နိုင်ငံကူးလက်မှတ်ကို ၈၈ အဖွဲ့အတွင်း ခွဲခြား ထုတ်ပေး

၈၈မျိုးဆက်ကျောင်းသားများအားနိုင်ငံကူးလက်မှတ်ထုတ်ပေးရာတွင်တပြေးညီသတ်မှတ်ချက်မရှိခြင်းပတ်

သက်၍ပြည်ထောင်စုဝန်ကြီးများကို၈၈မျိုးဆက်ကျောင်းသားခေါင်းဆောင်များကတင်ပြထားကြောင်းသတင်း

ရရှိသည်။

“တယောက်ချင်း ပေးနေတဲ့ ပုံစံမျိုးထက်ကို လွတ်လာတဲ့ နိုင်ငံရေး အကျဉ်းသားဟောင်းတွေ အားလုံးကို တပြေးညီပုံစံတခုသတ်သတ်မှတ်မှတ်ရှိသင့်တယ်ဆိုတာကိုပြည်ထောင်စုအဆင့် ၀န်ကြီးများကို ပြောထားပါ

တယ်” ဟု ၈၈ မျိုးဆက် ကျောင်းသားေ ခါင်းဆောင် ဦးကိုကိုကြီးက ဧရာဝတီ သို့ ပြောသည်။

 

ယင်းကိစ္စနှင့်ပတ်သက်၍သမ္မတရုံးဝန်ကြီးများဖြစ်သော ဦးအောင်မင်းနှင့်ဦးစိုသိန်းတို့ တင်ပြထားခြင်း ဖြစ်

ကြောင်း သိရသည်။

 

ယခုအခါ၈၈မျိုးဆက်ကျောင်းသားခေါင်းဆောင် ဦးမင်းကိုနိုင်၊ ဦးကိုကိုကြီး၊ဦးမြအေးတို့ အား နိုင်ငံကူးလက်

မှတ်ရရှိပြီဖြစ်ကြောင်းအကြောင်းကြားခဲ့ကြောင်း၊နာမည်ကြီး၊လူသိများ သည့် ခေါင်းဆောင်များကိုသာ နိုင်ငံ

ကူးလက်မှတ်ထုတ်ပေးပြီးနိုင်ငံရေးအကျဉ်းသားဟောင်းသာမန်ကျောင်းသားလူငယ်များကိုမပေးဘဲ ချန်လှပ်

ထားခြင်းသည် သဘာဝ မကျ၍ သွားရောက် ထုတ်ယူခြင်း မရှိသေးကြောင်း သူက ဆက်ပြောသည်။

 

ဦးမင်းကိုနိုင်သည်အခုလာမည့်စက်တင်ဘာလ၁၄၊၁၅ရက်နေ့တွင်ဝါရှင်တန်အခြေစိုက်NationalEndownment

forDemocracy(NED)ကပးအပ်သည့် DemocracyAwardဆုကိုတက်ရောက်ယူရန်အတွက် ဖိတ်ကြားထားခြင်း ခံရသူဖြစ်သည်။

 

ယခုအခါဦးမင်းကိုနိုင်အပါအ၀င်၈၈မျိုးဆက်ကျောင်းသားများ၊နိုင်ငံရေးအကျဉ်းသားဟောင်း များ၊ နိုင်ငံရေး

အကျဉ်းသားဖြစ်ဖူးသည့်ကျောင်းသားလူငယ်များကိုနိုင်ငံတကာကဖိတ်ကြားထားမှုများရှိကြောင်း၊ အားလုံး

ပါဝင်သည့် နိုင်ငံရေးဖြစ်စဉ်၊ ပြုပြင်ပြောင်းလဲရေး ဖြစ်စဉ် ဆောင်ရွက်ရန်အတွက် သီးခြား ကန့်ထားခြင်းများ မဖြစ်သင့်တော့ကြောင်း ဦးကိုကိုကြီးက ဆိုသည်။

 

“အဲဒါကနိုင်ငံကူးလက်မှတ်ထုတ်မပေးတဲ့အတွက်ကြောင့်နိုင်ငံအတွက်အရေးပါတဲ့ လူသားအရင်း အမြစ်တွေ ဖွံ့ဖြိုးတိုးတက်အောင်လုပ်တာအားလုံးမှာ ထိခိုက်နစ်နာနေတယ်လို့ ကျနော်တို့မြင်တယ်” ဟု သူက ဆိုသည်။

 

သမ္မတ ဦးသိန်းစိန် အစိုးရလက်ထက်တွင် နာမည်ပျက်စာရင်းမှမှ ပယ်ဖျက်ပေးပြီး ပြည်ပမှ နာမည်ကြီး အတိုက်အခံတချို့ကိုလည်း ပြည်ဝင်ခွင့်များပေး၍ ပြုပြင်ပြောင်းလဲမှုများ လုပ်ဆောင်နေချိန်တွင် ပြည်တွင်း အင်အားစုများကိုလည်းနိုင်ငံတကာအတွေ့အကြုံရစေရေးအတွက်နိုင်ငံကူးလက်မှတ် ထုတ်ပေးသင့်ကြောင်း ဦးကိုကိုကြီးက ဆက်ပြောသည်။

 

တိုင်းပြည်ပြန်လည်ထူထောင်ရေးတွင်အဓိကလိုအပ်နေသည့်လူသားအရင်းအမြစ်ဆိုင်ရာ ဖွံ့ဖြိုးရေးအဖြစ်

ပြည်ပလေ့လာရေးခရီးများ၊သင်တန်းများတက်နိုင်ရန်နိုင်ငံကူးလက်မှတ်ကိုအားလုံးတပြေးညီ သတ်မှတ်ပေး

သင့်ကြောင်း၊ပထမအသုတ်အဖြစ်လူစာရင်း၂၀ကိုတင်ပြထားကြောင်း၊ထို့အပြင် အကျဉ်းထောင်များမှ ပြန်

လွတ်လာပြီးဆက်လက်ပညာသင်ခွင့်မရသေးသူများအတွက်လည်းလုပ်ဆောင်သွားမည်ဖြစ်ကြောင်း သိရ

သည်။

 

မြန်မာနိုင်ငံတွင် သာမန်နိုင်ငံသား တဦးအနေဖြင့် နိုင်ငံကူးလက်မှတ် လျှောက်ထားလျှင် အချိန်ကာလ အားဖြင့် ရက်သတ္တ ၃ ပတ် ကြာမြင့်သော်လည်း နိုင်ငံရေး အကျဉ်းသားဟောင်းများမှာမူ အနည်းဆုံး ၆ လနီးပါးကြာမြင့်ကြောင်း၊လျှောက်ထားရာတွင်လည်းတခြားနိုင်ငံသားများနှင့်မတူဘဲသီးခြား အပိုလုပ်ဆောင်

ရမှုများ ရှိကြောင်း သိရှိရသည်။

 

“ကျနော်တို့ လျှောက်လွှာတင်တဲ့ အချိန်မှာကတည်းက သီးခြား လျှောက်လွှာစာရွက်နဲ့ ဘယ်နှစ်ခုနှစ် ကနေပြီးဘာပုဒ်မနဲ့ထောင်ဘယ်လောက်ကျတယ်။ဘယ်အချိန်မှာပြန်လွတ်တယ်၊ အားလုံးကို ထောင်ကျတဲ့

ဖြစ်စဉ်ကို သီးခြား တစောင်ရေးတင်ရတယ်” ဟု ဦးကိုကိုကြီးက ဆိုသည်။

 

နိုင်ငံကူးလက်မှတ်ထုတ်ပေးရေးနှင့်ပတ်သက်၍ပြည်ထဲရေးဝန်ကြီးဌာနကနိုင်ငံရေးအကျဉ်းသားဟောင်းများ

ကိုထုတ်ပေးရာတွင်ထောင်မှလွတ်ပြီးနောက်ကာလမှစ၍၁နှစ်ဆိုင်းငံ့ထားရန်ဌာနတွင်းညွှန်ကြား ထားတယ်

လို့ သိရပါသည်။

 

မကြာသေးမီကသမ္မတရုံးမှထုတ်ပြန်သည့်နာမည်ပျက်စာရင်းပယ်ဖျက်ပေးမှုတွင်၈၈ မျိုးဆက်ကျောင်းသား

များအဖွဲ့မှဦးဂျင်မီနှင့်ဦးပဏ္ဍိတ်ထွန်းတို့လည်းပါဝင်လာခဲ့ရာ ၄င်းတို့အနေဖြင့်လည်း နိုင်ငံကူးလက်မှတ် ရနိုင်

ပြီဟု ယူဆကြောင်း ဦးဂျင်မီက ပြောသည်။

 

“ကျနော်က၂၀၀၆ခုနှစ်ကတည်းက ပတ်စ်ပို့ လျှောက်ထားခဲ့တာ။ အဲဒီစာရင်းမှာ ပါလို့ထင်တယ်၊ မပေးခဲ့ဘူး။ အခုတော့ရမယ့်ပုံပဲ။ကိုမင်းကိုနိုင်ကိုတော့စာအုပ်ရပြီပြောပေမယ့်အားလုံးတပြေးညီမဖြစ်လို့ သွားမထုတ် ဟု

သူက ဆိုသည်။

 

နိုင်ငံရေးအကျဉ်းသားဟောင်းများ ဖြစ်ကြသည့် ရှေ့နေ ဦးအောင်သိန်း၊ အမေရိကန်က ပေးအပ်သည့် အမျိုးသမီးစွမ်းဆောင်ရှင်ဆုရှင်မဇင်မာအောင်တို့နိင်ငံကူးလက်မှတ်ရရှိခဲ့ပြီး မကြာသေးမီက ပြည်ပခရီးစဉ်

များသွားရောက်ခဲ့သော်လည်းမြန်မာနိုင်ငံသို့ပြန်လည်ရောက်သည်နှင့် ၄င်းတို့၏ နိုင်ငံကူးလက်မှတ်များကို

 ပြန်လည် သိမ်းယူခံရကြောင်း သိရသည်။

 

 

ဧရာဝတီသတင်း