19.December.2025
Friday, December 19, 2025
ပိုလန်နိုင်ငံရဲ့ ကာကွယ်ရေးကို ခေတ်မီအောင်လုပ်ဆောင်ရေး ကြိုးပမ်းမှုတွေထဲမှ ပက်ထရီယော့ထ် ဒုံးကျည်စနစ်က တိုက်ပွဲဝင်ရန် အသင့်ရှိဟု ကြေညာ
ပိုလန်နိုင်ငံဟာ အမေရိကန်ပြည်ထောင်စုက တီထွင်ထားတဲ့ ပေါင်းစပ်တိုက်ပွဲကွပ်ကဲမှုစနစ် (IBCS) နဲ့ ပေါင်းစည်းထားတဲ့ သူ့ရဲ့ ပက်ထရီယော့ထ် လေကြောင်းနဲ့ ဒုံးကျည် ကာကွယ်ရေးစနစ်တွေဟာ တိုက်ပွဲဝင်ဖို့အတွက် အပြည့်အဝအဆင်သင့်ရှိနေပြီဖြစ်ကြောင်း ဒီဇင်ဘာ ၁၈ ရက်မှာ ကြေညာခဲ့ပြီး ဒါဟာ ပိုလန်နိုင်ငံရဲ့ ကာကွယ်ရေးကို ခေတ်မီအောင်လုပ်ဆောင်ရေး ကြိုးပမ်းမှုတွေထဲမှာ အဓိက ဖွံ့ဖြိုးတိုးတက်မှုတခုလည်း ဖြစ်ပါတယ်။
၂၀၂၆ တက္ကသိုလ်ဝင်စာမေးပွဲ ဖြေဆိုရမည့်ရက် ကြေညာချက် ထုတ်ပြန်
တက္ကသိုလ်ဝင်စာမေးပွဲကို လာမဲ့ ၂၀၂၆ ခုနှစ် မတ်လ ၁၁ ရက်ကနေ ၁၇ ရက်ထိ ကျင်းပ သွားမယ်လို့ ပညာရေးဝန်ကြီးဌာနက ဒီဇင်ဘာ ၁၉ ရက်မှာ ကြေညာချက် ထုတ်ပြန်ပါတယ်။
လှိုင်သာယာမြို့နယ်(အရှေ့ပိုင်း) အောက်ထိပ်မှတ်တိုင် ဗိုလ်အောင်ကျော်လမ်းတွင် စက်ရုံတစ်ရုံ၏ အလုပ်သမားကြိုပို့ယာဉ်တစ်စီး တိမ်းမှောက် ၁၂ ဦးဒဏ်ရာရ
လှိုင်သာယာမြို့နယ်(အရှေ့ပိုင်း) အောက်ထိပ်မှတ်တိုင် ဗိုလ်အောင်ကျော်လမ်းတွင် ဒီဇင်ဘာ ၁၈ ရက် နံနက် ၇ နာရီခန့်တွင် အိုပယ် ၁ စက်ရုံအလုပ်သမားကြိုပို့ယာဉ်တစ်စီး တိမ်းမှောက်ခဲ့ပြီး ၁၂ ဦးဒဏ်ရာရခဲ့တယ်လို့ လူမူကူညီရေးအသင်းထံမှသိရပါသည်။
အမေရိကန် NASCAR ပြိုင်ကားမောင်းသမားနဲ့ သူ့မိသားစုလိုက်ပါလာတဲ့ လေယာဉ် ပျက်ကျပြီး (၆) ဦးစလုံး သေဆုံး
19.December.2025
အမေရိကန်နိုင်ငံရဲ့ နာမည်ကြီး NASCAR ပြိုင်ကားမောင်း ဂန္ထဝင်တစ်ဦးဖြစ်သူ Greg Biffle အပါအဝင် သူ့ရဲ့ ဇနီး၊ ကလေး (၂) ဦးနဲ့ လေယာဉ်အမှုထမ်း (၂) ဦး စုစုပေါင်း လူ (၆) ဦး ကိုယ်ပိုင် ဂျက်လေယာဉ် ပျက်ကျမှုကြောင့် သေဆုံးသွားခဲ့ပါတယ်။
