Pages

Sunday, February 3, 2013

ဘားအံမြို့နယ်တွင် လေပြင်းတိုက်၊ လူနေအိမ်နှင့် စိုက်ပျိုးရေးလုပ်ငန်းများ ပျက်စီး

11:45 AM  Kolatt  No comments
ပြီးခဲ့တဲ့ ဇန်န၀ါရီ ၃၁ ရက်နေ့ မနက်က ဘားအံမြို့နဲ့  ၁၀ မိုင်လောက်ဝေးတဲ့ သံလွင်မြစ် အနောက်ဘက်ခြမ်းမှာရှိတဲ့ ဘုရင်ညီ၊ အထက်ကော့ရင်း၊ အောက်ကော့ရင်း ၊ နောင်ကျန်၊ ကော့မှူးသီး စတဲ့ကျေးရွာတွေမှာ မိုးတွေ ရုတ်တရက်ရွာပြီး လေပြင်း ၀င်ရောက်တိုက်ခတ်သွားခဲ့တာပါ။
လေပြင်းကြောင့် ပျက်စီးဆုံးရှုံးမှုတွေနဲ့ပတ်သက်ပြီး အောက်ကော့ရင်းကျေးရွာနေ ဦးစောမြတ်ထွန်းက “အောက်ကော့ရင်း အထက်မှာ ဖြတ်သွားတာ။ အချိန်က မနက်ပိုင်း ၈ နာရီလောက်မှာ၊ အိမ်တွေပြိုတယ်။ လယ်သမားတွေရဲ့ စပါးတွေ ပျက်တယ်။ ပဲခင်း၊ စပါးခင်းတွေ ပျက်တယ်။ ပျက်စီးတာ လယ်ဧက ၂၀၀ လောက်ရှိတယ်။ ကော့မှူးသီး အမက စာသင်ကျောင်း ပျက်စီးတယ်။ အကူညီတွေကတော့ ဘာမှ မလုပ်ရသေးဘူး။”

ဒီကနေ့ထုတ် နိုင်ငံပိုင်သတင်းစာတွေမှာတော့ လေပြင်းတွေကြောင့် ဘားအံမြို့ နယ်အတွင်း လူနေအိမ်ပေါင်း ၄၀ လောက် ပြိုကျပျက်စီးသွားပြီး လယ်မြေဧက ၃၀၀ လောက် ပျက်စီးဆုံးရှုံးကာ လူ ၂ ဦး ဒဏ်ရာရရှိခဲ့တယ်လို့ဖော်ပြထားပါတယ်။ 
 ဒေသခံ အုပ်ချုပ်ရေး အာဏာပိုင်တွေကတော့ လေဘေးဒဏ်ခံရသူတွေအတွက် နေအိမ်တွေ ပြန်ဆောက်ပေးဖို့နဲ့ စားနပ်ရိက္ခာ ကူညီပေးနေတယ်လို့လည်း ဆိုပါတယ်။

DVB
Posted by : ကိုလတ် Cool Download Rox | Admin at 11:45 AM

0 comments:

Post a Comment

Subscribe to: Post Comments (Atom)