RangonNewsDaily:: November . 3 .2014
လက်ထပ်တယ်ဆိုတာ ၁+၁=၂ မဟုတ်ဘူး။ ဝ.၅+ဝ.၅= ၁ ဖြစ်တယ်။ကိုယ်စီမှာရှိတဲ့ အကျင့်စရိုက်ကို ခွာချ၊ အတ္တ
မာနတွေ ခွာချပြီး တစ်ခုတည်းဖြစ်အောင် ပေါင်းစပ်တာဖြစ်တယ်။အပေးအယူညီဖို့၊ လိုက်လျောညီထွေရှိဖို့ စိတ်ထဲမှာ
အသင့်ပြင်ထားရတယ်။ ဒါမှ ပျော်ရွှင်ချမ်းမြေ့ပြီး ပြည့်စုံတဲ့မိသားစုဘဝကို ပိုင်ဆိုင်နိုင်တယ်။
အချစ်ဆိုတာ ချစ်လွန်းလို့ ကြားလေတောင် အဝင်မခံဘူးမဟုတ်ဘူး.. အချစ်မှာ ခွင့်လွှတ်တဲ့"နေရာလပ်"ဆိုတာ ရှိသင့်
တယ်။လက်ထပ်ပြီးတဲ့လူမှာလည်း သူ့အပေါင်းအသင်း၊ သူ့လွတ်လပ်မှုဆိုတာရှိတယ်။ လင်မယားကြားမှာ တစ်ခါတလေ မှုန်ဝါးတာမျိုး၊ သိုသိပ်တာမျိုးတွေကအချင်းချင်းကို ပိုဆွဲဆောင်စေတယ်။ သူ့တစ်ဘက်သားကို နေရာလပ်တစ်ခုပေးတာဟာ ကိုယ့်အတွက် လွတ်လပ်မှုတစ်ခုပေးတာပဲဖြစ်တယ်။
သိထားရမှာက အိမ်ထောင်ဆိုတာ တစ်ဘက်သားရဲ့အရာရာကို သိမ်းပိုက်တာမဟုတ်ဘူး။ အိမ်ထောင်ဆိုတာ အတူတကွ ပူးပေါင်းဆောင်ရွက်တာဖြစ်တယ်။အချင်းချင်း လေးစားတာဖြစ်တယ်။
အိမ်ဆိုတာ အကျိုးအကြောင်းမညီတာတွေကို ငြင်းခုန်ရမယ့်နေရာမဟုတ်ဘူး။ တစ်ယောက်ယောက်ရဲ့ မကျေနပ်ချက်တွေ
ကို စာရင်းရှင်းရမယ့်နေရာမဟုတ်ဘူး။ အိမ်ဆိုတာ မေတ္တာအကြောင်းပြောတဲ့နေရာ၊ နွေးထွေးမှုတွေထားရာနေရာပါ။
အိမ်ထောင်ဆိုတာ လူနှစ်ယောက်ပေါင်းဖက်ပြီး နေ့ရက်တွေကို အတူတကွဖြတ်သန်းတာဖြစ်တယ်။တကယ်လို့
ဘာအကြောင်းလေးပဲဖြစ်ဖြစ် အမှုစစ်သလို လိုက်စစ်နေရင် သိပ်မကြာခင်မှာပဲ နှစ်ဦးနှစ်ဖက်လုံး ပင်ပန်းနွမ်းလျ
ကုန်ကြလိမ့်မယ်။
KOLATT(PBDN)
RangonNewsDaily
0 comments:
Post a Comment