'၀' ဒေသကို ကိုယ်ပိုင်အုပ်ချုပ်ခွင့်ရ တိုင်းအဆင့်မှ ပြည်နယ်အဆင့်သို့ ခွင့်ပြုပေးရန် တောင်းဆိုမှု ရှုပ်ထွေးမှုများ ဖြစ်လာနိုင်

'၀' ဒေသကို ကိုယ်ပိုင်အုပ်ချုပ်ခွင့်ရ တိုင်းအဆင့်မှ ပြည်နယ်အဆင့်သို့ ခွင့်ပြုပေးရန် တောင်းဆိုမှုသည် ရှုပ်
ထွေးမှုများ ဖြစ်လာနိုင်ကြောင်း နိုင်ငံရေး လေ့လာသူများက ပြောကြားသည်။
မေ ၁၀ ရက်က ရှမ်းပြည်နယ် '၀' အထူးဒေသ (၂) ပန်ဆန်းမြို့တွင် ပြည်ထောင်စု ငြိမ်းချမ်းရေး ဖော်ဆောင်
ရေးလုပ်ငန်း ကော်မတီ ဒုတိယဥက္ကဋ္ဌ ဦးသိန်းဇော် ဦးဆောင်သည့် အဖွဲ့နှင့် '၀' ပြည် သွေးစည်းညီညွတ်ရေး ပါတီတို့ တွေ့ဆုံခဲ့ပြီး ထိုတွေ့ဆုံမှုတွင် '၀' ပြည် သွေးစည်းညီညွတ်ရေးပါတီ ဒုတိယဥက္ကဋ္ဌ ဦးရှောင်းမီလျံက '၀' ဒေသကို ကိုယ်ပိုင်အုပ်ချုပ်ခွင့်ရ ပြည်နယ်အဖြစ် ခွင့်ပြုပေးရန် တောင်းဆိုခဲ့ခြင်း ဖြစ်သည်။

ြ့မန်မာနိုင်ငံအတွင်းရှိ တိုင်းရင်းသား လက်နက်ကိုင် အင်အားစုများအနက် အင်အားအကြီးမားဆုံးဖြစ်သော '၀' ပြည် သွေးစည်းညီညွတ်ရေးပါတီ အနေဖြင့် ကိုယ်ပိုင်အုပ်ချုပ်ခွင့်ရ ပြည်နယ်အဆင့် ခွင့်ပြုပေးရန် ၂၀၁၂ ခုနှစ်အတွင်းမှ စတင်ပြီး တောင်းဆိုမှုများ ပြုလုပ်ခဲ့ကာ ယခုတစ်ကြိမ်တွင် ထပ်မံတောင်းဆိုလိုက်ခြင်း ဖြစ်
သည်။

"ကျွန်တော့်အမြင်ကတော့ ပြည်နယ်မပေးသင့်သေးဘူး။ စောလွန်းသေးတယ်လို့ မြင်တယ်။ နောက်ပြီး ဒီကိစ္စ
ဟာ လွှတ်တော်ထဲမှာ ပထမဆုံးအကြိမ် တံခါးပိတ် ဆွေးနွေးရမယ့်ကိစ္စ ဖြစ်လာပြီ။ '၀' ဒေသမှာ ရှိနေတဲ့ လူ
တွေက '၀' တိုင်းရင်းသား အစစ်တွေလား။ ဒါမှမဟုတ် '၀' တိုင်းရင်းသားတွေကို ဆိတ်ကလေးလို သဘော
ထားပြီး နောက်ကနေ အရိပ်ခိုဖို့ ၀င်နေတဲ့လူတွေလားဆိုတာ ပြန်ပြီး ဆန်းစစ်ဖို့ လိုတယ်။ ဒါတွေကို မဆန်း
စစ်ဘဲခွင့်ပြုမယ်ဆိုရငအရှုပ်အထွေး ဖြစ်လာတော့မှာပဲ"ဟု ပြည်သူ့လွှတ်တော် ကိုယ်စားလှယ် ဦးကြည်မြင့်
က ဆိုသည်။

