ယူကရိန်း အရှေ့ပိုင်း ဒိုးနက်စ်ခ် လေဆိပ်ကို သိမ်းယူနိုင်ရေးအတွက် စစ်တပ်နှင့် သူပုန်တပ်ဖွဲ့များ တိုက်ပွဲပြင်းထန်နေ

RangonNewsDaily:: October . 5 .2014
ဒိုနတ်မြို့ရှိ လေဆိပ်အနီးတွင် တွေ့ရသော ယူကရိန်းတပ်ဖွဲ့ဝင်များ
ယူကရိန်းနိုင်ငံ အရှေ့ပိုင်းတွင် ဒိုးနက်စ်ခ် နိုင်ငံတကာ လေဆိပ်ကို သိမ်းယူရေး ကြိုးပမ်းနေသည့် သူပုန်တပ်များနှင့် ယူကရိန်း အစိုးရ တပ်ဖွဲ့များကြား တိုက်ပွဲများ အရှိန်မြင့်လာနေကြောင်း သိရသည်။
ရုရှား လိုလားသည့် သူပုန်တပ်ဖွဲ့များက မဟာဗျူဟာအရ အလွန်အချက်အခြာကျသည့် လေဆိပ်ကို သိမ်းပိုက်နိုင်ရန် အားထုတ်လာပြီး စစ်တပ်ကလည်း အပြင်းအထန် တုံ့ပြန်သောကြောင့် လေဆိပ် အနီးတဝိုက်တွင် အမြောက်သံ၊ သေနတ်သံများ ဆူညံနေကြောင်း ဒေသခံများက ပြောကြားခဲ့သည်။ လေဆိပ်၏ အစိတ်အပိုင်း အတော်များများသည်လည်း နှစ်ဖက် တိုက်ခိုက်မှုများကြား ပျက်စီးယိုယွင်းလျက် ရှိသည်။

အစိုးရ ပြောရေးဆိုခွင့်ရ အရာရှိ တစ်ဦးက သူပုန်တပ်ဖွဲ့များသည် လေဆိပ်၏ ဥမင်တစ်ခုထဲထိ ထိုးဖောက် ဝင်ရောက်လာနိုင်သော်လည်း နောက်ပိုင်းတွင် စစ်တပ်က ပြန်လည် တွန်းလှန်နိုင်ခဲ့ကြောင်း ဆိုသည်။ ထိုအချိန်တွင် သူပုန်တပ်များက လေဆိပ်ကို မိမိတို့ စီးနင်း သိမ်းပိုက်ထားကြောင်း ကြေညာလျက် ရှိသည်။

ယူကရိန်း အစိုးရနှင့် သူပုန်တို့ကြား စက်တင်ဘာ (၅)ရက် ချုပ်ဆိုထားသည့် အပစ်အခတ် ရပ်စဲရေး သဘောတူညီမှုသည် ယခုအခါ လုံးဝနီးပါး ပျက်ပြယ်သွားသည့် သဘောလည်း ဖြစ်သည်။ အမေရိကန် နိုင်ငံခြားရေး ဝန်ကြီး ဂျွန်ကယ်ရီသည် ရုရှား နိုင်ငံခြားရေးဝန်ကြီး ဆာဂျီ လက်ဗ်ရော့ဗ်ကို ဖုန်းဖြင့်ဆက်သွယ်ကာ ယူကရိန်း အရှေ့ပိုင်းရှိ ပဋိပက္ခများတွင် ရုရှား၏ ပါဝင်ဆက်နွယ်မှု အခြေအနေအပေါ် စိုးရိမ်ကြောင်း ပြောကြားခဲ့သည်။

“ရုရှားအနေနဲ့ သူပုန်တပ်တွေအပေါ် ဩဇာလွှမ်းမိုးမှုကို အသုံးချပြီး လက်ရှိ တိုက်ခိုက်မှုတွေကို ချက်ချင်း ရပ်တန့်အောင် ဆောင်ရွက်သင့်ပါတယ်”ဟု အမေရိကန် နိုင်ငံခြားရေး ဝန်ကြီးဌာန ပြောရေးဆိုခွင့်ရ အမျိုးသမီး ယန်ဆာကီက ဆိုသည်။ လတ်တလောတွင် ဒိုးနက်စ်ခ် လေဆိပ်၏ အခြေအနေကို အတိအကျ သိရှိရန် ခက်ခဲနေသော်လည်း ဒိုးနက်စ်ခ် ပြည်သူ့ သမ္မတနိုင်ငံ အနေဖြင့် ကြေညာထားသည့် သူပုန်တပ်များက မိမိတို့သည် လေဆိပ် တစ်ခုလုံးကို သိမ်းယူထားပြီဟု ကြေညာထားသည်။

အစောပိုင်းကမူ လေဆိပ်အနီးရှိ မျက်မြင်များ၏ အဆိုကို ကိုးကားပြီး တိုက်ပွဲများ ဖြစ်ပွားရာ၌ သူပုန်တပ်ဖွဲ့ဝင် အများအပြား သေဆုံးနေကြောင်း ဒေသခံ မီဒီယာများက ဖော်ပြခဲ့သည်။ မျက်မြင် တစ်ဦးကမူ လေဆိပ်ဥမင် တစ်ခုသို့ မောင်းနှင်သွားသည့် သူပုန်တင့်ကား (၃)စီးကို တွေ့မြင်ကြောင်းနှင့် စနိုက်ပါ သေနတ်ဖြင့် ပစ်ခတ်သံများကိုလည်း ကြိုကြားကြိုကြား ကြားနေရကြောင်း ပြောကြားခဲ့သည်။

_Ref: BBC, KOLATT(PBDN)
RangonNewsDaily