 |
မြန်မာနိုင်ငံရှိ ငှက်မျိုးစိတ်ပေါင်း တစ်ထောင်ကျော်မှ မျိုးစိတ်(၆)မျိုးမှာ ကမ္ဘာ့ပေါ်ရှိ မည်သည့်နိုင်ငံများတွင်မှ မရှိသေးသော မျိုးစိတ်များဖြစ်ကြောင်း မြန်မာနိုင်ငံငှက် ဝါသနာရှင်များအသင်းကသိရှိရသည်။
အဆိုပါ ငှက်များမှာဆွေ့ငှက်၊ မြန်မာဘီလုံးငှက်၊ နဖားကြိုးငှက်၊မျက်ခုံးဖြူငှက်ပြာခြောက်ငှက်၊ မြန်မာ(၁)ငှက်နှင့်ငှက်မင်းသားဝမ်းဖြူ တို့ဖြစ်သည်။ “ဌာနေရင်း ငှက်ခေါ်တာပေါ့နော်၊ ကမ္ဘာမှာ မတွေ့ရဘူး။တုိ့မြန်မာနိုင်ငံမှာပဲ တွေ့ရတယ်။ နောက်ကမ္ဘာမှာ မျိုးတုန်းပျောက်ကွယ် လုနီးဖြစ်နေတဲ့ ရှားပါးငှက်မျိုးစိတ်တွေကလည်း မြန်မာနိုင်ငံမှာရှိနေတယ်။”ဟု အဆိုပါအသင်းမှ EC တစ်ဦးဖြစ်သော ဦးကျော်နိုင်က ပြောသည်။
မျက်ခုံးဖြူငှက်ပြာခြောက်ငှက်နှင့် ငှက်မင်းသားဝမ်းဖြူတို့ကိုမူချင်းပြည်နယ်တွင်သာတွေ့ရှိရပြီး ကျန်ငှက်များ အား မန္တလေးတိုင်းဒေသကြီး၊ပုဂံမြို့တွင် တွေ့နိုင်သေးကြောင်း သိရှိရသည်။
 |
ကမ္ဘာပေါ်တွင် ငှက်မျိုးစိတ်ပေါင်း တစ်သောင်းကျော်ရှိသည့်အနက်မြန်မာနိုင်ငံတွင်ပင် ငှက်မျိုးစိတ်ပေါင်းတစ်ထောင့် တစ်ရာခန့်ရှိပြီး မြန်မာနိုင်ငံသည် အာရှတိုက်တွင်လည်းငှက်အများဆုံးရှိသည့် နိုင်ငံဖြစ်ကြောင်း သိရသည်။
“ငှက်တွေ အကုန်လုံးက အကျိုးပြုပါတယ်။ ဥပမာပြောရရင် အပင်မှာရှိတဲ့အင်းဆက်တွေကို အင်းဆက်စားတဲ့ကောင်တွေက စားတယ်။ လဒတို့ ကျီးကန်းတို့ဆိုလည်း သေးပြီးသားအကောင်တွေအပုတ်တွေကို သုတ်သင်ရှင်းလင်းပေးတယ်။” ဟု ငှက်သုတေသန ဒေါက်တာသီရိဒေ၀ီအောင်က ပြောသည်။
မြန်မာနိုင်ငံတွင် မည်သည့်နိုင်ငံတွင်မှမရှိသည့် ငှက်များရှိခြင်း၊ငှက်များပေါများခြင်းတို့ကြောင့် နိုင်ငံခြား ခရီးသွားဧည့်သည်
များအနေဖြင့် ငှက်မျိုးစိတ်များကိုစိတ်ဝင်တစားလေ့လာလျက်ရှိကြောင်း သိရသည်။
သို့သော် မြန်မာနိုင်ငံဧည့်လမ်းညွှန်များအသင်းတွင်အသင်းဝင်သုံးထောင်ကျော်ရှိသော်လည်းငှက်အကြောင်းအသေးစိတ်သိသော ဧည့်လမ်းညွှန်များမှာ (၁၀)ဦးဝန်းကျင်ရှိကြောင်းကိုဝမ်းနည်းစွာတွေ့ရှိရသည်။
ထိုကဲ့သို့ ငှက်များအကြောင်းနားလည်သော ဧည့်လမ်းညွှန်များတိုးပွားလာရေးအတွက် မြန်မာနိုင်ငံငှက်ဝါသနာရှင်များအသင်းမှ ပထမဆုံးသော အခြေခံ ငှက်ကြည့်သင်တန်း(1/2012)ကို ဇူလိုင်လ(၂၀)ရက်နေ့တွင် တော်ဝင်နှင်းဆီ၌ ပြုလုပ်လျက်ရှိပြီး သင်တန်းကာလမှာသုံးရက်ကြာမြင့်မည်ဖြစ်သည်။
မြန်မာနိုင်ငံငှက်ဝါသနာရှင်များ အသင်းအနေဖြင့်အခြေခံငှက်ကြည့်သင်တန်းများကို၂၀၀၄ခုနှစ် ဇူလိုင်လတွင်စတင်ဖွင့်လှစ်ခဲ့သည်။
Myitmakha Media:
0 comments:
Post a Comment