Pages

Friday, May 23, 2014

WeChat လစဉ်အသုံးပြုသူ ၃၉၆ သန်းရှိလာ


RangonNewsDaily: May . 23 .2014
Tencent ၏ ၂၀၁၄ ခုနှစ်၊ ပထမသုံးလပတ် ဘဏ္ဍာရေး အစီရင်ခံစာ ထွက်ပေါ်လာပြီးနောက် ကုမ္ပဏီ၏ WeChat messaging app ကိုလစဉ်အသုံးပြုသူဦးရေ ၃၉၆ သန်းအထိ မြင့်တက်လာကြောင်း သိရသည်။ WeChat အသုံးပြုသူဦးရေသည် ၂၀၁၃ ခုနှစ်၊ နှစ်ကုန်က ၃၅၅ သန်းရှိခဲ့ပြီးလွန်ခဲ့သည့် တစ်နှစ်ကျော်ခန့်က ၁၉၅ သန်းသာရှိခဲ့သည်။
Facebook ပိုင်ဆိုင်သည့် WhatsApp သည်ကမ္ဘာတစ်ဝန်းမှ လစဉ်အသုံးပြုသူ သန်း ၅၀၀ ဖြင့်ဈေးကွက်ကို ဦးဆောင်လျက်ရှိသည်။ တရုတ်နိုင်ငံတွင် WeChat ကိုအများဆုံး အသုံးပြုကြပြီး Line သုံးစွဲသူထက်ဝက်နီးပါးခန့်မှာ ဂျပန်နိုင်ငံကဖြစ်သည်။ WhatsApp ကိုအသုံးပြုသူများမှာ အာရှ၊ ဥရောပနှင့် တောင်အမေရိကနိုင်ငံများမှ ဖြစ်ကြောင်းသိရသည်။

Tencent သည် WeChat ကို အိန္ဒိယ၊ မက္ကဆီကိုနှင့် ဘရာဇီးကဲ့သို့သော ဈေးကွက်များတွင် ချဲ့ထွင်ရန် စီစဉ်နေသော်
လည်း သက်ဆိုင်ရာ ဈေးကွက်ကိန်းဂဏန်း အချက်အလက်များကို ထုတ်ပြန်ကြေညာခဲ့ခြင်း မရှိပေ။ ထို့အပြင် Tencent ၏ဘဏ္ဍာရေး အစီရင်ခံစာအရ WeChat နှင့်ချိတ်ဆက်ထားသည့် ဂိမ်းများနှင့်ပတ်သက်၍ ငွေပေးချေမှုသည် ပထမသုံး
လပတ်တွင်နှစ်ဆမြင့်တက်ခဲ့ကြောင်း၊ 

WeChat နှင့် QQ တို့ဖြင့်ချိတ်ဆက်ထားသည့် မိုဘိုင်းဂိမ်းများမှ ဝင်ငွေအမေရိကန်ဒေါ်လာ ၂၈၉ သန်းရရှိခဲ့ကြောင်း၊ ၎င်းသည်ပြီးခဲ့သည့်နှစ် စတုတ္ထသုံးလပတ်ထက် သုံးဆမြင့်တက်ခဲ့ကြောင်း သိရသည်။

Ref: TechInAsia
Internet Journal , KOLATT(PBDN)

RangonNewsDaily


0 comments:

Post a Comment