တပ်မတော်ကာကွယ်ရေး ဦးစီးချုပ် ဒုဗိုလ်ချုပ်မှူးကြီး မင်းအောင်လှိုင် အား ဗိုလ်ချုပ်မှူးကြီးအဆင့် တိုးမြှင့်ခန့်အပ်တာဝန်ပေး

မတ်လ ၂၅ ရက်နေ့ကစပြီး တပ်မတော်ကာကွယ်ရေး ဦးစီးချုပ် ဒုဗိုလ်ချုပ်မှူးကြီး မင်းအောင်လှိုင်ကို ဗိုလ်ချုပ်မှူးကြီးအဆင့် တိုးမြှင့်ခန့်အပ်လိုက်တယ်လို့ တပ်မတော်နဲ့ နီးစပ်တဲ့ သတင်းအသိုင်းအ၀ိုင်းကို ကိုးကားပြီး ဒီကနေ့ထုတ် ရန်ကုန်တိုင်းမ် သတင်းဂျာနယ်မှာ ဖော်ပြထားပါတယ်။ အလားတူ ဒုတိယ တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး စိုးဝင်းကိုလည်း ဒုဗိုလ်ချုပ်မှူးကြီး ရာထူးတိုးမြှင့်ခန့်အပ်လိုက်တယ်လို့ သတင်းမှာ ဖော်ပြပါတယ်။ ဗိုလ်ချုပ်မှူးကြီးမင်းအောင်လှိုင်ဟာ ၁၉၅၆ ခုနှစ်မှာ မွေးဖွားသူဖြစ်ပြီး မေမြို့ စစ်တက္ကသိုလ် အပတ်စဉ် ၁၉ ကျောင်းဆင်းဖြစ်ပါတယ်။

မြန်မာနိုင်ငံကိုနှစ်ပေါင်း ၂၀ ကျော် စစ်အာဏာရှင်စနစ်နဲ့ အုပ်ချုပ်ခဲ့တဲ့ ဗိုလ်ချုပ်မှူးကြီးသန်းရွှေ အနားယူသွားပြီးနောက် တပ်မတော်ကာကွယ်ရေး ဦးစီးချုပ် ဖြစ်ခဲ့တဲ့ ဗိုလ်ချုပ်မှူးကြီး မင်းအောင်လှိုင်ဟာ ၂၀၀၈-၂၀၀၉ ခုနှစ်မှာ ဗိုလ်ချုပ် အဆင့်၊ ၂၀၀၉ ခုနှစ်မှာ ဒုတိယ ဗိုလ်ချုပ်ကြီး၊ ၂၀၁၁ ခုနှစ်မှာ ဗိုလ်ချုပ်ကြီး၊ ၂၀၁၂ မှာ ဒုဗိုလ်ချုပ်မှူးကြီး ရာထူးရရှိခဲ့သူ ဖြစ်ပါတယ်။

ရန်ကုန်တိုင်မ်စ်,RND: 26.3.2013
Rangonnewsdaily