ပဲခူးတိုင်းဒေသကြီး တောင်ငူမြို့နယ်တွင် တပ်မတော်သားသုံးဦး စကားများရာက တစ်ဦးသေဆုံး

တောင်ငူ၊ ဇွန် ၁၂

ပဲခူးတိုင်းဒေသကြီး တောင်ငူမြို့နယ် ကေတုမတီမြို့သစ် တပင်ရွှေထီးရပ်ကွက်တွင် ဇွန်လ ၁၀ ရက်နေ့ ည ၁၀နာရီ မိနစ်၃၀က အရက်ဆိုင်မှ ပြန်လာသည့် တပ်မတော်သား သုံးဦး စကားများ ရန်ဖြစ်ရာမှ တပ်သားတစ်ဦး သေဆုံးခဲ့ကြောင်း ကေတုမတီမြို့သစ် ရဲစခန်းထံမှ စုံစမ်းသိရှိရသည်။ အဆိုပါ တပ်သားများမှာ အမှတ် (၁၀) တိုက်ပွဲဝင် စည်းရုံးရေးသင်တန်းကျောင်း တွင် တက်ရောက်နေသူများ ဖြစ်ကြောင်း၊ ၄င်းတို့သုံးဦး အရက်ဆိုင်တွင် စားသောက်ပြီး အပြန်၌ အမှတ် (၁၃) ဆက်သွယ်ရေး တပ်ရင်း ကေတုမတီမြို့သစ် တောင်ပိုင်းတိုင်း စစ်ဌာနချုပ်မှ တပ်ကြပ်သန်းထွန်းကို ငွေကြေးနှင့် လူမှုရေးပြဿနာများနှင့် ပတ်သက်ပြီး အချင်းများရာမှ ကျန်တပ်သား နှစ်ဦးက ထိုးကြိတ်ပြီး အနီးရှိခြံစည်းရိုးမှ တုတ်ချောင်းကို ဖြုတ်ကာ ရိုက်နှက်ခဲ့ကြောင်း ရဲစခန်းထံ ထွက်ဆိုခဲ့သည့် ထွက်ဆိုချက် များအရ သိရှိရသည်။

ပြစ်မှုကျုးလွန်သူ တပ်သားကောင်းထက် သည် ကရင်ပြည်နယ် သံတောင်ကြီး မြို့နယ်ရှိ အမှတ် (၃) အရာခံ အကြပ်ကြီး သင်တန်းကျောင်းမှ ဖြစ်ပြီး တပ်သားရဲလင်းနိုင်မှာ သံတောင်ကြီးမြို့နယ်ရှိ အမှတ် (၃၄၈) အမြောက်တပ်ရင်းမှ ဖြစ်ကြောင်း အဆိုပါ ရဲစခန်းထံမှ သိရှိရသည်။

"သေတဲ့သူကို တွေ့တဲ့အချိန်မှာ အနံ့တောင်နံနေပြီ။ ဒဏ်ရာလည်း အများကြီးမရှိဘူး" ဟု မျက်မြင်တွေ့ရှိသူ ကေတုမတီမြို့သစ် တပင်ရွှေထီးရပ်ကွက် တွင် နေထိုင်သူတစ်ဦးက ပြောကြားသည်။
လူသတ်မှုကျုးလွန်သူဟု ယူဆရသည့် တပ်သားကောင်းထက်နှင့် ရဲလင်းနိုင် တို့ကို (ပ)-၇၂/၂၀၁၃၊ ပုဒ်မ ၃၀၂ ဖြင့် အမှုဖွင့်ထားကြောင်း ကေတုမတီ ရဲတပ်ဖွဲ့စခန်း ရဲအရာရှိတစ်ဦးက ပြောကြားသည်။

Monywa Times , ရန်ကုန်နယူးဒေးလီးစ်(မီဒီယာ)
ကိုလတ် (ပန်ဘဲတန်:) :၁၃.၆.၂၀၁၃