 |
ကလောမြို့နယ် ရွှေမင်းဖုန်းကျေးရွာအုပ်စု အာရှကမ္ဘာမြေ စက်မှုနှင့်သတ္ထုတူးဖော်ရေး ( Geo Asia ) ကုမ္ပဏီ
ပိုင် ရွှေတော ဒေသတွင် ပြီးခဲ့သည့် မေ၂ ရက်ညတွင် ဖြစ်ပွားခဲ့သော ရေကြီး မြေပြိုရာတွင် သေဆုံး ပျောက်
ဆုံးသူများ စာရင်း အတိ အကျ ရရှိနိုင်ရန် ခက်ခဲနေသေးပြီး တရုတ်နိုင်ငံသားများလည်း ပါဝင်နေကြောင်း စုံ
စမ်းသိရှိရသည်။
ယနေ့အထိ သေဆုံးသူ ၃၆ ဦး၊ ပျောက်ဆုံးသူ ၈ ဦးရှိသည်ဟု ကုမ္ပဏီထံမှ ကန်ထရိုက်ပြန်ယူပြီး ရွှေတူးလုပ်
ငန်း ဆောင်ရွက်နေသူ ဗိုလ်မှူးဇော်ဝင်းက ဧရာဝတီသို့ ပြောသည်။ကုမ္ပဏီမှ ဌားရမ်းထားသည့် တရုတ်နိုင်ငံ
သားတဦး၏ အလောင်းကို ရှာဖွေ တွေ့ပြီး တရုတ်နိုင်ငံသား ၂ ဦး ပျောက်ဆုံးနေသောကြောင့် အပူတပြင်း ရှာဖွေနေကြောင်း ဧရာဝတီ က သိရှိခဲ့သည်။ သေဆုံးသူများထဲ ရွှေတူးဖော်ရေးလုပ်ငန်း တာဝန်ယူနေသော ဗိုလ်မှူးသူရပြုံးချိုလည်း ပါဝင်သည်။ သေဆုံးသူ ၃၆ ဦးတွင် မြေပြိုပြီး မိုင်းတွင်းပိတ်ကာ သေဆုံးသွားသော အလုပ်သမား ၁၆ ဦးမှာ ပြန်လည် တူးဖော်ရန် မလွယ်ကူတော့ကြောင်း သိရသည်။ ပြန်လည်ရှာဖွေတွေ့ရှိ
သော ရုပ်အလောင်းများမှာ ရေစီးဖြင့် မျောပါခဲ့သူများဖြစ်သည်။
မေ၂ ရက် ည ၁၁ နာရီခန့် မိုးသည်းထန်စွာရွာသည့်အချိန်တွင
ချိန် အလုပ်ဆင်းနေသည့် အလုပ်သမား ၁၀၀ နီးပါး ရှိခဲ့ပြီး အခင်းဖြစ်ချိန်တွင် ဂိုးစတားအင်း တစ်ခုတည်းမှ ညအလုပ်ဆင်းသူ၁၆ ဦးလုံး ရွှေတွင်းအတွင်းပိတ်မိပြီး မြုပ်သွားခဲ့ပြီး ရွှေကျင်ရာ မြစ်ကြောင်းတလျှောက် နေ
ထိုင်သူများလည်း ရေစီးနှင့် မျောပါသွားခဲ့သည်။
ယင်း ရွှေလုပ်ကွက်ရှိ အလုပ်သမားအများစုမှာ မြင်းခြံနှင့် သာစည်မြို့နယ်များမှ ဖြစ်ကြောင်း၊ ရာထူးကြီးပိုင်း
နှင့် ကုမ္ပဏီမှ တရားဝင်ခေါ်ယူထားသူများသာ ကိုယ်ရေးရာဇဝင်နှင့် အခြားအချက်အလက်များရှိပြီး မှတ်ပုံ
