Pages

Thursday, March 20, 2014

ခရိုင်းမီးယား ဒေသ ရုရှားပိုင် ဖြစ်ပြီ


RangonNewsDaily: March . 20 .2014
ယူကရိန်း နိုင်ငံရဲ့ ခရိုင်းမီးယားဒေသကို ရုရှား နိုင်ငံရဲ့ နယ်မြေအစိတ်အပိုင်းတခုအဖြစ် လက်ခံတယ်လို့ ရုရှား သမ္မတ မစ္စတာပူတင်
က ခရိုင်းမီးယား အရာရှိတွေနဲ့ အတည်ပြု လက်မှတ်ရေးထိုးအပြီးမှာ ပြောကြား လိုက်ပါတယ်။
ခရိုင်းမီးယားဒေသဟာ နဂိုကတည်းက ရုရှားရဲ့ အစိတ်အပိုင်းဖြစ်ခဲ့ပြီး အနောက်နိုင်ငံတွေက ရုရှားပြည်ထောင်စု ပြိုကွဲ အောင် လုပ်
ခဲ့ကြလို့ ယူကရိန်းခွဲထွက်စဉ်က ယူကရိန်းနိုင်ငံ နယ်နိမိတ်ထဲ ပါသွားတာဟာ အတိတ်က တရားမမျှတတဲ့ မှားယွင်းမှုဖြစ်လို့ ဒီအမှား
ကို ပြင်ဆင်တာဖြစ်တယ်လို့ ပူတင်က ရုရှားလွှတ်တော်မှာ မနေ့ကပြောတာကို New York Post သတင်းတပုဒ်မှာ ဖော်ပြ ထားပါတ
ယ်။

နိုင်ငံပိုင် ခရင်မလင် ရုပ်မြင်သံကြားကနေ တိုက်ရိုက်ထုတ်လွှင့်ပြသတဲ့ ဗလာဒီမာ ပူတင်ရဲ့ မိန့်ခွန်းဟာ စိတ်လှုပ်ရှားနေပြီး မိနစ် ၄၀ ကြာ ပြောကြားမှုမှာ သူက အဲဒီလို ထည့်ပြောသွားခြင်း ဖြစ်ပါတယ်။

ခရိုင်းမီးယားဒေသကို ရုရှားနဲ့ ပူးပေါင်းရေး ခရိုင်းမီးယား ဒေသခံ ပြည်သူတွေရဲ့ တနင်္ဂနွေ နေ့က လူထုဆန္ဒခံယူပွဲကို အနောက်နိုင်

ငံတွေက ဝေဖန်နေတာကိုလည်း ပူတင်က ပယ်ချခဲ့ပြီး ခရိုင်းမီးယားပြည်သူတွေရဲ့ ရင်ထဲအသည်းထဲမှာ ခရိုင်းမီးယားဟာ ရုရှား ရဲ့ တသားတည်းရှိတဲ့ အစိတ်အပိုင်းဖြစ်တယ်၊ အနောက်နိုင်ငံတွေရဲ့ လျှာ ၂ ခွနဲ့ ပေါ်လစီ ရှိတာ အထင်ရှားပဲလို့ တုံ့ပြန်သွားပါသေး တယ်။

သူ့နိုင်ငံကို ယူကရိန်းရဲ့ အခြား ဒေသတွေအဖြစ် မပါင်းစေချင်ဘူးလို့လည်း ပူတင်က ဆိုပါတယ်။

“ကျနော်တို့က ယူကရိန်းနိုင်ငံ ပြိုကွဲသွားမှာ မလိုလားပါဘူး”လို့ ပူတင်က ပြောထားပါသေးတယ်။

ဒါပေမယ့် ခရိုင်းမီးယား ဒေသခေါင်းဆောင်တွေနဲ့ ရုရှားသမ္မတ ပူတင်ကတော့ ခရိုင်းမီးယားနဲ့ ရုရှားဖက်ဒရေးရှင်းတို့ ပူးပေါင်းရေး သဘောတူ စာချုပ်ကို လက်မှတ်ထိုးပြီး ခရိုင်းမီးယားဟာ ရုရှားရဲ့အစိတ်အပိုင်းအဖြစ် ပိုပြီးတရားဝင်ဖြစ်စေဖို့ ရုရှား အောက်လွှတ်ေ

