ခရီးသည် ၁၂ သန်း တစ်ပြိုင်နက် အသုံးပြုနိုင်မည့် ဟံသာဝတီလေဆိပ်ကို ၂၀၁၃ ဇူလိုင် ၁ ရက်မှ သုံးနှစ်ခွဲအတွင်း အပြီးတည်ဆောက်ရမည်

ဟံသာဝတီလေဆိပ် တည်ဆောက်ရေး ပထမအဆင့် အနေဖြင့် ခရီးသည် ၁၂ သန်း တစ်ပြိုင်နက် ၀င်ထွက်အသုံးပြုနိုင်မည့် ဒီဇိုင်းပုံစံဖြင့် လာမည့် ၂၀၁၃ ခုနှစ်၊ ဇူလိုင် လ ၁ ရက်မှ သုံးနှစ်ခွဲ ကာလအတွင်း အပြီးတည်ဆောက်ရမည် ဖြစ်ကြောင်း လေကြောင်း ပို့ဆောင်ရေး ညွှန်ကြားမှု ဦးစီးဌာနမှ သိရသည်။

“ဟံသာဝတီလေဆိပ် တည်ဆောက်ခွင့်ရတဲ့ ကုမ္ပဏီက ခရီးသည် ၁၂ သန်း အသုံးပြုနိုင်တဲ့ ဒီဇိုင်းပုံစံကို သတ်မှတ်ကာလ သုံးနှစ်ခွဲအတွင်း အပြီးတည်ဆောက်ရမှာ ဖြစ်ပါတယ်။

စတင်တည်ဆောက်တဲ့ ပထမအဆင့်မှာ ခရီးသည် လက်ခံဆောင်ရွက်တဲ့ အဆောက်အုံ အပါအ၀င် အခြားသတ်မှတ်ထားတဲ့ လေဆိပ် Facilities တွေပါ ထည့်သွင်းတည်ဆောက် ရမှာပါ” ဟု လေကြောင်းပို့ဆောင်ရေး ညွှန်ကြားမှု ဦးစီးဌာန ညွှန်ကြားရေးမှူးချုပ် ဦးတင်နိုင်ထွန်းက ပြောသည်။

ဟံသာဝတီ အပြည်ပြည်ဆိုင်ရာ လေဆိပ်စီမံကိန်း တည်ဆောက်ရန်အတွက် ပြည်တွင်း၊ ပြည်ပ ကုမ္ပဏီများကို တင်ဒါခေါ်ယူနိုင်ရန် အကြိုအရည်အချင်း စစ်ဆေးမှု ပြုလုပ်ခဲ့ပြီး အဆိုပါ စစ်ဆေးမှု အောင်မြင်သည့် ကုမ္ပဏီ ခုနစ်ခုအား လေဆိပ်တည်ဆောက်ရန် တင်ဒါခေါ်ယူခဲ့ပြီး ဖြစ်သည်။

အဆိုပါ ကုမ္ပဏီ ခုနစ်ခုမှာ နိုင်ငံအသီးသီးမှ ကုမ္ပဏီများ ပူးပေါင်းဖွဲ့စည်းထားသော Consortium အဖွဲ့အစည်း ခုနစ်ခု ဖြစ်ကြောင်း သိရသည်။

ညွှန်ကြားရေးမှူးချုပ် ဦးတင်နိုင်ထွန်းကပင် “အကြိုအရည်အချင်း စစ်ဆေးမှု အောင်မြင်ထားတဲ့ ကုမ္ပဏီ ခုနစ်ခုစလုံးက သတ်မှတ် လိုအပ်ချက်တွေနဲ့ ပြည့်စုံပြီးသား ဖြစ်ပါတယ်။ နောက်ဆုံးအဆင့် တင်ဒါတင်ပြတဲ့ ဒီဇိုင်းပုံစံနဲ့ ကုန်ကျစရိတ် တွက်ချက်တင်ပြမှုတွေကို အခြေခံပြီး စိစစ်ရွေးချယ်သွားမှာပါ” ဟု ပြောသည်။

အဆိုပါ ကုမ္ပဏီ ခုနစ်ခုအနက် နောက်ဆုံးအဆင့် တင်ဒါအောင်မြင်သည့် ကုမ္ပဏီတစ်ခုကို ရွေးချယ်၍ လေဆိပ်တည်ဆောက်ရေး လုပ်ငန်းများ လုပ်ကိုင်ခွင့်ပြုမည် ဖြစ်သည်။

