RangonNewsDaily: March . 23 .2014
မတ်လ ၂၃ ရက်နေ့၊ နံနက် ၇ နာရီအချိန်တွင် လားရှိုးမြို့ရပ်ကွက်(၆)ရွှေသံလွင်လမ်းတွင် မိုင်းဟုယူဆရသောမသင်္ကာဖွယ်အထုပ်တစ်ထုပ်ကို တွေ့ရှိခဲ့ကြောင်း သိရှိရသည်။
ဖြစ်စဉ်မှာရပ်ကွက်(၆)ရွှေသံလွင်လမ်း၊နယ်မြေ(၃)၊အ.လ.က(၂)ကျောင်းအနီး၊အမှတ်၁၂နေအိမ်ရှေ့ရှိ အများသောက်သုံးသော ရေအိုးစင်အောက်တွင်မိုင်းဟုယူဆရသောအထုပ်ကို ဒေသခံပြည်သူတစ်ဦးက တွေ့ခဲ့ခြင်းဖြစ်သည်။
``ကျွန်တော်ကမနက်ဆိုင်ဖွင့်ပြီးတော့သန့်ရှင်းရေုးလုပ်နေတာ၊လုပ်နေရင်းနဲ့ အဲ့ဒီရေအိုးစင်နားရောက်တော့ တိပ်အမဲပတ်ထားတာတွေ့လို့သေချာကြည့်တာပေါ့နော်၊ကျွန်တော်လဲမသင်္ကာလို့ရဲစခန်းကိုဖုန်းဆက် အကြောင်းကြားလိုက်တာပါ´´ဟုရေအိုစင်ဘေးတွင်ကွမ်းယာရောင်းသော ငုဝါကွမ်းယာဆိုင်ရှင်ဦးဝင်းမြင့်က ပြောသည်။
``မိုင်းလို့ယူဆရတယ်ပေါ့နော်၊ဒါပေမယ့်သေချာစစ်ဆေးဖို့ကိုသက်ဆိုင်ရာကယူသွားတာပါ၊ ကိုင်ကြည့်တာတော့ပေါ့ပေါ့လေးပါ၊ ပလပ်စတစ်အချိုးရေးဘူးကိုဖောက်သောက်ပြီးတော့ တက်နင်းထားပြီး ၀ါယာတိပ်နဲ့ပတ်ထားတဲ့ပုံစံပါ၊ပြည်သူတွေထိတ်လန့်အောင်လုပ်တာလို့ကျွန်တော်တော့ယူဆပါတယ်၊ကျွမ်းကျင်သူတွေစစ်ဆေးပြီးရင်တော့အဖြေသိရမှာပါ´´ဟု တာဝန်ရှိရဲအရာရှိတစ်ဦးထံက သိရှိသည်။
မိုင်းဟုယူဆရသောမသင်္ကာဖွယ်ရာအထုပ်မှာအလျာလေးလက်မခန့်၊လုံးပတ်နှစ်လက်မခန့်ရှိပြီးဝါယာတိပ်အနက်ရောင်ဖြင့်ပတ်ထားပြီးပုလင်းပုပုံစံရှိပြီး၎င်းကိုသက်ဆိုင်ရာဌာနမှနံနက်ကိုးနာရီခွဲအချိန်တွင်ယူဆောင်သွားကြောင်း တာဝန်ရှိသူထံမှသိရှိရသည်။
မြစ်မခ , kolatt(PBDN)
RangonNewsDaily
0 comments:
Post a Comment