တာ်၊ အထက်လွှတ်တော် ၂ ရပ်နဲ့ ရုရှားဖွဲ့စည်းပုံအခြေခံ ဥပဒေခုံရုံးကနေ လာမယ့် သီတင်းပတ်တွေမှာ အတည်ပြုဖို့ လုပ်ရ ဦးမှာ ဖြစ်ပါတယ်။

နေတိုး(NATO)တပ်ဖွဲ့တွေရဲ့ အတွင်းရေးမှူးချုပ် Anders Fogh Rasmussen ကလည်း နိုင်ငံတကာ ဥပဒေတွေနဲ့ မလျော်ညီတဲ့ လုပ်

ရပ်မျိုး ဆက်မလုပ်ဖို့ တိုက်တွန်းနေတာတွေအပေါ် ရုရှားက လက်မခံဘဲ ဆက်လုပ်နေတာဟာ အန္တရာယ် အလွန် များတယ် လို့လည်း ထုတ်ပြောထားပါတယ်။

ဒါကြောင့် နေတိုးမဟာမိတ် နိုင်ငံတွေအနေနဲ့ ဘယ်သူကမှ ခရိုင်းမီးယားကို ရုရှားရဲ့ အစိတ်အပိုင်းအဖြစ် လက်ခံအသိ အမှတ်ပြုမှာ မဟုတ်ဘူးလို့လည်း သူက သတိပေး ပြောကြားထားပါတယ်။

အခုလို ရုရှားရဲ့ လုပ်ရပ်အပေါ် အမေရိကန် ဒုသမ္မတ ဂျိုးဘိုက်ဒန်ကလည်း အခုလုပ်ရပ်ဟာ ကျူးကျော်မှုလို့ ပိုလန်နိုင်ငံ ရောက် ခိုက် ပြောဆိုလိုက်ပြီး ရုရှားရဲ့ လုပ်ရပ် မှားနေတယ်လို့လည်း ဝေဖန်ပါတယ်။

အမေရိကန် ပြည်ထောင်စုနဲ့ ဥရောပသမဂ္ဂတို့ကတော့ ရုရှားအနေနဲ့ ခရိုင်းမီးယားအရေးမှာ ယူကရိန်းရဲ့ အချုပ်အချာကို ၀င်ရောက် စွက်ဖက်တာတွေ မရပ်ခဲ့ရင် ခရိုင်းမီးယား ပြဿနာမှာ ပါဝင်တဲ့ ယူကရိန်း အာဏာပိုင်တွေနဲ့ ရုရှားတွေကို အခြား ပိတ်ပင် အရေးယူ

တာတွေ လုပ်မယ်လို့ သတိပေးထားပါတယ်။

အမေရိကန်သမ္မတ ဘားရက် အိုဘားမားက ရုရှားအနေနဲ့ ယူကရိန်းမှာ ၀င်စွက်ဖက်တဲ့ ကိစ္စ ရပ်တန်းက ရပ်ဖို့ သတိပေး ပြောဆို ပါတယ်။

ပြင်သစ် နိုင်ငံခြားရေး ၀န်ကြီး လောရင့် ဖက်ဘီးယပ်စ်ကလည်း ယူရို ၁ ရေဒီယိုနဲ့ တွေ့ဆုံခန်းမှာ G8 ခေါင်းဆောင်တွေ အနေနဲ့ ရု

ရှားရဲ့ ပူးပေါင်းပါဝင်မှုကို ခေတ္တရပ်ဆိုင်းဖို့ ဆုံးဖြတ်ခဲ့တဲ့အကြောင်း၊ ရုရှား မပါဘဲ ကျန်တဲ့ ၇ နိုင်ငံကပဲ ပေါင်းစည်း လုပ်ဆောင် သွားမယ်လို့ ထုတ်ပြောခဲ့ပါတယ်။

