Pages

Thursday, December 6, 2012

ဇေကမ္ဘာကုမ္ပဏီမှ အထွေထွေမန်နေဂျာနှင့် လယ်သမားများ စကားအချေအတင်ဖြစ်ပွား

မင်္ဂလာဒုံ၊ ဒီဇင်ဘာ ၆
 
ယနေ့မနက် (၉)နာရီခွဲအချိန်ခန့်က မင်္ဂလာဒုံမြို့နယ်၊ ဆင်ဖုံ သင်္ကန်းကျွန်း ကြီး ကျေးရွာအုပ်စုမှ လယ်သမား
(၁၀၀)ကျော်သည် သိမ်းဆည်းခံထားရ သည့် လယ်မြေများတွင် အမှတ်အသားစည်းရိုးတိုင်များလာရောက်
စိုက်ထူ ရာတွင် ဇေကမ္ဘာကုမ္ပဏီမှ အထွေထွေမန်နေဂျာ ဦးမြင့်ဇော်နှင့် စကား အချေအတင်များခဲ့ကြောင်း သိရသည်။ဗိုလ်ကြီးအငြိမ်းစားဆိုသူ ဦးမြင့်ဇော်က လယ်ယာမြေကိစ္စနှင့် ပတ်သက်၍ မတရားဘူးထင်ပါက ဇေကမ္ဘာကို တရားစွဲနိုင်ကြောင်း၊ လူစုလူဝေးနဲ့ ခုလို လုပ်နေခြင်းသည် ငြိမ်းချမ်းစွာစုဝေးခွင့်နဲ့ ငြိမ်းချမ်းစွာစီတန်း လှည့်
လည်ခွင့် ကို ဖောက်ဖျက်ပြီး ဥပဒေချိုးဖောက်နေခြင်းဖြစ်ကြောင်း လယ်သမားများ ကို ပြောကြားခဲ့ကြောင်း အခင်းဖြစ်ပွားရာတွင် ရောက်ရှိနေသူတစ်ဦး၏ ပြောကြားချက်အရ သိရသည်။

လယ်သမားများဘက်ကလည်း လယ်ယာမြေကိစ္စအား သမ္မတဆီသို့ စာတင် ထားကြောင်း၊ ၎င်းတို့သည် ဆန
္ဒပြနေခြင်း၊ ဥပဒေကို ဆန့်ကျင်နေခြင်း မဟုတ်ကြောင်း၊ ၎င်းတို့ ပိုင်ဆိုင်သော လယ်မြေများအပေါ်တွင် ရပိုင်
ခွင့် ရှိသော အတိုင်းအတာဖြင့် လုပ်နေကြခြင်းဖြစ်ကြောင်း၊ ၎င်းတို့၏ လယ်မြေ များဖြစ်၍ ယခုကဲ့သို့ စည်းရိုး
ကာနေခြင်းအား မည်သူမျှ တားပိုင်ခွင့် မရှိ ကြောင်း၊ ကုမ္ပဏီဘက်မှလည်ှး တရားစွဲချင်လျှင် စွဲနိုင်ကြာင်း
ပြန်လည် ချေပပြောဆိုကြသည်။

အဆိုပါ ကွင်းအမှတ်(၄၈၆) နှင့် (၄၈၈)တို့တွင် စုစုပေါင်း လယ်ဧက (၂၂၉၄.၆၈)ရှိပြီး (၁၉၉၇)ခုနှစ် ၊မတ်လ
တွင် ဦးခင်ရွှေပိုင်ဆိုင်သော ဇေကမ္ဘာ ကုမ္ပဏီမှ သိမ်းယူခဲ့ခြင်းဖြစ်ကြောင်း၊ ထိုစဉ်က တစ်ဧကလျှင်ဂရုဏာ
ကြေး (၁)သောင်းနှုန်းပေးမည်ဟု ဆိုသော်လည်း အပြည့်အဝ မရရှိခဲ့ကြဘဲ၊ တချို့လယ်သမားများမှာ ယခုအ
ချိန်ထိလုံးဝ မရှိသေးကြောင်း လယ်သမားတစ်ဦးက မြန်မာ့ခေတ်သို့ ပြောကြားသည်။

လယ်သမားများသည် ကနဦး လယ်မြေအသိမ်းခံရချိန်မှစ၍အသိမ်းခံလယ်မြေများအားတစ်ဧကလျှင်တစ်နှစ်
(၈ဝဝဝ)ကျပ်နှုန်းဖြင့် ယင်း ကုမ္ပဏီသို့ပေးသွင်းကာ စိုက်ပျိုးခဲ့ကြပြီး၊(၂၀၁၂)ခုနှစ်နောက်ပိုင်းမှစတင်ကာစိုက်
ပျိုးခွင့်မရရှိတော့ကြောင်း၊ ယင်းကြောင့် လယ်သမား များကသိမ်းဆည်းခံထားရသောလယ်မြေများတွင်စည်း
ရိုးတိုင်များ လာရောက် စိုက်ထူရာမှ ဦးမြင့်ဇော်နှင့် စကားအချေအတင်ဖြစ်ပွားခဲ့ခြင်းကြောင်း သိရသည်။

 
 The Myanma Age

0 comments:

Post a Comment