အုပ်ချုပ်ရေးအဖွဲ့၏ ရုံးသုံးစာကို တရုတ်စာအဖြစ် ပြဋ္ဌာန်းထားပြီး ဒေသအတွင်း နေထိုင်သူ အားလုံး၏ ၃၀ ရာခိုင်နှုန်းခန့်သာ ဗမာစကားနှင့် တိုင်းရင်းသား ဘာသာစကား သုံးစွဲသော '၀' ကိုယ်ပိုင်အုပ်ချုပ်ခွင့်ရတိုင်းကို ပြည်နယ်အဆင့် တိုးမြှင့်ပေးလိုက်သည်နှင့် မြန်မာနိုင်ငံ၏ ပြည်ထောင်စုပုံစံအသွင် ပြောင်းသွားနိုင်
ကြောင်း စိုးရိမ်မှုများလည်း ရှိနေသည်။

"သူ့အနေနဲ့ တောင်းဆိုပိုင်ခွင့် ရှိပေမယ့်လည်း မဖြစ်သင့်သေးတဲ့ ကိစ္စလို့ ကျွန်တော်မြင်ပါတယ်။ တိုင်းပြည်
မှာ လူမျိုးစုပေါင်းစုံ ရှိနေတယ်။ ရှမ်းပြည်နယ်မှာလည်း လူမျိုးစုပေါင်းစုံ ရှိနေတယ်။ ဒီအချိန်မှာ '၀' ကို ပြည်
နယ်ပေးလိုက်မယ်ဆိုရင် ပြည်ထောင်စုလမ်းကြောင်းဟာ မခိုင်မာတဲ့သဘော ဖြစ်လာလိမ့်မယ်" ဟု ရှမ်းမျိုး
ဆက်အင်အားစု အဖွဲ့ဝင် စိုင်းအောင်မြင်က ပြောကြားခဲ့ပါသည်။

အုပ်ချုပ်ရေးပိုင်းတွင် တရုတ်လူမျိုးများ ၀င်ရောက်နေရာယူထားကာ ဒေသတွင်း လူနေမှု စရိုက်များတွင် တ
ရုတ်သြဇာ လွှမ်းမိုးမှု ရှိသည်ဆိုသော သတင်းများ ထွက်ပေါ်ခဲ့သော '၀' သွေးစည်းညီညွတ်ရေး ပါတီ၏ ပြည်
နယ်ခွင့်ပြုရန် တောင်းဆိုချက်ကို သဘောထားမှတ်ချက် မပေးလိုသော်လည်း အခြေအနေ ရှုပ်ထွေးမှုများကို ရင်ဆိုင်နေရပြီဟု ရှမ်းတိုင်းရင်းသား ဒီမိုကရေစီအဖွဲ့ချုပ် ဥက္ကဋ္ဌ ဦးခွန်ထွန်းဦးက ပြောပါသည်။

"အခြေအနေတွေက အရူးရင့်သလို ဖြစ်နေပြီ။ အင်မတန် ထိလွယ်ရှလွယ် ဖြစ်နေတဲ့ကိစ္စမှာ ကျွန်တော်ဝင်
ပြောလို့ မကောင်းတော့ဘူး။ အကောင်းဆုံးကတော့ လူထုသဘောထားကိုသာ မေးကြည့်ပါ။ ပြည်သူဆီ ပြန်
သွားပါ။ ကိုယ်ပိုင်အုပ်ချုပ်ခွင့်ရ ကိစ္စတုန်းကလည်း ပြည်သူတွေဆီ ပြန်သွားပါလို့ ကျွန်တော်ပြောခဲ့တယ်။ ပြန်
မသွားခဲ့ဘူး။ အခုကိစ္စက ပြည်သူဆီ ပြန်မသွားခြင်းရဲ့ ဘေးထွက်ဆိုးကျိုးလို့ပဲ မြင်တယ်" ဟု ဦးခွန်ထွန်းဦးက ဆိုသည်။

လက်နက်ကိုင်အင်အား ၃၀၀၀၀ ကျော်ခန့်နှင့် အရံပြည်သူ့ စစ်အင်အား ၁၀၀၀၀ ကျော်ခန့် ရှိနေသော '၀'
သွေးစည်းညီညွတ်ရေး တပ်မတော် (UWSA) သည် '၀' ပြည် သွေးစည်းညီညွတ်ရေး ပါတီ၏ လက်အောက်
တွင် ရှိနေပြီး ပန်ဆိုင်း၊ မိုင်းမော၊ ပန်ဝိုင်၊နားဖန်း၊မိုင်းပေါက်၊မိုင်းယန်းနှင့်ဟိုပန်ဒေသများတွင်အဓိက လှုပ်ရှား
လျက် ရှိပါသည်။မကြာသေးမီအချိန်က UWSA သို့ တရုတ်နိုင်ငံမှ စစ်လက်နက်ပစ္စည်းများ ထောက်ပံ့သည်
ဆိုသော သတင်းများ ဆက်တိုက်ထွက်ပေါ်ခဲ့သည်။