Thursday, December 18, 2025
လူရွှင်တော်၊သရုပ်ဆောင်ဦးညီညီလှိုင် (ခ)ညောင်ညောင် အသက်(၆၂) နှစ်၏ ကျန်ရစ်သော ရုပ်ကလာပ်အား OSC ဆေးရုံမှ ရေဝေးသို့ပို့ဆောင်ကူညီ
လူရွှင်တော်၊ သရုပ်ဆောင် ညောင်ညောင် (၆၂ နှစ်) ဟာ ဒီဇင်ဘာလ (၁၇) ရက်နေ့ ၊ ညနေ (၇:၁၀) မိနစ်မှာ ရန်ကုန် ၊ မြောက်ဥက္ကလာပ OSC ဆေးရုံတွင် ဆုံးပါးသွားခဲ့တာဖြစ်ပါသည်။ အသည်းရောဂါကို ကုသပြီး နောက်ပိုင်း အနုပညာအလုပ်တွေ ပြန်လည်လုပ်ကိုင်နေတဲ့ အချိန်မှာ ဆုံးပါးခဲ့တာ ဖြစ်ပါတယ်။
Wednesday, December 17, 2025
မက္ကဆီကိုနိုင်ငံအလယ်ပိုင်း မြို့တော် တိုလူကာမြို့မှာ ကိုယ်ပိုင်ဂျက်လေယာဉ်တစင်း ပျက်ကျပြီး လူ ၆ ဦး ေ-သဆုံး
မက္ကဆီကိုနိုင်ငံအလယ်ပိုင်း မက္ကဆီကိုပြည်နယ်ရဲ့ မြို့တော်ဖြစ်တဲ့ တိုလူကာမြို့မှာ ဒီဇင်ဘာ ၁၅ ရက်က ဆက်စ်နာစိုက်တေးရှင်းသရီးအမျိုးအစား ကိုယ်ပိုင်ဂျက်လေယာဉ်တစင်း ပျက်ကျခဲ့လို့ လူ ၆ ယောက် ေ-သဆုံးခဲ့ကြောင်း မက္ကဆီအာဏာပိုင်တွေက ပြောပါတယ်။
Tuesday, December 16, 2025
ဗြိတိန် မီဒီယာ လုပ်ငန်းစုကြီး BBCကို အသရေဖျက်မှုနဲ့ အမေရိကန် သမ္မတ ဒေါ်နယ်လ်ထရမ့်က တရားစွဲဆို
16.December.2025
ဗြိတိန် မီဒီယာ လုပ်ငန်းစုကြီး BBCကို အသရေဖျက်မှုနဲ့ အမေရိကန် သမ္မတ ဒေါ်နယ်လ်ထရမ့်က တရားစွဲဆိုလိုက်ပါတယ်။
ကရင်နီအမျိုးသားများကာကွယ်ရေးတပ် (KNDF) ဗျူဟာ အမှတ် (၆) ရဲ့ အခြေခံစစ်သင်တန်းဆင်းပွဲကို ကျင်းပပြုလုပ်
16.December.2025
ကရင်နီအမျိုးသားများကာကွယ်ရေးတပ် (KNDF) ဗျူဟာ အမှတ် (၆) ရဲ့ အပတ်စဥ် (၄) အခြေခံစစ်သင်တန်းဆင်းပွဲကို ဒီဇင်ဘာလ ၁၃ ရက်မှာ ကျင်းပပြုလုပ်ခဲ့တယ်လို့ သိရပါတယ်။
Monday, December 15, 2025
ဟားမားစ်ပြောက်ကျားအဖွဲ့ရဲ့ လက်နက်ထုတ်လုပ်ရေးဆိုင်ရာ ထိပ်တန်းအရာရှိကို အစ္စရေးကလုပ်ကြံ သ-တ်ဖြတ်ခဲ့
