက် လျှင် စက္ကန့်သုံးဆယ်ပဲကြာရန်လို သည်ဟုလည်း ပြောကြားသည်။

ခုနစ်လကြာအောင် ရွေး ကောက်ပွဲနိုင်အစိုးရကို ဆန္ဒပြမှု များ မငြိမ်သက်မှုဖြစ်ပွားခဲ့သည့် ထိုင်းနိုင်ငံတွင် မေလ ၂၂ ရက်က စစ်တပ်ကအာဏာသိမ်းခဲ့သည်။ ယခုအချိန်ထိ အခြေအနေ တည်ငြိမ်လျက်ရှိပြီး ထိုကဲ့သို့ အာဏာသိမ်းခဲ့သည်မှာ တိုင်း ပြည်ငြိမ်ဝပ်ပိပြားလာစေရန် အတွက်ဟု ထိုင်းစစ်တပ်က ပြော ကြားခဲ့သည်။

(အေပီသတင်းကို ထားထားမြင့် ဘာသာပြန်ဆိုသည်။)

7day , KOLATT(PBDN)
RangonNewsDaily