သူ့စကားများက ညွှန်းဆိုနေသည့် ဆရာကြီး ဦးရာဇတ်အကြောင်း

ဆရာကြီးအကြောင်း ပုံစံအမျိုးမျိုးမှတ်တမ်းတင်ခဲ့ကြပြီးပါပြီ။ ဒီတစ်ကြိမ်မှာတော့
မနှစ်က ဆရာကြီး ဦးရာဇတ်နေ့ အခမ်းအနားအတွက် ပြင်ဆင်တုန်းက စုဆောင်း ဖြစ်ခဲ့တဲ့ဆရာကြီး ပြောခဲ့တဲ့ စကားတွေကို တစ်စုတစ်စည်းတည်း ပြန်လည်ဖော်ပြလိုက်ပါတယ်။

အာဇာနည် အမျိုးသားခေါင်းဆောင်ကြီး ဆရာကြီးဦးရာဇတ်

——————————————————————-

“We don’t regard ourselves as a minority.

We merge with the majority.…”

“ကျွန်တော်တို့ ကိုယ့်ကိုကိုယ် လူနည်းစုလို့သဘောမထား၊

လူများစုနှင့် ပေါင်းလိုက်တယ်။…”

(၁၉၄၇ ခုနှစ်၊ ဇွန်လ အိန္ဒိယနိုင်ငံ မဒရပ်မြို့တွင် သတင်းထောက်တစ်ဦးက ဆရာကြီးအား မြန်မာနိုင်ငံတွင် မွတ်စလင်င်မ်လူနည်းစုတို့၏ အနေအထား မည်သို့ရှိပါသနည်းဟု မေးမြန်းစဉ် ဆရာကြီး၏ အဖြေ )

——————————————————————-

“ငါတို့သည် လူမျိုးအားဖြင့် မြန်မာ၊ ဘာသာအားဖြင့် မွတ်စလင်မ်၊ နေထိုင်ရာဌာန မြန်မာပြည်၊ သယ်ပိုးရန်ကိစ္စ မြန်မာ့အကျိုး ဟူ၍ စွဲစွဲလမ်းလမ်း ကြိုးကြိုးစားစား ဆောင်ရွက်ကြရန်ဖြစ်၏။
        မြန်မာပြည်အတွင်း အယူဝါဒကွဲပြားခြင်းကို အကြောင်းပြု၍ လူမျိုးစည်းလုံးညီညွှတ်မှု၊ တိုင်းပြည်၏ တိုးတက်မှု၊ ချမ်းသာမှုတို့ကို မပျက်စီးစေရာ။ သဘောထားကြီးခြင်း၊ တိုင်းပြည်ကိုချစ်ခြင်း စသော မေတ္တာတရားတို့ဖြင့် လူမျိုးစည်းရုံးမှုကို ဖြစ်စေလျက် ငါကား သူနှင့်မတူ သီးခြားလူမျိုးဟူသော စိတ်ထားကို တိုင်းပြည်နှင့်လူမျိုးအတွက် ဖိနှိပ်ထားရာသည်။”
(၁၉၄၁-ခု၊ မေလ ၄-ရက် နေ့ ယင်းတော်၌ ကျင်းပသည့် တတိယအကြိမ် နိုးကြားရေး ညီလာခံကြီးတွင် မြွက်ကြားသည့် အာဇာနည်ခေါင်းဆောင်ကြီး၏ မိန့်ခွန်းမှ)”

——————————————————————-

“ယခုခေတ်ကား ရှေးခေတ်မဟုတ်တော့ပြီ။ ယခုမင်းကား ရှေးမင်းမဟုတ်တော့ပြီ။ ယခုအုပ်ချုပ်ပုံစနစ်သည် ရှေးနည်းမဟုတ်တော့ပေ။ ငါ၏ကျေးတော်မျိုး ကျွန်တော်မျိုးများဖြစ်သော ပသီတို့သည် နိုင်ငံရပ်ခြားတိုင်းတစ်ပါးဖြစ်သော မက္ကာဟ်မြို့တော်၌ မျက်နှာငယ်ညှိုးနွမ်းချိမ့်မည်ဟု ဒေါင်းတံဆိပ်ခတ်သော ဇရပ်ကို ဆောက်လုပ်ချီးမြှင့် ပေးသနားတော်မူသော ပဉ္စမသင်္ဂါယနာတင် မင်းတရားကြီး မရှိတော့ပြီ။ 