ဂါဇာ ကမ်းမြှောင်ဒေသ တောင်ပိုင်းမှာ ပေါက်ကွဲမှု တစ်ခုကြောင့် အစ္စရေး စစ်သားနှစ်ဦး ဒဏ်ရာရခဲ့တဲ့ ဖြစ်စဉ်အပြီး ဟားမားစ်ပြောက်ကျားအဖွဲ့ရဲ့ လက်နက်ထုတ်လုပ်ရေးဆိုင်ရာ ထိပ်တန်းအရာရှိ ရာ့ဒ်ဆာ့ဒ်ကို လုပ်ကြံ သ-တ်ဖြတ်ခဲ့ကြောင်း အစ္စရေးက ကြေညာခဲ့ပါတယ်။
မော်ရိုကိုနိုင်ငံကနေ စပိန်နိုင်ငံဆီကို ဆေးခြောက်တွေ မှောင်ခိုသွင်းဖို့ ရဟတ်ယာဉ်တွေနဲ့ ဝင်လာတဲ့ ရာဇဝတ်ဂိုဏ်းတခုကို စပိန်ရဲတပ်ဖွဲ့ ဖြိုခွင်းခဲ့
မော်ရိုကိုနိုင်ငံကနေ စပိန်နိုင်ငံဆီကို ဆေးခြောက်တွေ မှောင်ခိုသွင်းဖို့ ရဟတ်ယာဉ်တွေနဲ့ ဝင်လာတဲ့ ရာဇဝတ်ဂိုဏ်းတခုကို ဖြိုခွင်းခဲ့ပြီး လေကြောင်း မူးယစ်ဆေးဝါး မှောင်ခိုရောင်းဝယ်မှုကို တားဆီးတဲ့ ရှားရှားပါးပါး စစ်ဆင်ရေးတခုလည်း ဖြစ်တယ်လို့ စပိန်ရဲတပ်ဖွဲ့က ဒီဇင်ဘာ ၁၃ ရက်မှာ ပြောပါတယ်။
Sunday, December 14, 2025
ဇာတ်စင်ပေါ်မှာ သင်္ကန်းခြုံပြီး "အိုပါ ဂန်းနား စတိုင် " သီချင်းနဲ့ ဟာသလုပ်ခဲ့တဲ့ "အောင်စိုးမင်း ဆိုင်းအဖွဲ့က ငါးယောက်ကို ပုဒ်မနှစ်ခုနဲ့ ဖမ်းဆီး
ဇာတ်စင်ပေါ်မှာ သင်္ကန်းခြုံပြီး "အိုပါ ဂန်းနား စတိုင် " သီချင်းနဲ့ ဟာသလုပ်ကာ သရုပ်ဖော် ကပြခဲ့တဲ့ " အောင်စိုးမင်း” ဂီတပဒေသာ ဆိုင်းအဖွဲ့က ဆိုင်းဆရာအပါအဝင် ငါးယောက်ကို ဖမ်းဆီးပြီး ရာဇသတ်ကြီး ပုဒ်မ၂၉၄/ ၂၉၅-က နဲ့ အမှုဖွင့် အရေးယူ ဆောင်ရွက်မှု ပြုလုပ်နေတယ်လို့ သိရပါတယ်။
Saturday, December 13, 2025
ရုရှားရဲ့ ကာ့စ်ခ်ဒေသထဲ စေလွှတ်ပေးခဲ့တဲ့ မြောက်ကိုရီးယား တပ်တွေဟာ မိုင်းရှင်းလင်းရေး မစ်ရှင်တွေမှာပါ တာဝန်ချထားခြင်း ခံရကြောင်း ကင်မ်ဂျုံအန်း အတည်ပြု
ရုရှား တပ်တွေအတွက် မြောက်ကိုရီးယား စစ်သားတွေက မိုင်းရှင်းပေးခဲ့ကြောင်း မြောက်ကိုရီးယား ခေါင်းဆောင် ကင်မ်ဂျုံအန်းက အတည်ပြုခဲ့ပါတယ်။
မော်ရိုကိုနိုင်ငံရဲ့ အဓိက ခရီးသွားနေရာတခုဖြစ်တဲ့ ဖက်ဇ်မြို့မှ အဆောက်အအုံ ၂ လုံး ပြိုကျပြီး လူ ၂၀ ကျော် ေ-သဆုံး
