Pages

Wednesday, May 7, 2014

တစ်နှစ်ဝင်ငွေ ကျပ်သိန်း ၂၀နဲ့ အထက်ရှိသူတွေ အခွန်ဆောင်ဖို့ ကြေညာ


RangonNewsDaily: May . 7 .2014
တစ်နှစ် ၀င်ငွေကျပ်သိန်း ၂၀ နဲ့ အထက် လစာငွေရရှိသူတိုင်း ၀င်ငွေခွန်ဆောင်ရမှာဖြစ်ကြောင်း အဲဒီလို ပေးဆောင်ဖို့အတွက် ၀င်ငွေခွန်နှုန်းအမျိုးအစား ၅ မျိုး သတ်မှတ်ထားကြောင်း အစိုးရက ဒီနေ့ ထုတ်ပြန်ကြေညာပါတယ်။
ရန်ကုန်မြို့ကမ်းနားလမ်းက အထွေထွေအုပ်ချုပ်ရေး ဦးစီးဌာနမှူးရုံးမှာ ဒီနေ့ကျင်းပတဲ့ ပြည်ထောင်စုအခွန်ဥပဒေများ ရှင်းလင်းပွဲမှာ မြို့နယ်အခွန်ဦးစီးဌာနမှူး ဦးအောင်မျိုးဦးက အခုလို ပြောပါတယ်။

"၂ဝ၁၄ ခုနှစ် ဧပြီလ ၁ ရက်နေ့ကစပြီး ဒီနှစ်ဝင်ငွေလစာရရှိတဲ့ ဝန်ထမ်းများလစာရရှိတဲ့ တစ်နှစ်ဝင်ငွေအပေါ်မှာ သိန်း ၂ဝ ကျော်မှ လစာပေါ်ကနေ ဇယားပါအတိုင်း ဆောင်ပေးရမှာဖြစ်ပါတယ်၊ ၂ဝ၁၄ - ၂ဝ၁၅ ဝင်ငွေနှစ်ကစပြီး သက်ရောက်မှာဖြစ်တဲ့အတွက် လာမယ့် ၂ဝ၁၅-၂ဝ၁၆ စည်းကြပ်နှစ်ကျမှ စည်းကြပ်မှာဖြစ်ပါတယ်"
::
ဝင်ငွေခွန်ပေးဆောင်ရာမှာ အစိုးရက သတ်မှတ်ထားတဲ့ သက်သာခွင့်တွေကို ခုနှိမ်ပြီးနောက် ကျန်ရှိတဲ့ဝင်ငွေအပေါ်မှာ ပေးဆောင်ရမှာဖြစ်တယ်လို့ သိရပါတယ်။ 

ခုနှိမ်ပြီး ကျန်ရှိတဲ့ တစ်နှစ် ၀င်ငွေ 

သိန်း ၂၀ အထက်ကနေ သိန်း ၅၀ အထိ ၀င်ငွေခွန် ၅ ရာခိုင်နှုန်း၊ 

သိန်း ၅၀ အထက်ကနေ သိန်း ၁၀၀ အထိ ၁၀ ရာခိုင်နှုန်း၊ 

သိန်း ၁၀၀ အထက်ကနေ သိန်း ၂၀၀ အထိ ၁၅ ရာခိုင်နှုန်း၊ 

သိန်း ၂၀၀ ကနေ သိန်း ၃၀၀အထိ ၂၀ရာခိုင်နှုန်းနဲ့ 

သိန်း ၃၀၀ နဲ့အထက်ကို ၂၅ ရာခိုင်နှုန်း ပေးဆောင်ရမယ်လို့ သတ်မှတ်ထားပါတယ်။
::
ဒါ့အပြင် ကုန်သွယ်လုပ်ငန်းခွန် ဥပဒေမှာ စီးကရက်ကို ၁၀၀ ရာခိုင်နှုန်း၊ ဆေးပေါ့လိပ်၊ ကွမ်းစားဆေး၊ အရက်၊ ဘီယာနဲ့ ၀ိုင် တွေကို ၅၀ ရာခိုင်နှုန်း ကုန်စည်အမျိုးအစားအလိုက် အခွန်စည်းကြပ် ကောက်ခံသွားမယ်လို့လည်း ကြေညာချက်မှာပါရှိပါတယ်။

RFA ::--
KOLATT(PBDN)
RangonNewsDaily

0 comments:

Post a Comment