ယခုအုပ်ချုပ်ရေးစနစ်ကား ပသီတို့၏လိုအင်ဆန္ဒကို အစဉ်သိရှိရန် ပသီဝန်ကိုခန့်ထားသော နည်းစနစ်မဟုတ်၊ နိုင်ငံရေးခေါင်းဆောင်ကြီးများ အစဉ်သတိပေးလျက် ရှိသည့် လူမျိုးခြင်းသွေးခွဲ၍ အုပ်ချုပ်သောနည်းစနစ်ဖြစ်၏။ 

ထို့ကြောင့် ကျွန်ုပ်တုိ့၏ ရည်ရွယ်ချက်ကား လူမျိုးရေး သွေးကွဲစေမှုကို ကာကွယ်သတိပြု၍ ဆောင်ရွက်ရေးဖြစ်၏။”

(၁၉၄၁-ခု၊ မေလ ၄-ရက် နေ့ ယင်းတော်၌ ကျင်းပသည့် တတိယအကြိမ် နိုးကြားရေး ညီလာခံကြီးတွင် မြွက်ကြားသည့် အာဇာနည်ခေါင်းဆောင်ကြီး၏ မိန့်ခွန်းမှ)”

——————————————————————-

ဆရာကြီးရွတ်ဆိုနေကြ ကဗျာ

Breathes there the man,

with soul so dead,

Who never to himself hath said,

“This is my own, my native land.”

“ဒါတို့ပြည်၊ ဒါတို့မြေ” လို့ မဆိုတဲ့သူဟာ

အသက်ရှင်လျက် ၀ိညာဉ်မဲ့နေတဲ့သူလို

အသက်ရှင်နေပေမယ့် သေနေတဲ့သူလို

ဘာမှ အသုံးမကျတဲ့အကြောင်း…။

(ဗဟိုအမျိုးသားအထက်တန်းကျောင်းသားများ၏ ဦးနှောက်၊ အသည်းနှလုံးများတွင် အစဉ်အမြဲ စွဲနစ်နေအောင် ဆရာကြီးက အခါမလပ် ပြောဆို စည်းရုံးသိမ်းသွင်းပေးခဲ့တဲ့ အင်္ဂလိပ် ကဗျာလေးပါ။)

——————————————————————-

“ဘာပဲလုပ်လုပ် နောက်ကလည်းမလိုက်နဲ့၊ ဘေးတိုက်လည်း ကန့်လန့်ကန့်လန့် မလိုက်နဲ့၊ ရှေ့ထိပ်က ခေါင်းဆောင် ဖြစ်အောင် ကြိုးစား။ ယုတ်စွအဆုံး ဓားပြတိုက်စားရင်တောင် ဓားပြခေါင်းဆောင်သာ ဖြစ်ပါစေ။ ဒါမှသာ ဆရာကြီးရဲ့တပည့် အမျိုးသားကျောင်းသားပီသမယ်။”

——————————————————————-

“စာမေးပွဲအောင်ရုံသက်သက်နဲ့တော့ ငါ့ကျောင်းကိုမလာကြနဲ့တော့။ စာမေးပွဲအောင်ရုံဆိုရင် စိန်ပီတာတို့လို ဟိုက်စကူးကျောင်းတွေ အများကြီးရှိပါတယ်။ အဲဒီကျောင်းတွေကိုသာ သွားကြ။

ခုချိန်မှာတိုင်းပြည်အတွက် အရေးကြီးတယ်။ မျိုးချစ်စိတ်ရှိဖို့နှင့် တိုင်းပြည်အတွက် နည်းလမ်းကောင်းတွေ ရှာဖို့ပဲ အရေးကြီးတယ်။”