မော်ရိုကိုနိုင်ငံရဲ့ ရှေးဟောင်းအကျဆုံးမြို့တွေထဲက အဓိက ခရီးသွားနေရာတခုဖြစ်တဲ့ ဖက်ဇ်မြို့မှာ ဒီဇင်ဘာ ၉ ရက် နှောင်းပိုင်းက ဘေးချင်းကပ် အဆောက်အအုံ ၂ ခု ပြိုကျသွားခဲ့တာကြောင့် လူ ၂၂ ယောက်ထက်မနည်း ေ-သဆုံးခဲ့ရပြီး ၁၆ ယောက် ဒဏ်ရာရရှိခဲ့ကြောင်း အစိုးရရှေ့နေရုံးက အတည်ပြု ပြောပါတယ်။
စင်ကာပူနိုင်ငံတွင် အီလက်ထရွန်းနစ်စီးကရက် K pod လက်ဝယ်တွေ့ရှိမှုဖြင့် စင်ကာပူတွင် ရေရှည်နေထိုင်ခွင့် ဖျက်သိမ်းခံရသည့် မြန်မာဆယ်ကျော်သက်အမျိုးသမီးငယ် အခြားအမှုများဖြင့်ပါ စုံစမ်းစစ်ဆေးခံနေရ
13. December .2025
အီလက်ထရွန်းနစ်စီးကရက် K pod လက်ဝယ်တွေ့ရှိမှုဖြင့် စင်ကာပူတွင် ရေရှည်နေထိုင်ခွင့် ဖျက်သိမ်းခံရသည့် မြန်မာဆယ်ကျော်သက်အမျိုးသမီးငယ် အခြားအမှုများဖြင့်ပါ စုံစမ်းစစ်ဆေးခံနေရသည်ဟု Channel News Asia က သတင်းဖော်ပြသည်။
Friday, December 12, 2025
တကျော့ပြန်တိုက်ပွဲပြန်ဖြစ်တဲ့ ထိုင်း - ကမ္ဘောဒီးယား နယ်စပ်တိုက်ပွဲ၌ နှစ်ဘက်ေ-သဆုံးသူ ၁၀၀ ကျော်ရှိအထိရှိလာ
တကျော့ပြန်တိုက်ပွဲပြန်ဖြစ်တဲ့ ထိုင်းနဲ့ ကမ္ဘောဒီးယားနယ်စပ်မှာ ဒီဇင်ဘာ ၇ ရက်ကနေ ဒီကနေ့ ဒီဇင်ဘာ ၁၂ ရက်ထိ ၅ ရက်တာ တိုက်ပွဲအတွင်း နှစ်ဘက်ေ-သဆုံးသူ ၁၀၀ ကျော်ရှိအထိရှိလာပြီဖြစ်ပါတယ်။
ထိုင်းဝန်ကြီးချုပ် အနုထင်းက ထိုင်းလွှတ်တော်ဖျက်သိမ်းပြီး ရွေးကောက်ပွဲ ၂ လအတွင်း ကျင်းပမယ်လို့ကြေငြာ
ဘန်ကောက်။ဒီဇင်ဘာ ၁၂.၂၀၂၅
ထိုင်းဝန်ကြီးချုပ် အနုထင်း ချန်းဝီရကွန်းက လွှတ်တော်ကို အချိန်စော ဖျက်သိမ်းလိုက်ပြီး “ပြည်သူတွေဆီကို အာဏာပြန်လွှဲအပ်လိုက်ပြီ” လို့ ဒီဇင်ဘာ ၁၁ ရက်မှာ ကြေညာပါတယ်။လွှတ်တော်တွင်းမှာ လူနည်းစုဖြစ်တဲ့ အနုထင်းရဲ့ ဖုမ်းကျိုင်းထိုင်းပါတီဟာ ဖွဲ့စည်းပုံအခြေခံဥပဒေ ပြင်ဆင်ရေးနဲ့ ၄ လအတွင်း ရွေးကောက်ပွဲကျင်းပပေးမဲ့ ကတိကဝတ်တွေနဲ့ အတိုက်အခံ ပြည်သူ့ပါတီရဲ့ ထောက်ခံမှုကို ရယူပြီး အစိုးရဖွဲ့နိုင်ခဲ့တာပါ။