ရုရှား ဒူးမားလွှတ်တော်ကတော့ လွှတ်တော် တာဝန်ရှိသူတွေနဲ့ ရုရှား အစိုးရတာဝန်ရှိသူတွေအပေါ် ပိတ်ပင် ကန့်သတ် မှုတွေလုပ်တဲ့ အမေရိကန်၊ ဥရောပသမဂ္ဂတို့ရဲ့ အရေးယူမှုကို ရှုတ်ချကြောင်း ဆုံးဖြတ်ခဲ့ကြတဲ့ အဆိုကို အတည်ပြုခဲ့ပါတယ်။

ရုရှား နိုင်ငံခြားရေး ၀န်ကြီးကလည်း အမေရိကန်ရဲ့ ရုရှားအစိုးရ တာဝန်ရှိသူတွေကို ဒဏ်ခတ် အရေးယူထားမှုတွေကို လက်မခံ ပယ်ချလိုက်ပြီး ဒါကြောင့် အကျိုးဆက်တွေဟာ ကောင်းလာမှာမဟုတ်ဘဲ ဆိုးကျိုးတွေကြုံရမယ်လို့လည်း ခြိမ်းခြောက် သတိပေး ပြောထားပါတယ်။

ခရိုင်းမီးယားဒေသမှာ လူဦးရေအများစုက ရုရှားတိုင်းရင်းသားတွေဖြစ်ပြီး တာတာလူမျိုးစုတွေလည်း ရှိကြပါတယ်။ အခုတော့ တာတာတွေဟာ ခရိုင်းမီးယားဒေသခံ ရုရှားအများစုက ရုရှားနဲ့ပူးပေါင်းရေး လုပ်ဆောင်ကြတာကြောင့် အခက်တွေ့ နေကြတယ်လို့ သတင်းတွေမှာ ဆိုပါတယ်။

ခရိုင်းမီးယားအရေးဟာ နိုင်ငံရေးတင်းမာမှုကနေ အခုတော့ စစ်ရေးတင်းမာမှုအထိ ဦးတည်လာနေပါပြီ။

ယူကရိန်းနိုင်ငံ မြို့တော် ကိယက်ဗ်မှာ လနဲ့ချီတဲ့ ဆန္ဒပြမှုတွေနဲ့အတူ အမျိုးသားရေး ၀ါဒီ၊ နာဇီလက်သစ် စတဲ့ စွပ်စွဲမှုတွေခံခဲ့ရ တဲ့ ယူကရိန်း သမ္မတ ဗစ်တာ ယန်နိုကိုဗစ်ခ်ျ ဟာ ရုရှားကို ထွက်ပြေးခဲ့ရတာတွေကိုလည်း ပူတင်က ထုတ်ပြောလိုက်ပါတယ်။ ပြီးတော့ ဒါဟာ အနောက် အုပ်စုအနေနဲ့ ရုရှားကို အားအင်ချိနဲ့အောင် မြှောက်ထိုးပင့်ကော် လုပ်ခဲ့တာဆိုပြီးတော့လည်း အပြစ် တင်ပါသေးတယ်။

ပူတင်က ဆားဗီးယားကနေ ကိုဆိုဗို လွတ်လပ်ရေးကိစ္စကို ထောက်ပြပြီး ဒါဟာ အနောက်အုပ်စုရဲ့ အားပေး အားမြှောက် လုပ်တာဖြစ်တယ်လို့ ပြောပါတယ်။

သူက ဆက်ပြောတာက အခု ယူကရိန်းဆီကနေ ခရိုင်းမီးယား ခွဲထွက်ခွင့်ဆိုတာက ၁၉၉၁ ခုနှစ်မှာ ဆိုဗီယက် ယူနီယံကြီးကနေ ယူကရိန်းဟာ ကိုယ်ပိုင်ခွဲထွက်ခွင့်လုပ်ခဲ့တာကို သူက အကြိမ်ကြိမ်ထုတ်ဖော် ပြောဆိုခဲ့ပါတယ်။