——————————————————————-

“မင်းတို့ BA, BSc, MA, MSc တွေ အောင်ပြီး ICS တွေ ဖြစ်လာရင် မင်းတို့အတွက် ငါ ၀မ်းသာပါတယ်၊ ဒါပေမယ့် မင်းတို့အတွက် ငါဂုဏ်မယူနိုင်သေးဘူး။
တိုင်းပြည်အတွက် ဘယ်နေရာမှာ ဘယ်လို အနစ်နာခံပြီး ဘယ်လိုတာဝန်တွေကို ထမ်းဆောင်နေရတယ်ဆိုရင် အဲဒါအတွက် ငါ ကျေနပ်တယ်၊ဂုဏ်ယူတယ်။ အဲဒီလို တိုင်းပြည်အတွက် အနစ်နာခံပြီး လုပ်နေတာကိုသာ ငါ ဂုဏ်ယူရမှာပါ။”

——————————————————————-

“တစ်ကြိမ်တစ်ခါ မှားတဲ့သူကို ပြင်ဆင်ခွင့် ပေးရမှာပေါ့။ ဒါနှင့် သူတစ်သက်လုံးအတွက် မနစ်နာစေချင်ပါဘူး။ နာမည် မပျက်စေချင်ဘူး။ သူ့ကို နားလည်အောင် သွန်သင်မယ်၊ ပြင်ချိန်ပေးမယ်၊ ပြင်စေမယ်။ ဒါအတွက်တော့ ကျောင်းက လက်ခံပေးရမယ်။ သူကြိုးစားပြီး ပြင်ဆင်သွားရင် လူတော်လူကောင်းဖြစ်မယ်။ ကျောင်းက ဂုဏ်ယူနိုင်တာပေါ့။ အဲဒီကျောင်းသားက သူ့ဓလေ့ဆိုးကို မပြင်ဘူး၊ ဆရာတွေ ပြင်မရအောင် ဆိုးနေတယ်ဆိုတော့လည်း တစ်မျိုးပေါ့လေ။”

——————————————————————-

“ကဲ လူကြီးမင်းတို့… တို့ကျောင်းက သပိတ်မမှောက်တဲ့ကျောင်းသား လက်မခံဘူး။ အဲဒီတော့ ကိုယ့်မိဘထံ ပြန်ကြပေတော့။”

——————————————————————-

“ငါတစ်ယောက်တည်းကို မင်းတို့ ကယ်ရာလိုက်သွားလျင် ငါ့အနေနဲ့ တစ်ကိုယ်ကောင်းကြံ၊ အဖွဲ့ကို သစ္စာဖောက်သူ ဖြစ်မယ်။ နာမည်ပျက်ချင်ပျက်ပါစေလို့ ဆုံးဖြတ်ဖို့ ငါ့စိတ်က လက်မခံဘူးကွာ။ မင်းတို့ကယ်တင်မယ့်အစီအစဉ်ကို ငါလက်မခံနိုင်ဘူး။ ငါတို့အုပ်စုအတွက် ငါအနစ်နာခံပြီး ဂျပန်တွေလုပ်သမျှ သတ်သတ်၊ညှင်းဆဲညှင်းဆဲ  ငါခံတော့မယ်။ မင်းတို့ ငါ့တစ်ယောက်အတွက်နဲ့ အသက်မစွန့်နဲ့၊ တစ်ပြည်လုံးအတွက်လုပ်ကြ။”

(ဂျပန်ခေတ်က ဖမ်းဆီး အကျဉ်းကျခံနေရစဉ် ဗိုလ်ချုပ်အောင်ဆန်း၊ ဗိုလ်မှူးကြီးဗထူးတို့၏ လျှိုဝှက်အစီအစဉ်ဖြင့် ဆရာကြီး၏တပည့်များက ဆရာကြီးအားထောင်မှ ခိုးထုတ်ကယ်တင်ရန် ကြိုးပမ်းကြစဉ်က။)

——————————————————————-

ဆရာကြီးဦးရာဇတ်အား ဂုဏ်ပြု အမည်မှည့်ခေါ်ထားသော ရာဇက်ခန်းမဆောင် (မန္တလေးတက္ကသိုလ် စာကြည့်တိုက်)

“တို့အိမ်ထောင်သက်မှာ မင်း မလုပ်မိဖို့ အချက်ကြီးနှစ်ချက်ကို သတိပြုရမယ်။ ပထမအချက်က မင်း ကျုပ်အမေကို မစော်ကားဖို့၊ ဒုတိယအချက်က ကျုပ်ကျောင်းကြီးကို မစော်ကားဖို့ပဲဖြစ်တယ်။”

(အိမ်ထောင်ကျစ မင်္ဂလာဦးအချိန်တွင် ဇနီးဖြစ်သူ ဒေါ်ခင်ခင်အား ပြောသည့် ဆရာကြီး၏မှာတမ်းစကား။ ဆရာကြီးသည်ကား  သူ၏ကျောင်းတော်ကြီးကို မိခင်နှင့်တစ်မျှ ထပ်တူတန်ဖိုးထားသူပင်တည်း။)

——————————————————————-

“ဗိုလ်ချုပ်တို့ ငါတို့ အပါအဝင် လူကြီးပိုင်းတွေက နိုင်ငံရေး ပရိယာယ် ကျွမ်းကျင်လိမ္မာစွာနဲ့ နည်းစနစ် မှန်မှန်ကန်ကန်နဲ့ မြန်မာပြည်လွတ်လပ်ရေးရရှိဖို့အတွက် ကြိုးပမ်းနေကြပြီ၊ တစ်ယူသန် အကြမ်းဖက်နည်းတွေနဲ့ တော်လှန်ဖို့အထိ ဆန္ဒမစောသင့်ဘူးကွယ့်”

(အင်္ဂလိပ်လူမျိုးမြင်လျင် ခဲနှင့်ထုသည်အထိ မျိုးချစ်စိတ် ပြင်းပြလွန်းလသည့် ကိုထွေးကဲ့သို့သော ကျောင်းသားလူငယ်များအား သွန်သင်သည့်စကား။ အင်္ဂလိပ်အား မိမိအတွက် နောက်ကြောင်းအန္တရာယ်လုံလုံ၊ သိက္ခာရှိရှိဖြင့် ပြဿနာ တစ်စုံတစ်ရာမရှိစေဘဲ လူရှေ့သူရှေ့တွင် အလဲထိုးနိုင်စေခဲ့သည့် Boxing လက်ဝှေ့ အားကစားဖြင့် မျိုးချစ် လူငယ်များအတွက်  အသေးစားတော်လှန်ရေးအခွင့်အလမ်းတစ်ရပ် ဖန်တီးပေးခဲ့သည်။)

——————————————————————-

“တိုင်းပြည်မှာ လူတိုင်းလိုလို စာတတ်ရမယ်။ အင်္ဂလိပ်စာကို ပိုပြီးမှ ကျွမ်းကျွမ်းကျင်ကျင်တတ်ရမယ်။ ငါးကြင်းဆီနဲ့ ငါးကြင်းပြန်ကြော် ရမယ်။ အင်္ဂလိပ်ကို ပြန်တော်လှန်မယ်ဆိုရင် သူတို့ဆီက ပညာရပ်တွေကို သူ့ဘာသာနဲ့သင်ယူပြီးမှ သူ့ကို ပြန်တော်လှန်ရမယ်”

——————————————————————-

“လွတ်လပ်ရေးရပြီးလို့ အားလုံးအထိုင်ကျသွားပြီးလျင် ငါ ကျောင်းဆရာပဲ ပြန်လုပ်မှာကွ။”

(ပညာရေးနှင့် အမျိုးသားစီမံကိန်းဝန်ကြီး ဆရာကြီး ဦးရာဇတ်က မိမိ တပည့်များအား တွေ့ဆုံခိုက် ပြောကြားသည့်စကား)

——————————————————————-

“ကျွန်တော်က အရေးမကြီးပါ။ ဗိုလ်ချုပ်နှင့် သခင်မြတို့က ပိုဆိုးပုံရတယ်။ သူတို့ကိုသာ ဂရုစိုက်ကြပါ။”

(သေနတ်ဒဏ်ရာများဖြင့် ဝေဒနာခံစားနေရစဉ်တွင်ပင် ကိုယ်ကျိုးမငဲ့သည့် စံပြ အာဇာနည် ဆရာကြီး၏ နောက်ဆုံးစကား။)

ကိုကျော်မိုးအောင် FB 

RangonNewsDaily
kolatt (Pabedan): 18.7.2013