ယင်းသို့ တည်ဆောက်ခွင့် ပြုရာတွင် လေဆိပ်တည်ဆောက်ခွင့် ရရှိသည့် ကုမ္ပဏီနှင့် လေကြောင်း ပို့ဆောင်ရေး ညွှန်ကြားမှု ဦးစီးဌာနတို့ အကြား BOT စနစ်၊ Joint Venture စနစ်များဖြင့် စာချုပ်ချုပ်ဆို လုပ်ကိုင်သွားမည် မဟုတ်ဘဲ PPP (Public, Privite, Partnership) စနစ်ဖြင့် လုပ်ကိုင်သွားမည်ဟု သိရသည်။

ယခု ဟံသာဝတီလေဆိပ်သစ် တည်ဆောက်ရေး လုပ်ငန်းကို ၂၀၁၃ ခုနှစ်၊ ဇူလိုင် ၁ ရက် စတင် ရမည်ဖြစ်ပြီး ၂၀၁၇ ဒီဇင်ဘာ ၃၁ ရက်တွင် အပြီးသတ် တည်ဆောက်ကာ ၂၀၁၈ ခုနှစ် ဇန်န၀ါရီတွင် စတင်အသုံးပြုမည် ဖြစ်သည်။

လက်ရှိ အသုံးပြုနေသော ရန်ကုန်အပြည်ပြည်ဆိုင်ရာ လေဆိပ်သည် လာမည့် သုံးနှစ်အကြာတွင် ခရီးသည် ၀င်ထွက်မှု ရှစ်သန်းအထိ တိုးတက်လာချိန်တွင် ယခု ဟံသာဝတီ လေဆိပ်ကို စတင် အသုံးပြုနိုင်ရန် တည်ဆောက်ခြင်းလည်း ဖြစ်သည်။

အဆိုပါ ဟံသာဝတီလေဆိပ်သစ် တည်ဆောက်ရာတွင် အဆင့် ၃ ဆင့် ခွဲခြားသတ်မှတ်ထားပြီး ပထမ အဆင့်တွင် ပေ ၁၂၀၀၀ ရှိပြေးလမ်း တစ်ခုနှင့် ခရီးသည် ၁၂ သန်း အသုံးပြုနိုင်မည့် လေဆိပ် အဆောက်အအုံနှင့် လေဆိပ် Facilities များ၊ ဒုတိယ အဆင့်တွင် ခရီးသည် ၁၅ သန်း အသုံးပြုနိုင်မည့် လေဆိပ်အဆောက် အအုံနှင့် လေဆိပ် Facilities များ၊ တတိယအဆင့် နောက်ထပ် ၁၀ နှစ်ကြာမြင့်ချိန်တွင် ခရီးသည် ၀င်ထွက်မှု ၂၅ သန်း အထိ တိုးတက်လာခဲ့ပါက ပြေးလမ်းနှင့် လေဆိပ် အဆောက်အအုံများ ထပ်မံတိုးချဲ့ ဆောက်လုပ်သွားရန် စီစဉ်ထားကြောင်း သိရသည်။

ယခု ဟံသာဝတီလေဆိပ်သစ် တည်ဆောက်မည့် မြေနေရာသည် ရန်ကုန်မြို့မှ မိုင် ၅၀ ခန့်ကွာဝေးပြီး ပဲခူးမြို့၏ အနောက်ဘက် ၂ မိုင် အကွာတွင် တည်ရှိသည်။

ယင်းမြေနေရာသည် ဒုတိယ ကမ္ဘာစစ်အတွင်းက ဂျပန်စစ်လေယာဉ်များ ပျံသန်းဆင်းသက် အသုံးပြုရန် တည်ဆောက်ခဲ့သည့် လေယာဉ်ကွင်းဟောင်း နေရာတစ်ခု ဖြစ်ပြီး မလေးရှားနိုင်ငံ အခြေစိုက် ကုမ္ပဏီတစ်ခုမှ လုပ်ငန်း လုပ်ကိုင်နိုင်မှု အခြေအနေရှိ-မရှိ လေ့လာ ဆန်းစစ်ကာ ရွေးချယ်အတည်ပြု ပေးခဲ့သည့်နေရာ တစ်ခုလည်း ဖြစ်သည်။

ယခုနေရာတွင် ကိုရီးယားနိုင်ငံ Archon & Interregional Inv estment Limited မှ အပြည်ပြည်ဆိုင်ရာ လေယာဉ်ကွင်းနှင့် လေဆိပ်တည်ဆောက်ရန် ၁၉၉၄ ခုနှစ် မတ် ၂၁ ရက်နေ့က လုပ်ငန်းများ ဆောင်ရွက်နိုင်ရန် ပန္နက်တင် အခမ်းအနား ပြုလုပ်ခဲ့ပြီး အကြောင်းအမျိုးမျိုးကြောင့် တည်ဆောက်ရေး လုပ်ငန်းများ ရပ်ဆိုင်းသွားခဲ့ရသည်။

RND: 24.2.2013

Eleven Media Group: