RangonNewsDaily:: August . 4 .2015
မကွေးတိုင်း ၊ ချောက်မြို့တွင် ဧရာဝတီမြစ်ရေသည် စိုးရိမ်ရေမှတ်အထက် ကျော်လွန် ရောက်ရှိနိုင်၍ ရေ၀င်ရပ်ကွက်များဖြစ်သည့် အချို့ ရပ်ကွက်များမှ အိမ်ထောင်စုများ ကိုဘေးလွတ်ရာ နေရာများသို့ ပြောင်းရွှေ့မှုများ ပြုလုပ်ကြသည်ဟု သိရသည်။
ရေ၀င် ရပ်ကွက် အချို့သည် သက်ဆိုင်ရာ ဓမ္မာရုံ၊ အလုပ်သမား ရိပ်သာ၊ မြို့နယ်ဘောလုံးကွင်းစသည့် နေရာများသို့ သြဂုတ် ၄ ရက်က ပြောင်းရွှေ့ခြင်းဖြစ်သည်။ ယင်းအပြင် ကျွဲနွားများကို လည်းဘေး လွတ်ရာ နေရာများသို့ ပြောင်းရွှေ့ထားကြောင်း သိရသည်။
မကွေးတိုင်းဒေသကြီး၊ ချောက်မြို့ အတွင်း ဧရာဝတီမြစ်ရေသည် သြဂုတ် ၄ ရက် နေ့လည် (၁၂:ဝဝ) နာရီ တိုင်းထွာချက်အရ (၁၄၄၂)စင်တီမီတာ (၄၇.၂၇ )ပေ ရောက်ရှိနေပြီး အဆိုပါမြစ်ရေသည် (၂၄ )နာရီအတွင်း ချောက်မြို့နယ်၏ စိုးရိမ်ရေအမှတ်သို့ကျော်လွန်ရောက် နိုင်ပါသဖြင့် မြစ်ကမ်းအနီးနှင့် မြေနှိမ့်ပိုင်း နေထိုင်သူများ အနေဖြင့် အထူးသတိပြုနေထိုင်ကြရန် မိုးလေဝသနှင့် ဇလဗေဒညွှန်ကြား မှုဦးစီးဌာနမှ ထုတ်ပြန်ထားသည်။
မြို့နယ်ပြန်/ဆက် (ချောက်)
0 comments:
Post a Comment