နှစ်ပေါင်းများစွာအတွင်း မကြုံစဖူး ဂုတ်တွင်း၌ ကားလမ်းပိတ်ဆို့မှုဖြစ်ပွားနေပြီး ရာနှင့်ချီသောကားများပိတ်မိနေတာပါ။ ကျောက်မဲမြို့နှင့်နောင်ချိုအကြားရှိ ပြည်ထောင်စုလမ်းမကြီးပေါ်ရှိ ဂုတ်တွင်းကားလမ်းတွင် ဖေဖေါ်ဝါရီလ ၂၉ ရက်နေ့ ညအချိန်က တွဲကားတစ်စီးပျက်ကာပိတ်မိနေခဲ့ရာ မတ်လ ၁ ရက်နေ့ ၁၁ အချိန်ခန့်တွင် လမ်းပြန်ပွင့်ခဲ့သည်။
လမ်းပြန်ပွင့်ခဲ့သော်လည်း ၁၂ နာရီကျော်ကြာလမ်းပိတ်ဆို့မှုကြောင့် စောင့်ဆိုင်းနေသောကားတန်းကြီးမှကားများအား တာဝန်ရှိသူများမှ ကားများကိုအတက်အဆင်းတစ်သုတ်စီသွားလာနိုင်ရန်စီစဉ်ဆောင်ရွက်ပေးခဲ့သော်လည်း အလုအယက်ကျော်တက်ကာမောင်းနှင်သောကြောင့် မတ်လ ၁ ရက်နေ့ညပိုင်း ၆ နာရီအချိန်ခန့်တွင် ကားများပြန်လည်ပိတ်မိကာ ယာဉ်ကြောပိတ်ဆို့သွားခဲ့သည်။
" ကျွန်တော်စီးလာတဲ့ကားက ဂုတ်တွင်းကို ည ၆ နာရီလောက်ကထဲကရောက်နေတာပါ ရောက်စက တစ်လိမ့်ခြင်းသွားလို့ရနေသေးတယ် အခုတော့လုံးဝသွားမရတော့လို့ရပ်ထားရတယ် လွန်ခဲ့တဲ့တစ်ရက်က တွဲကားတစ်စီးပျက်ပြီး လမ်းပိတ်ရာကနေ ကားတန်းအရှည်ကြီးဖြစ်သွားပြီး လမ်းလည်းပွင့်သွားရော အလုအယက်ကျော်တက်မောင်းကြတာကနေလမ်းတွေပိတ်မိကုန်ပြီး ဟိုဘက်လဲသွားမရ ဒီဘက်လဲသွားမရဖြစ်ပြီး ကားလမ်းပိတ်ကုန်တာဘဲ လမ်းကလည်းကျဉ်းတော့ရှောင်စရာနေရာကလည်းမရှိဘူး ပွင့်ပွင့်လင်းလင်းပြောရရင် ကားသမားတွေ စည်းကမ်းမရှိဘဲ သူ့ထက်ငါအလုအယက်ကျော်မောင်းနေလို့ဖြစ်ရတာပါ " ဟုပြောသည်။
သတင်း ဓါတ်ပုံ .......မင်္ဂလာထွန်း ( ကျောက်မဲ )
Lashio Media::--KOLATT(PBDN)
RangonNewsDaily
0 comments:
Post a Comment