ဧပြီ ၂၉ ရက်ကလည်း UWSA သို့ တရုတ်မှ စစ်ရဟတ်ယာဉ်များ ထောက်ပံ့သည်ဆိုသော သတင်းတစ်ရပ်
ကို Janes Intelligence ၀က်ဘ်ဆိုက်တွင် ဖော်ပြခဲ့ပြီး ထိုသတင်း မမှန်ကန်ဟု နှစ်ဖက်စလုံးမှ ငြင်းဆိုခဲ့ပါသည်။

UWSA သို့ တရုတ်မှ စစ်ရဟတ်ယာဉ်များ ထောက်ပံ့သည်ဆိုသော သတင်းကို ပြင်းပြင်းထန်ထန် ကန့်ကွက်
ကြောင်း တရုတ်ပြည်သူ့ သမ္မတနိုင်ငံ သံရုံးက မေ ၇ ရက်တွင် ကြေညာချက် ထုတ်ပြန်ခဲ့ပြီး '၀' သွေးစည်းညီ
ညွတ်ရေး ပါတီကလည်း မေ ၁၀ ရက်ကဦးသိန်းဇော်တို့နှင့် တွေ့ဆုံစဉ် ရှင်းလင်းခဲ့ပါသည်။ အဆိုပါ ရှင်းလင်း
ချက် အားလုံးမှာ သတင်းထွက်ပေါ်အပြီး အချိန်များစွာ နောက်ကျပြီးမှ ရှင်းလင်းခဲ့ခြင်း ဖြစ်ပါသည်။

တရုတ်ဘက်မှ ရှင်းလင်းချက်မှာ Janes Intelligence ၏ ဖော်ပြချက် မမှန်ကန်ကြောင်း ပြောဆိုခဲ့ပြီး '၀' ဘက်မှ ရှင်းလင်းချက်မှာ ရဟတ်ယာဉ်တစ်စင်း၊ ဖော်ကာလေယာဉ်တစ်စင်းနှင့် သဘောင်္တစ်စင်းတို့ကို ထိုင်းနိုင်ငံမှ ၀ယ်ယူခဲ့ကြောင်း၊ သို့သော် အင်ဂျင်များ မပါဝင်ကြောင်း၊ ၀ယ်ယူခဲ့သည်များကို ဒေသတွင်း သဘာဝဥယျာဉ် တည်ဆောက်ရာ၌ ထည့်သွင်းအသုံးပြုမည် ဖြစ်ကြောင်း ပြောကြားခဲ့သည်။

ထိုကဲ့သို့ ရှင်းလင်းမှုများရှိနေသော်လည်းတရုတ်နိုင်ငံနှင့်'၀' ပြည် သွေးစည်းညီညွတ်ရေးပါတီ၏ ဆက်နွှယ်
မှုအပေါ် မေးခွန်းထုတ်မှုများ ရှိနေဆဲဖြစ်သည်။ ထို့အတူ မြန်မာနိုင်ငံဆိုင်ရာ တရုတ်ပြည်သူ့ သမ္မတနိုင်ငံ သံ
ရုံး၏ မေ ၇ ရက်သတင်းထုတ်ပြန်ချက်တွင်တရုတ်-မြန်မာနယ်စပ်ဒေသတည်ငြိမ်ရေးနှင့် အေးချမ်းရေး ထိန်း
သိမ်းရန် အစောဆုံးအကောင်အထည်ဖော်နိုင်ကြောင်းအမြဲရပ်တည်တိုက်တွန်းသည်ဟု ပြောဆိုထားသော်
လည်း '၀' ၏ကိုယ်ပိုင်အုပ်ချုပ်ခွင့်ရ ပြည်နယ်တောင်းဆိုမှုသည်တရုတ်ပြည်သူ့သမ္မတနိုင်ငံသံရုံးမှထုတ်ပြန်
ထားသော အချက်နှင့် ဆန့်ကျင်လျက် ရှိနေကြောင်း သိရသည်။