Thursday, December 11, 2025
အမေရိကန်နှင့် ဂျပန်စစ်တပ် ဂျပန်ပင်လယ်ပေါ်မှာ ပူးတွဲ စစ်ရေးလေ့ကျင့်
11.December , 2025
အမှတ် ၆ လေတပ် ဂျပန်လေကြောင်းကိုယ်ပိုင်ကာကွယ်ရေးတပ်ဖွဲ့ရဲ့ F-15 တိုက်လေယာဉ်တွေဟာ အမေရိကန် B-52 ဗုံးကြဲလေယာဉ်တွေနဲ့အတူ ဂျပန်ပင်လယ်ပေါ်မှာ ပူးတွဲ စစ်ရေးလေ့ကျင့်နေပါတယ်။
Sunday, August 11, 2024
ယူကရိန်းတပ်တွေဟာ တန်ပြန်စစ်ပွဲအဖြစ် ရုရှားနိုင်ငံထဲက ကက်ရှ်ဒေသကို အလုံးအရင်း ဝင်ရောက် တိုက်ခိုက်
သြဂုတ် ၁၁.၂၀၂၄
ယူကရိန်းတပ်တွေဟာ တန်ပြန်ကျူးကျော်စစ်ပွဲအဖြစ် ရုရှားနိုင်ငံထဲက ကက်ရှ်ဒေသကို အလုံးအရင်း ဝင်ရောက် တိုက်ခိုက်ရာမှာ ရုရှားစစ်သည်ယာဉ်တန်းတစ်ခုလုံး HIMARS ဒုံးကျည်တွေဒဏ်ကြောင့် မြင်မကောင်းအောင် ပျက်ဆီးသွားပြီး ရုရှားစစ်သား ၄၀၀ ကျော် သေဆုံးခဲ့ရကြောင်း သိရှိရပါတယ်။
ဓာတ်ပုံနဲ့ ဗီဒီယိုတွေမှာ ရုရှား စစ်ကြောင်းတစ်ခုလုံး ကက်ရှ်ဒေသက လမ်းပေါ် အပိုင်းပိုင်း မီးလောင်ပေါက်ကွဲပျက်စီးလို့ စစ်သည်အလောင်း တွေ လမ်းပေါ် ပုံနေတာလည်းတွေ့ရ
တယ်လို့ ဆိုပါတယ်။
ရုရှားစစ်ကြောင်းမှာ လက်နက်ခဲယမ်းအပြည့်တင်ဆောင်ထားတဲ့ စစ်ကုန်ကား အနည်းဆုံး ၁၄ စီးဟာ ယူကရိန်း ဒုံးကျည်ဒဏ်တွေကြောင့် လမ်းပေါ် မီးလောင်ပေါက်ကွဲပြီး စစ်သားအလောင်းတွေပါ ပျံ့ကျဲနေတာဖြစ်ပါတယ်။
ယူကရိန်းတပ်တွေဟာ ရုရှားနိုင်ငံအနောက်ပိုင်းက ကော့စ်ခ်ဒေသထဲအထိ ကျွံဝင်ပြီး စစ်ရေးဖော်ဆောင်နေတာကို ယူကရိန်းသမ္မတက ထုတ်ပြောလာပါတယ်။
ယူကရိန်းတပ်ဖွဲ့တွေဟာ ရုရှားနိုင်ငံအတွင်းပိုင်း ၁၀ ကီလိုမီတာ(၆ မိုင်)အထိ ကျွံဝင် တိုက်ခိုက်နေပြီး ရုရှားရဲ့ဒေသတွင်း မြို့ငယ်တစ်ခုကို သိမ်းဖို့အထိ ခြိမ်းခြောက်ထားနိုင်တဲ့အခြေအနေ လို့ သတင်းတွေကဖော်ပြပါတယ်။
ဒါဟာ ၂၀၂၂ ခုနှစ်၊ ဖေဖော်ဝါရီလမှာ ယူကရိန်းကို ရုရှားက စစ်အင်အားအပြည့်နဲ့ ကျူးကျော်မှု စတင်ကတည်းကဆိုရင် ရုရှားပိုင်နက်ထဲအရောက်ဆုံး ထိုးဖောက်မှုဖြစ်လာပါတယ်။
