အနုပညာရှင်တွေကြား တစ်ဖြည်းဖြည်း ရေပန်းစားလာတဲ့ ဒီဇိုင်နာ မကြီးမလေး (kool Fashion) နဲ့တွေ့ဆုံခြင်း

RangonNewsDaily:: May . 25 .2015

ဒီဇိုင်နာအလုပ်ကို ငယ်ငယ်ကတည်းက ၀ါသနာကြီးလွန်းလို့ ကျောင်းပြီးသွားတဲ့အချိန်မှာ အ်ိမ်နဲ့ခွဲထွက်ပြီး ကိုယ်ဝါသနာပါတဲ့ ဒီဇိုင်းအလုပ်ကို ၂၀၁၀ ခုနှစ်မှာ စတင်ဖန်တီးကြိုးစားရင်း ၂၀၁၅ ခုနှစ်ဆိုတဲ့ အတိုင်းအတာတစ်ခုမှာ လူသိများ တဲ့အနေအထားတစ်ခု ကိုရောက်ရှိလာတဲ့ မကြီးမလေး ( kool Fashion ) နဲ့တွေ့ဆုံမေးမြန်းဖြစ်သမျှက

-ဒီလောကထဲကို စ၀င်ဖြစ်ခဲ့ပုံလေးကို အရင်ပြောပြပေးပါဦး။

ဒီလောကထဲကို စ၀င်ဖြစ်ခဲ့တာက ၂၀၁၀ ၅ လပိုင်းပေါ့။ ၀ါသနာပါတာကတော့ ငယ်ငယ်လေးကတည်းက ၀ါသနာပါကြတာ၊ ဒါပေမဲ့ အခြေခံကောင်းအောင်ဆိုပြီး ၁၀ တန်းပြီးတဲ့အချိန်မှာ အမေတွေဆီ အစ်မတွေဆီမှာသင်တယ်။ ဒါပေမဲ့နောက်ပိုင်းကျတော့ ဂျပန်နည်းပညာနဲ့သင်တယ်။ နောက်ဘန်ကောက်နဲ့ထိုင်းနယ်စပ်မြ၀တီ၊ မဲစောက်တို့ဖက်မှာ ရှိတဲ့ မိတ်ဆွေတွေဆီကနေ သွားလေ့လာတယ်။ အခြေခံ pattern ကတော့ ဂျပန်pattern နဲ့ ဂျပန်လက်မနဲ့ပဲ နှောပြီး အစ်မတို့ အသုံးပြုတယ်။

-အမေတွေ အမတွေဆီက သင်တယ်ဆိုတော့ သူတို့ကဒီဇိုင်နာတွေပဲလား။

မဟုတ်ပါဘူး။ သူတို့က အခြေခံစက်ချုပ်ပညာ သင်ထားတော့ အိမ်မှာပဲ ကိုယ့်အကျီင်္ ကိုယ်ချုပ်ဝတ်ကြတယ်။ လုပ်စားတာ မဟုတ်ဘူး။ ဆိုင်လဲမဖွင့်ဘူး။ အဲ့ဒီမှာ အစ်မတို့ညီအစ်မနှစ်ယောက်ကလဲ ၀ါသနာပါတော့ သင်ထားရင်းနဲ့ကိုယ့်အကျီင်္ ကိုယ်ချုပ်ဝတ်ကြတယ်။ အဲ့ဒီကနေစပြီး သူငယ်ချင်းတွေက ချုပ်ခိုင်းကြတယ်။ တစ်ဆင့်ကတစ်ဆင့် အနုပညာလောကနဲ့ဆက်စပ်သွားတယ်ဆိုတော့ သူတို့ကချုပ်ခိုင်းတာနဲ့ ကိုယ်ကလဲဝါသနာပါတာနဲ့ ဆက်လုပ်ဖြစ်သွားတယ်။ ကျယ်ပြန့်သွားတဲ့သဘောပေါ့။