"တရုတ်ဗဟို အစိုးရက UWSA နဲ့ တိုက်ရိုက်ထိတွေ့တဲ့ပုံစံ မရှိပေမဲ့ ဗဟိုအစိုးရလက်အောက်မှာ ရှိနေတဲ့
 ပြည်နယ်အစိုးရကတော့ UWSA နဲ့ အနည်းနဲ့အများ ပူးပေါင်းလုပ်ဆောင်မှုတွေ ရှိနေတယ်လို့တော့ ကျွန်
တော်မြင်တယ်။ ဒီအချိန်မှာ တရုတ်ပြည်နယ် အစိုးရတွေနဲ့ UWSA ကြားက ပူးပေါင်းဆောင်ရွက်မှုတွေဟာ ပွင့်လင်းမြင်သာမှု ရှိရမယ်။ပွင့်လင်းမြင်သာမှု ရှိမှလည်းတရုတ်-မြန်မာ ဆက်ဆံရေးက သံသယတွေ လျော့
ပါးနိုင်မှာ ဖြစ်တယ်" ဟု နိုင်ငံရေး လေ့လာသူ ဒေါက်တာရန်မျိုးသိမ်းက ပြောကြားပါသည်။

အခြားတစ်ဖက်တွင်လည်း UWSA သည် တရုတ် Intelligent Agencies များနှင့် ဆက်နွယ်မှု ရှိနေသည်ဟု သ
တင်းများ ထွက်ပေါ်နေပြီးတရုတ်စစ်တပ်မှအရာရှိများကUWSAကို စစ်ပညာများ သင်ကြားပေးနေကြောင်း
၊ တနည်းအားဖြင့် UWSA သည် မြန်မာနိုင်ငံအတွင်း၌ တရုတ်က ချဲ့ထွင်ထားသော စစ်တပ်ကဲ့သို့ ဖြစ်နေ
ကြောင်း '၀' သွေးစည်းညီညွတ်ရေး ပါတီအကြောင်းကို အတွင်းကျကျ သိရှိထားသူ ဆွီဒင်သတင်းစာဆရာ ဘာတေးလစ်တနာက ၂၀၁၂ ခုနှစ် အောက်တိုဘာလအတွင်း Eleven Media Group နှင့် တွေ့ဆုံစဉ် ပြော
ကြားခဲ့ပါသည်။

"ပြည်နယ်အဆင့်ဆိုတဲ့ ကိစ္စကို မသွားခင် အခုလက်ရှိ ပေးထားတဲ့ ကိုယ်ပိုင်အုပ်ချုပ်ခွင့်ရ တိုင်းဆိုတဲ့ အဆင့်
အတန်းကို လွှတ်တော်က သေချာပြန်ပြီး သတ်မှတ်သင့်တယ်လို့ မြင်တယ်။ ပြည်နယ်တွေနဲ့ တိုင်းဒေသကြီး
တွေ အစိုးရအဖွဲ့တွေကို ပေးထားတဲ့ လုပ်ပိုင်ခွင့်တွေနဲ့ ကိုယ်ပိုင်အုပ်ချုပ်ခွင့်ရ တိုင်းဒေတွေမှာ ဦးစီးအဖွဲ့ေ
တွေကို ပေးထားတဲ့ အဆင့်အတန်းတွေကို ပြန်ဆန်းစစ်ဖို့ လိုတယ်" ဟု ဒေါက်တာရန်မျိုးသိမ်းက ဆိုသည်။

လက်ရှိအချိန်တွင် သန်းခေါင်စာရင်း ကောက်ယူမှုကို လုပ်ဆောင်နိုင်ခြင်း မရှိသေးသော '၀' ဒေသတွင် လူ
ဦးရေ ခြောက်သိန်းနီးပါး နေထိုင်လျက်ရှိပြီး ၁၇၀၀၀ စတုရန်း ကီလိုမီတာ ကျယ်ဝန်းကာ '၀' ဒေသ မြောက်
ပိုင်းနှင့် '၀' ဒေသ တောင်ပိုင်းဟု နှစ်ပိုင်းခွဲခြားထားသည်။ နေထိုင်သူ လူဦးရေ၏ ၇၀ ရာခိုင်နှုန်းမှာ တရုတ်
ဘာသာ စကားကို ပြောဆိုကြပြီး ငွေကြေးသုံးစွဲမှုတွင်လည်း တရုတ်ယွမ်ငွေကိုသာ အသုံးပြုကာ တရုတ်ဘာ
သာဖြင့် ထုတ်လွှင့်သော ရုပ်သံလိုင်းလည်း ရှိကြောင်း သိရသည်။