သောကြာနေ့က တက်လာတဲ့ ဗီဒီယိုမှာ ယူကရိန်းစစ်သားတွေဟာ ရုရှားနိုင်ငံအတွင်းက ကူ့စ်ဒေသမှာရှိတဲ့ သဘာ၀ဓာတ်ငွေ့စက်ရုံတစ်ခုကို ထိန်းချုပ်လိုက်တာကို တွေ့ရပါတယ်။ အဲဒီကူ့စ်ဒေသမှာ ယူကရိန်းတပ်တွေကို ပြန်လည်တိုက်ခိုက်နေတယ်လို့ ရုရှားဘက်ကလည်း ပြောထားပါတယ်။ အဲဒီဗီဒီယိုကို ယူကရိန်းတယ်လီဂရမ်ချန်နယ် အန်တန် ဂျီရာရှန်ကို ပေါ်မှာ တင်ခဲ့တာပါ။
(၂၉)စက္ကန့် ကြာမြင့်တဲ့ အဲဒီဗီဒီယိုမှာ စစ်သားတွေဟာ ရုရှားဂတ်စ်ပရွန်ကုမ္ပဏီ လိုဂိုပါတဲ့ အဆောက်အဦ တစ်ခုရှေ့မှာ ရိုက်ထားတာကို တွေ့ရပြီး သူတို့ဟာ ဆူဇာမြို့ကို ထိန်းချုပ်ထားကြောင်း ပြောထားပါတယ်။ ယူကရိန်းစစ်တပ်နဲ့ သမ္မတ ဇာလန် စကီးတို့ဟာ ယူကရိန်းတပ်တွေရဲ့ ကူ့စ်ဒေသထဲ ထိုးဖောက်တိုက်ခိုက်မှုနဲ့ ပတ်သက်လာရင် ခြေသံလုံလုံနဲ့ ဆောင်ရွက်တဲ့ မူဝါဒကို တင်းတင်းကျပ်ကျပ် ကျင့်သုံးနေပါတယ်။
ရုရှားအရေးပေါ်ဝန်ကြီးဌာနက အစိုးရကော်မရှင် အစည်းအဝေးခေါ်ပြီးနောက် ကက်ရှ်ဒေသကို နိုင်ငံတော်အရေးပေါ်အခြေအနေ ကြေညာကြောင်း ဩဂုတ် ၉ ရက်နေ့မှာ ထုတ်ပြန်သွားခဲ့ပါတယ်။
ယူကရိန်းရဲ့ တန်ပြန်ကျူးကျော်စစ်မှာ အင်အားများပြားတဲ့ တင့်ကားတန်းအပြင် မကြာသေးခင်ကမှ အမေရိကန် ပေးအပ်လိုက်တဲ့ F-16 ဖိုက်တာတိုက်လေယာဉ်တွေနဲ့ စစ်သည်အင်အား အများအပြားပါဝင်တာကြောင့် ၄ ရက်တာတိုက်ခိုက်မှုအတွင်း ရုရှားတပ်တွေ အကျအဆုံးများပြားလွန်းနေပြီး ရွာအများစု သိမ်းပိုက်ခံနေရတာ ဖြစ်ပါတယ်။
၂၀၂၄ ပထမ ၄ လပတ်ကာလအတွင်း ရုရှားတပ်တွေဟာ ယူကရိန်းနယ်မြေတွေကို အင်အားအလုံးအရင်းသုံးပြီး ထိုးစစ်မြှင့်တင်သိမ်းပိုက်နိုင်ခဲ့ပေမယ့် ခုလပိုင်းအတွင်း အမေရိကန်နဲ့ မဟာမိတ်အင်အားကြီးနိုင်ငံတချို့က ရုရှား ပြည်တွင်းအထိ ထောက်ပံ့ထားတဲ့ လက်နက်တွေနဲ့ ပစ်ခတ်ခွင့်ပြုလိုက်ပြီးနောက် ရုရှားပြည်တွင်းက အရေးပါတဲ့ ဆိပ်ကမ်း၊ ဆီသိုလှောင်ရုံ၊ လက်နက်ခဲယမ်းသိုလှောင်ရုံနဲ့ လေတပ်အခြေစိုက်စခန်းများစွာဟာ တိုက်ခိုက်ခံနေရ ပြီး ပျက်စီးဆုံးရှုံးမှုများစွာ ပြန်လည် ဖြစ်တည်လာခဲ့တာဖြစ်ပါတယ်။