-အနုပညာလောကနဲ့ကျတော့ ဘယ်လိုကနေဘယ်လိုဆက်စပ်ဖြစ်တာလဲ။

ဒီလောကထဲစ၀င်ဖြစ်တာကတော့ အဆိုတော် မေရွက်ဝါတို့၊ ဆန်းသစ်လတို့၊ အန်တီမိုင်တို့နဲ့ဆက်စပ်ပြီး ရောက်လာခဲ့တယ်။ အန်တီမိုင်တို့နဲ့က အရင်ပေါ့နော်။ အဲ့ဒါပြီးတော့ နေနေတို့၊ ချမ်းချမ်းတို့နဲ့ တစ်ဆင့်တစ်ဆင့် များလာတာပေါ့နော်။ သူတို့တွေကလဲ ကိုယ့်ဝတ်စုံလေးတွေကို သဘောကျတယ်ဆိုတော့ လုပ်ပေးဖြစ်သွားတာလေးတွေပေါ့။

-အပြင်လူတွေရောချုပ်ပေးဖြစ်လား။

အပြင်လူတွေလဲချုပ်တယ်။ အရင်တုန်းကတော့ နည်းနည်းနဲတယ်။ အစ်မတို့က ဆိုင်းဘုတ်တွေ ဘာတွေတင်ပြီး မလုပ်ထားဘူး။ ကိုယ့်ရဲ့မိတ်ဆွေတွေလောက်ပဲ ချုပ်ပေးဖြစ်တာ၊ အဲ့ဒီကနေမှ အနုပညာရှင်တွေနဲ့ဆက်စပ်မိပြီး သူတို့ကိုချုပ်ပေးဖြစ်တယ်။ ဒါပေမဲ့ တခြားဒီဇိုင်နာတွေလို ဆိုင်းဘုတ်နဲ့ ဆိုင်ဖွင့်ထားတာမျိုးမရှိတော့ အပြင်လူတွေက သိပ်တော့မသိကြဘူး။ ဆိုင်ဖွင့်ပြီး လုပ်ဖို့စီစဉ်ထားတာ။ ဒါပေမဲ့ ညီမလေးက နှလုံးသွေးကြောကျဉ်းရောဂါ ဖြစ်သွားတော့ နောက်ဆုတ်လိုက်ရတယ်။

-ပထမဆုံး အစ်မတို့ဝတ်စုံဝတ်ပေးတဲ့ အနုပညာရှင်ကဘယ်သူများလဲ။

ရတနာမိုင်ပေါ့။ ပွဲတက်အတွက်ရယ်၊ ဗီစီဒီရိုက်အတွက်ရယ်လုပ်ပေးရတာပါ။ အဲ့ဒါပြီးတော့ ဒုတိယက ရဲထွဋ်ခေါင်ပေါ့။

-ဆိုင်ကတော့ အတိအကျနာမည်နဲ့ဆိုင်းဘုတ်ထောင်ပြီးမဖွင့်ရသေးဘူးပေါ့။

ဟုတ်တယ်။ ညီမလေးကျန်းမာရေးမကောင်းတော့ ဆိုင်ဖွင့်ဖို့ကို နောက်ဆုတ်ထားရတယ်။ ခုတော့ အိမ်ဆိုင်လေးနဲ့ပဲလုပ်ထားသေးတယ်။ သူငယ်ချင်း ဒီဇိုင်နာတွေကလဲ ရှိုးတွေ ဘာတွေလုပ်ဖို့ခေါ်ပါတယ်။ ဒါပေမဲ့ ကိုယ်က ကျန်းမာရေးကြောင့်ရော၊ အချိန်မပေးနိုင်တာက တစ်ကြောင်းကြောင့် မလုပ်ဖြစ်သေးဘူးပေါ့။ လုပ်ဖို့တော့အစီအစဉ်ရှိပါတယ်။