ဆိုဗီယက်ခေါင်းဆောင် နိခိတာ ခရူးရှက်ဗ် လက်ထက်က ခရိုင်းမီးယားဒေသကို ယူကရိန်းပိုင်နက်အဖြစ် ၁၉၅၄ ခုနှစ်မှာ လွဲပြောင်းပေးမှု မတိုင်ခင် ၁၈ ရာစုလောက်ကတည်းက ခရိုင်းမီးယားဟာ ရုရှားရဲ့အစိတ်အပိုင်း ဖြစ်ခဲ့ဖူးတာကိုလည်း ထောက်ပြထား ပါတယ်။

အခုတော့ ထောင်နဲ့ ချီတဲ့ ရုရှားစစ်တပ်တွေကလည်း ယူကရိန်း နယ်စပ်တလျှောက် နေရာယူထားရုံသာမက ခရိုင်းမီးယား ဒေသ ယူကရိန်း စစ်အခြေစိုက်စခန်းတခုကို ထိန်းချုပ်လိုက်ပြီး ယူကရိန်း နိုင်ငံ သင်္ကေတတွေလည်း ဖယ်ရှားပစ်ခဲ့ပါပြီ။

ခရိုင်းမီးယားဒေသမှာ ရှိတဲ့ ယူကရိန်း စစ်အခြေစိုက်စခန်းတွေမှာ ယူကရိန်း စစ်သားတွေလည်း ပိတ်မိနေပါတယ်။

ခရိုင်းမီးယားဒေသက ရုရှားလိုလားသူ တပ်မှူးတွေကလည်း ယူကရိန်းစစ်သားတွေကို သူတို့ ဒေသကနေ အေးအေးဆေးဆေး ပြန်ထွက်သွားဖို့ လိုလားကြကြောင်း၊ မနေ့က တိုက်ခိုက်မှုတခု အတွင်းမှာ ယူကရိန်း စစ်သားတဦး သေဆုံးကြောင်း သတင်းတခု က ဆိုပါတယ်။

ယူကရိန်း ပါလီမန်ကတော့ ယူကရိန်း စစ်သားတွေ တပ်ဖြန့်ကျက်ချထားဖို့ ဆုံးဖြတ်ထားပြီး စစ်ရေးလေကျင့် ပြင်ဆင်မှု တွေလည်း ရှိနေပါပြီ။ ယူကရိန်း စစ်တပ်အနေနဲ့ ရုရှားစစ်တပ်နဲ့ အင်အားခြင်း မမျှပေမယ့် စိတ်ဓာတ် ခွန်အားတွေနဲ့ စုစည်းပြီး ပြင် ဆင် နေခြင်းဖြစ်ပါတယ်။

အခုလို ရုရှားက ယူကရိန်းနိုင်ငံရဲ့ အချုပ်အခြာကို ပြောင်ပြောင်တင်းတင်း ချိုးဖောက်ပြီး ခရိုင်းမီးယားကို ရုရှားနိုင်ငံပိုင် နယ် နိမိတ် အတွင်း အတင်းသွပ်သွင်းလိုက်ခြင်းဟာ ၂၁ ရာစု ယဉ်ကျေးတဲ့ လူ့ကမ္ဘာကြီးတခုလုံးရဲ့ တနိုင်ငံချင်း အချုပ်အခြာ အာဏာနဲ့ လုံခြုံရေးကို အကြီးမားဆုံး ခြိမ်းခြောက်မှုတခု ဖြစ်ကြောင်းလည်း ရှုမြင်နေကြပါတယ်။

ခရိုင်းမီးယားပြဿနာအပေါ် မြန်မာနိုင်ငံအနေနဲ့လည်း သင်ခန်းစာ ယူစရာတွေနဲ့ စဉ်းစားစရာတွေ အများကြီးဖြစ်ပေါ်စေတယ် ဆိုတဲ့ ဆောင်းပါး တစောင်ကိုလည်း ဧရာဝတီ က မြန်မာတွေ စဉ်းစားရမယ့် ခရိုင်းမီးယား သင်ခန်းစာ ဆိုတဲ့ ခေါင်းစဉ်နဲ့ ပြီးခဲ့တဲ့ အပတ်အတွင်းက ရေးသား ဖော်ပြထားပါတယ်။

ဧရာဝတီ , 
kolatt(PBDN)
RangonNewsDaily

0 comments:

Post a Comment