Ref:Thesun & AA
Thursday, August 8, 2024
ဘင်္ဂလားဒေ့ရှ်နိုင်ငံအနာဂတ်အတွက် အိမ်စောင့်အစိုးရသစ်ကို ဦးဆောင်ရန် နိုဘယ်ဆုရှင် မိုဟာမက် ယူနွတ် ဘင်္ဂလားဒေ့ရှ်သို့ ပြန်လည်ရောက်ရှိလာ
ဒါကာ။ သြဂုတ် ၈
ဘင်္ဂလားဒေ့ရှ်နိုင်ငံအတွင်း ကျောင်းသားများ ဦးဆောင်သည့် အုံကြွမှုအတွင်း ဘင်္ဂလားဒေ့ရှ်ဝန်ကြီးချုပ် ရှိတ်ဟာဆီနာ၏ တိုင်းပြည်ကို ၁၅ နှစ်ကြာအုပ်ချုပ်မှု အဆုံးသတ်သွားပြီးနောက် အိမ်စောင့်အစိုးရကို ဦးဆောင်ရန်အတွက် ငြိမ်းချမ်းရေး နိုဘယ်ဆုရှင် မိုဟာမက်ယူနွတ်သည် သြဂုတ် ၈ ရက်က ဘင်္ဂလားဒေ့ရှ်သို့ ပြန်လည်ရောက်ရှိလာခဲ့သည်။
ယူနွတ်လိုက်ပါလာသော လေယာဉ်သည် ပဲရစ်မှထွက်ခွာလာပြီးနောက် ဒူဘိုင်းမှတစ်ဆင့် ဒေသစံတော်ချိန် မွန်းလွဲ ၂ နာရီဝန်းကျင်တွင် ဒါကာမြို့သို့ ဆိုက်ရောက်လာခဲ့သည်။ သူသည် သြဂုတ် ၈ ရက် ညနေပိုင်းတွင် ဘင်္ဂလားဒေ့ရှ်၏ ခေါင်းဆောင်သစ်အဖြစ် ကျမ်းသစ္စာကျိန်ဆိုမည်ဟု မျှော်လင့်ရသည်။ ဘင်္ဂလားဒေ့ရှ် စစ်တပ်အကြီးအကဲဝါကာ-အူဇ်-ဇာမန်က နှစ်လိုဖွယ်ကောင်းသော ဒီမိုကရေစီဖြစ်စဉ် ဖြစ်လာမည်ဟု ကတိပြုထားသည်။
၈၄ နှစ်အရွယ် အသေးစားချေးငွေလုပ်ငန်းကို ရှေ့ဆောင်လမ်းပြ လုပ်ကိုင်ခဲ့သည့် ယူနွတ်အား ကြားဖြတ်အစိုးရ၏ ခေါင်းဆောင်အဖြစ် ထားရှိရန် ဆန္ဒပြကျောင်းသားခေါင်းဆောင်များက တောင်းဆိုခဲ့ပြီး ယင်းတောင်းဆိုမှုကို ဘင်္ဂလားဒေ့ရှ် စစ်တပ်က သဘောတူခဲ့သည်။
“ကျွန်တော် အိမ်ပြန်လာဖို့ မျှော်လင့်စောင့်စားနေတာပါ။ ကျွန်တော်တို့ ကြုံနေရတဲ့ ပြဿနာတွေကနေ ကိုယ့်အားကိုယ်ကိုးပြီး ဘယ်လိုရုန်းထွက်နိုင်ခဲ့သလဲဆိုတာကို တွေ့နိုင်တယ်” ဟု ဒါကာသို့ မထွက်ခွာမီ ပဲရစ်တွင် ယူနွတ်က သတင်းထောက်များကို ပြောကြားခဲ့သည်။