-ဒီဇိုင်းပညာနဲ့ပတ်သက်ပြီးဘယ်လိုမျိုးရောလေ့လာဖြစ်လဲ။

အစ်မတို့ကအနောက်တိုင်းကိုလေ့လာတာများတယ်။ ဟိုးအရင်တုန်းကတည်းက အနောက်တိုင်းဆန်ဆန် မှောင်တဲ့ဖက်ကို ပိုသွားတယ်။ ခပ်မိုက်မိုက် ပုံစံဖက်ကိုပိုသွားတယ်။ cute ကကျတော့ အနုပညာရှင်တွေတောင်းဆိုရင် ချုပ်ပေးဖြစ်တယ်။ အစ်မတို့စိတ်ကြိုက်ချုပ်ဆိုရင်တော့ ခပ်မိုက်မိုက်ဖက်ကို ပိုသွားတယ်။ ပက်ထရစ်ရှာတို့ ဆန်းသစ်လတို့ဆို အဲ့ဒီလိုပုံစံလေးတွေနဲ့လိုက်လို့ချုပ်ပေးဖြစ်တယ်။

-လေးစားအားကျတဲ့ ဒီဇိုင်နာတွေရှိရင်လဲပြောပြပေးပါဦး။

အကုန်လုံးကိုလေးစားတယ်။ ခုနာမည်ကြီးနေတဲ့မြန်မာဝတ်စုံ၊ အနောက်တိုင်းဝတ်စုံ၊ ဖန်တီးသူ ကလေးရော၊ လူကြီးရောအကုန်လုံးကိုလေးစားတယ်။ သူတို့ဆီကပြန်ပြီး အစ်မတို့လဲ မှီငြမ်းရင်မှီငြမ်းရတာပဲ။ အစ်မတို့ လုပ်မဲ့ပုံစံလေးတွေနဲ့သူတို့ကိုပြန်ပြီး အတုယူသင့်ရင်လဲအတုယူရတာပဲ၊ ဘယ်သူဆရာရယ်လို့သဘောမထားဘူး။ အစ်မတို့အတွက်အားလုံးမမြင်ဆရာ၊သင်ဆရာ၊ ကြားဆရာတွေကြီးပဲ။ ငယ်ရင်လဲငယ်တဲ့ အလျောက် အစ်မတို့လေးစားပါတယ်။

-အစ်မတို့ကို ဘယ်မှာစပြီးလူတွေသတိထားမိတာလဲ။

Fashion Image မှာစသိတယ်။ အနောက်တန်းဆန်တဲ့ ၀တ်စုံတွေနဲ့ပေါ့။ အစ်မတို့ မိုးဟေကို၊ အေးမြတ်သူ၊ ၀တ်မှုန်ရွှေရည်၊ ဆူဇီ၊ မိစန္ဒီ ၊ ၀ိုင်းစု တို့ကို ချုပ်ပေးဖြစ်တယ်။ လက်ရှိအစ်မတို့က မြန်မာဝတ်စုံထက် Free style လေးတွေ ပိုချုပ်ပေးဖြစ်တယ်။ ဒါပေမဲ့ ရှေ့နှစ်ကစပြီးတော့ မြန်မာဝတ်စုံလေးတွေ၊ မင်္ဂလာဝတ်စုံလေးတွေ လက်ခံဖြစ်တယ်။

-လက်ရှိမှာ current အဖြစ်ဆုံး ဒီဇိုင်းကိုပြောပါဆိုရင် ဘယ်လိုဒီဇိုင်းမျိုးဖြစ်မလဲ။

ခုခေတ်စားနေတာက အစ်မပြောရရင် ရိုးရိုးရှင်းရှင်းလေးနဲ့ အနောက်တိုင်းဆန်ဆန်လေးတွေ ခေတ်စားနေတယ်။ သူက ဘယ်တော့မှရိုးမသွားဘူး။ အမတို့နှစ်ယောက် က အကျီင်္ချုပ်ရင် ရိုးရှင်းတဲ့ ပုံစံပဲ ချုပ်တာများတယ်။ Accessories သိပ်မကြိုက်ဘူး။ အစ်မတို့ဝတ်စုံဝတ်တဲ့မော်ဒယ်လ်တွေနဲ့ကလဲ စိတ်တူတော့ သိပ်ညှိစရာမလိုဘူး။ ကာလာအနေနဲ့ဆိုရင် အစ်မတို့နှစ်ယောက်က အဖြူအမဲ အခြေခံကြိုက်တယ်။ ခေတ်နဲ့ လိုက်ပြီးတော့ လုပ်ပေးဖြစ်တယ်။ ပြီးခဲ့တဲ့နှစ်ကတော့ တော်တော်များများကို ရောင်စုံကာလာကစားဖြစ်တယ်။ အခုအပ်တာများနေတာကတော့ လည်သာသားနဲ့ မှောင်တဲ့ဘက်သွားတဲ့ပုံစံမျိုးပေါ့။ မင်္ဂလာ အရောင်အနေနဲ့ဆိုရင် ရွှေရောင်ကြိုက်တယ်။