'၀' အဖွဲ့သည် စီးပွားရေး လုပ်ငန်းများ အနေဖြင့် ကျောက်မျက်၊ သတ္တု၊ လောင်စာဆီ၊ လျှပ်စစ်ပစ္စည်းများ ထုတ်လုပ်ခြင်း၊ ဆက်သွယ်ရေးလုပ်ငန်း၊ ရေသန့်စက်နှင့် ကုန်တိုက်များ လုပ်ကိုင်ဆောင်ရွက်လျက်ရှိကာ ဟုမ်ပန်းကုမ္ပဏီသည် '၀' အဖွဲ့၏ ထင်ရှားသော လုပ်ငန်းတစ်ခု ဖြစ်သည်။

ဗမာပြည် ကွန်မြူနစ်ပါတီ လက်အောက်မှ ဒုတိယခွဲထွက်လာသော အဖွဲ့ဖြစ်သည် '၀' ပြည် သွေးစည်းညီ
ညွတ်ရေး ပါတီသည် ၁၉၈၉ ခုနှစ် ဧပြီ ၁၇ ရက်တွင် ဗမာပြည်ကွန်မြူနစ် ပါတီ၏ ဌာနချုပ်အဖြစ် တည်ရှိနေ
သော '၀' နယ်မြေအတွင်းမှ ပန်ဆန်းဌာနချုပ်ကို သိမ်းယူခဲ့ပြီး '၀' အဖွဲ့ကို ဖွဲ့စည်းလိုက်ခြင်း ဖြစ်သည်။

စတင်ဖွဲ့စည်းစဉ် ကတည်းက တပ်မတော်နှင့် သင့်မြတ်စွာ နေထိုင်သွားမည်ဖြစ်ကြောင်း ထုတ်ပြန်ခဲ့ပြီး အစိုး
ရအဖွဲ့နှင့်လည်း ဆက်သွယ်မှုများ ပြုလုပ်ခဲ့သည်။ ၁၉၉၃ ခုနှစ်တွင် အမျိုးသား ညီလာခံသို့ တက်ရောက်ခဲ့ပြီး အခြားတိုင်းရင်းသား လက်နက်ကိုင် အင်အားစုများနှင့်လည်း ပူးပေါင်းမှုများ ရှိခဲ့ပါသည်။

၂၀၀၅ ခုနှစ်တွင်ဘိန်းစိုက်ပျိုးမှုကိုရပ်ဆိုင်းကြောင်းတရားဝင် ကြေညာခဲ့သော်လည်း '၀' အဖွဲ့ကိုမူးယစ်ဆေး
ဝါးနှင့် ဆက်စပ်မှုရှိသော အဖွဲ့အဖြစ် နိုင်ငံတကာ အသိုင်းအ၀ိုင်း ဆက်လက်ရှုမြင်ခဲ့ကြသည်။

၂၀၀၉ ခုနှစ်တွင် နယ်ခြားစောင့်တပ် ဖွဲ့စည်းရေးနှင့် ပတ်သက်ပြီး အစိုးရနှင့် မပြေလည်မှုများ ဖြစ်ပေါ်ခဲ့ရာမှ တစ်ဆင့် '၀' ၏ စစ်အင်အားမှာလည်း တစ်စထက်တစ်စ အားကောင်းလာခဲ့သည်ဟု နိုင်ငံရေး အကဲခတ်များ
က သုံးသပ်ခဲ့သည်။

(၂၀၁၂ ခုနှစ် ဧပြီလအတွင်းက ပြုလုပ်ခဲ့သော '၀' ဒေသ ငြိမ်းချမ်းရေး တည်ဆောက်မှု ၂၃ နှစ်ပြည့် အခမ်းအ
နားကို တရုတ်ဘာသာစကားပြော ရုပ်သံလိုင်းမှ ထုတ်လွှင့်ခဲ့သော ပုံရိပ်များ)


Eleven Media Group , Rangonnewsdaily
RND:  :15.5.2013