စစ်တပ်အကြီးအကဲ ၀ါကာ-အူဇ်-ဇာမန်က ၎င်းအနေဖြင့် ယူနွတ်ကို ထောက်ခံကြောင်းနှင့် ၎င်းအနေဖြင့် သြဂုတ် ၈ ရက် ညနေခင်းတွင် ကြားဖြတ်အစိုးရ ခေါင်းဆောင်အဖြစ် ကျမ်းသစ္စာကျိန်ဆိုမည်ဟု မျှော်လင့်ကြောင်း ပြောကြားထားသည်။
“သူဟာ ကျွန်တော်တို့ကို နှစ်လိုဖွယ်ကောင်းတဲ့ ဒီမိုကရေစီဖြစ်စဉ်တစ်ခုကနေ ခေါ်ဆောင်သွားနိုင်မယ်လို့ မိမိယုံကြည်ပါတယ်” ဟု ၀ါကာက ပြောကြားသည်။
လအနည်းငယ်အတွင်း ရွေးကောက်ပွဲကျင်းပရန် ဆန္ဒရှိကြောင်း ယူနွတ်က ပြောဆိုထားသည်။ လတ်တလောတွင် စစ်တပ်၏အခန်းကဏ္ဍ အပါအဝင် အစိုးရဖွဲ့မည့် အစီအစဉ်နှင့်ပတ်သက်၍ အသေးစိတ်ထုတ်ပြန်ခြင်းမရှိပေ။
သို့သော် ဘင်္ဂလားဒေ့ရှ် ပြည်သူများသည် အတိုက်အခံပါတီဟောင်းဖြစ်သည့် ဘင်္ဂလားဒေ့ရှ် အမျိုးသားရေးပါတီ (BNP)အား ထောက်ခံကြောင်း သြဂုတ် ၇ ရက်က ဒါကာမြို့တွင် လူထုစုဝေးပွဲ ပြုလုပ်ခဲ့သည်။
၇၆ နှစ်အရွယ် ဝန်ကြီးချုပ်ဟောင်း ဟာဆီနာသည် ၂၀၀၉ ခုနှစ်ကတည်းက အာဏာရယူခဲ့ခြင်း ဖြစ်သော်လည်း ဇန်နဝါရီလရွေးကောက်ပွဲတွင် မသမာမှုများ ပြုလုပ်ခဲ့ပြီး လူ့အခွင့်အရေး ချိုးဖောက်မှုများကိုလည်း ကျယ် ကျယ်ပြန့်ပြန့် လုပ်ဆောင်ခဲ့သည်ဟု စွပ်စွဲခံခဲ့ရသည်။ ဟာဆီနာသည် ဆန္ဒပြသူများကို ဖြိုခွင်းရန် လုံခြုံရေးတပ်ဖွဲ့ဝင်များကို ဖြန့်ကြက်ခဲ့ပြီး ဆူပူဆန္ဒပြမှုများအတွင်း အနည်းဆုံး ၄၅၅ ဦး သေဆုံးခဲ့သည်။
၎င်းရာထူးမှ နုတ်ထွက်ကာပြည်ပသို့ ထွက်ပြေးတိမ်းရှောင်သွားပြီးနောက် သိန်းနှင့်ချီသည့် ပြည်သူများသည် ဒါကာမြို့လမ်းမများထက်တွင် မြူးထူးပျော်ရွှင်စွာဖြင့် အောင်ပွဲခံခဲ့ကြသည်။
Ref: AFP
သြဂုတ် ၈ ရက်က ဒါကာမြို့ရှိ ဟက်ဇ်ရတ် ရှာဂျာလာ အပြည်ပြည်ဆိုင်ရာလေဆိပ်သို့ ရောက်ရှိလာချိန်တွင် သတင်းစာရှင်းလင်းပွဲ ပြုလုပ်နေသည့် မိုဟာမက် ယူနွတ်အား တွေ့ရစဉ်(Photo: AFP)
Subscribe to:
Comments (Atom)
