 |
ထိုင်ဝမ် တိုင်ပေမြို့တော် အပြင်ဘက်က အပန်းဖြေရေကစားဥယျာဉ်တခုမှာ ဇွန် ၂၇ ရက် ညဦးပိုင်းက မတော်တဆ ပေါက်ကွဲမှုကြောင့် လူ ၅၁၉ ဦး ဒဏ်ရာရရှိသွားပါတယ်။
ဖော်မိုစာ ရေကစားဥယျာဉ်ရဲ့ စတိတ်စင်ကြီးမှာ ပေါက်ကွဲမီးလောင်ခဲ့တာဖြစ်ပြီး ဒဏ်ရာရ သူတွေထဲက ၁၈၂ ဦးကိုတော့ အထူး ကြပ်မတ်ဆောင်မှာ ကုသပေးနေတယ်လို့ ထိုင်ဝမ် အာဏာပိုင်တွေကို ကိုးကားပြီး စီအန်အန်သတင်းမှာ ဖော်ပြပါတယ်။
ဇွန် ၂၈ ရက် ညနေပိုင်းအထိ သေဆုံးတဲ့သူတွေ မရှိသေးဘူးလို့လည်း ထုတ်ပြန်ထားပါတယ်။
၆၀ ကျော်ကတော့ ကုသမှုခံယူပြီး ဆေးရုံကနေ ဆင်းသွားပြီလို့ဆိုပါတယ်။ ဒဏ်ရာရသူ ၅၀၇ ဦးကတော့ ထိုင်ဝမ်တွေဖြစ်ပြီး မကာအိုနဲ့ ဟောင်ကောင်က ၁ ဦးစီ၊ ၇ ဦးကတော့ တခြားနိုင်ငံတွေက ဖြစ်တယ်လို့ ထိုင်ဝမ် လူထု ကျန်းမာရေး ဌာနက ထုတ်ပြန်ပါတယ်။
ကစားပွဲပြီးဆုံးခါနီး ရောင်စုံအမှုန့်တွေ ပက်ဖြန်းချိန်မှာ ပေါက်ကွဲမှုဖြစ်ခဲ့တာဖြစ်ပါတယ်။ အသံချဲ့စက်က ၀ါယာလျော့ကြောင့်ဖြစ်င်တယ်လို့လည်း မီးသတ်တပ်ဖွဲ့က ပြောဆိုပါတယ်။ ဖြစ်ပွားရတဲ့အကြောင်းရင်း အသေးစိတ်ကိုတော့ စုံစမ်းစစ်ဆေးနေဆဲ ဖြစ်ပါတယ်။
DVB ::--KOLATT(PBDN)
RangonNewsDaily
0 comments:
Post a Comment