တင်မရှိဘဲ နားလည်မှုယူကာ ပုဒ်ပြတ်စား သဘောမျိုးဖြင့် လာရောက်လုပ်ကိုင်နေသည့် အလုပ်သမား များ
ပြားကြောင်း၊ အချို့မှာ မိသားစုလိုက် လာရောက်နေထိုင်ကြကြောင်း၊ အာရှကမ္ဘာမြေကုမ္ပဏီက အစိုးရထံမှ ဌားရမ်းလုပ်ကိုင်သည်မှာ ၁ နှစ်ကျော်ခန့်သာ ရှိသေး ကြောင်း ဗိုလ်မှူးဇော်ဝင်းက ရှင်းပြသည်။
“အလုပ်သမားက သောင်းနဲ့ချီရှိတာ၊ အဲဒီကိစ္စပြီးတော့ တဝက်ကျော်လောက်က ပြန်ကုန်တော့ အလုပ်ဆက်
လုပ်ဖို့ ခက် ကုန်တယ်။ သေဆုံးနဲ့ ဒဏ်ရာရသွား တဲ့ အလုပ်သမားတွေကိုတော့ သင့်တော်တဲ့နှုန်းတခုနဲ့
လျော်ကြေးပေးတယ်။ ငွေကြေးအတိအကျတော့ မသိဘူး”ဟုကန်ထရိုက်တာ ဗိုလ်မှူးဇော်ဝင်းက ပြောသည်။ အာရှကမ္ဘာမြေ ကုမ္ပဏီပိုင် ပစ္စည်း တန်ဖိုး ကျပ်သိန်းပေါင်း သောင်းချီ ဆုံးရှုံးခဲ့သည်ဟုလည်း ဆိုသည်။
ဒေသခံများ၏ ပြောဆိုချက်များအရမူ ရွှေတွင်းတွင် ပိတ်မိပြီး မတူးဖော်ရသေးသူ ၁၆ ဦး၊ အလောင်းတွေ့၍ သဂြိုင်္လ်ပြီး၁၀ ဦး၊ အလောင်းတွေ့၍ မိသားစုဝင်များက သာစည်ဘူတာမှ ပြန်သည်သူ ၈ ဦး၊ အလောင်း ထပ်
မံတွေ့ရှိ၎ ဦးဖြစ်သော ကြောင့် သေဆုံးသူစုစုပေါင်း၃၈ ဦး ဖြစ်နေသည်။ ရွှေတွင်းအတွင်း ပိတ်မိသွားသော
၁၆ ဦးမှအပ ကျန်သေဆုံးသူများမှာ ဗိုလ်မှူးဇော်ဝင်း ပြောဆိုအတည်ပြုသူများ တူညီခြင်း ရှိ မရှိ ဧရာဝတီမှ အတည်မပြုနိုင်ခဲ့ပါ။
“ကုမ္ပဏီက မြေအောက်မြုပ်သွားတဲ့သူတွေကို မြေတူးစက်ကြီးတွေနဲ့ ရှာနေကြတယ်။ ကြေညာတာကတော့ အပေါ်ယံ ရှာတွေ့ တဲ့သူတွေ စာရင်းပဲ”ဟု ဒေသခံတဦးဖြစ်သူ ကိုမောင်ထ်ိန်က ဧရာဝတီသို့ ပြောသည်။ အ
ဆိုပါ ရွှေတောဒေသ သည် ကလောမြို့မှ ၁၅ မိုင်ခန့်အကွာ ရွှေမင်းဖုန်းကျေးရွာအုပ်စုတွင် တည်ရှိပြီး ဧက ၆၀၀၀ ကျော် ကျယ်ဝန်းပြီး ၁၉၉၄ ခုနှစ်မှ စတင် ရွှေတူးခဲ့ကြသည်ဟု သိရသည်။
ဧရာဝတီ , Rangonnewsdaily
RND: :12.5.2013
0 comments:
Post a Comment