-အစ်မတို့နှစ်ယောက်ကဘယ်လိုချုပ်ကြတာလဲ။

အစ်မက ညှပ်ပေးတယ်။ Pattern ချတယ်။ အငယ်မက ဒီဇိုင်းရှာပေးတယ်။ ပြီးတော့မှ နှစ်ယောက်အိုင်ဒီယာနဲ့ ပေါင်းစပ်ပြီး ပြန်လည်ဖန်တီးဖြစ်တယ်။

-အစ်မတို့မိသားစုအကြောင်းလေးကိုလဲသိချင်ပါတယ်။

အစ်မတို့ကရန်ကုန်ဇာတိပဲ။ ဒါပေမဲ့အဖေတို့အမေတို့ကျတော့ လပွတ္တာဇာတိပေါ့။ အဖေအမေတွေရဲ့စီးပွားရေးက ရုပ်ရှင်ရုံပိုင်တာပေါ့။ အမတို့ကတော့ ရန်ကုန်မှာကျောင်းသွား တက်တာပေါ့။ ကျောင်းပိတ်မှနယ်ပြန်တယ်။ အစ်မတို့ကျောင်းပြီးတော့ အိမ်ကလဲ ရုပ်ရှင်လုပ်ငန်းကို မလုပ်တော့ဘူး။ ရန်ကုန်ကို ပြောင်းလာကြတယ်။ ပြီးတော့ တခြားစီးပွားရေးလုပ်ငန်းကို လုပ်ဖြစ်တယ်။ ငယ်ငယ်လေးကတည်းက ရုပ်ရှင်နဲ့တော့မစိမ်းဘူးပေါ့။ ငယ်ငယ်လေးကတည်းက ဒီဇိုင်နာ အလုပ်ကို ၀ါသနာပါတယ်။ ကြီးလာတော့ ဒီဇိုင်နာအလုပ်ကို လုပ်ချင်တယ်။ ဒါပေမဲ့ အိမ်က သဘောမတူဘူး။ ဒါပေမဲ့ ကိုယ်လုပ်နိုင်တဲ့ အချိန်ကျတော့မှ ခွဲထွက်ပြီး လုပ်တာပေါ့။ ဒီအလုပ်ကို တော်တော်များများ လက်ခံလာပြီး လူသိတော့မှ အမေက လက်ခံတာပေါ့။ အစ်မတို့ ကမောင်နှမလေးယောက်၊ အကြီးဆုံးက အစ်မမှုံရွှေရည်၊ အစ်ကိုကစိုးနန္ဒ၊ အစ်မတို့ညီအစ်မနှစ်ယောက်က ရွှေရည်ဝင်းနဲ့ရွှေစင်ဝင်း၊ မကြီးမလေးဆိုတာ အိမ်နာမည်ပေါ့။

-အစ်မတို့ဆီမှာ အမြဲတမ်းယုံကြည်ပြီးချုပ်နေတဲ့ Customer တွေကိုရော ဘယ်လိုမျိုးပြောပြချင်လဲ။

အစ်မတို့ဆီ လာအပ်တဲ့ Customer တွေ စိတ်တိုင်းကျအကောင်းဆုံး ဆောင်ရွက်ပေးပါတယ်။ သူတို့ လိုချင်တဲ့ပုံစံကို ညှိပြီး အကောင်းဆုံးနဲ့ ကိုယ့်အတွေးနဲ့ရောယှက်ပြီး တခါတရံ ဖန်တီးပေးပါတယ်။ အဓိကကတော့ လာအပ်တဲ့ သူတွေ စိတ်တိုင်းကျ ဖန်တီးပေးတာများပါတယ်။

Trend Myanmar, 

KOLATT(PBDN)

RangonNewsDaily