နောက်ကြောင်းပြန်လှည့်မှုတွေ ရှောင်ကျဉ်ဖို့ ကုလ အရာရှိတိုက်တွန်း

RangonNewsDaily:: July . 30 .2014
မြန်မာအစိုးအနေနဲ့ လက်ရှိတိုးတက်ပြောင်းလဲမှုတွေကနေ နောက်ပြန်ဆုတ်တဲ့ လုပ်ဆောင်မှုတွေကို ရှောင်
ကျဉ်ဖို့ ကုလသမဂ္ဂမြန်မာနိုင်ငံဆိုင်ရာ လူ့အခွင့်အရေးအထူးကိုယ်စားလှယ် ယန်ဟီလီက တိုက်တွန်းလိုက်ပါ
တယ်။ မြန်မာနိုင်ငံကို ၁ဝ ရက်ကြာသွားရောက်ခဲ့တဲ့ ခရီးစဉ်နဲ့ပတ်သက်ပြီး ကုလသမဂ္ဂဌာနချုပ်က ဇူလိုင်လ ၂၈ ရက် မနေ့က ကြေညာချက်တစ်စောင်ထုတ်ပြန်ခဲ့ရာမှာ သူမရဲ့ တိုက်တွန်းချက်ကို အခုလို ဖေါ်ပြထား
တာဖြစ်ပါတယ်။
ယန်ဟီလီက မြန်မာနိုင်ငံရဲ့ ပြုပြင်ပြောင်းလဲမှုတွေကို ချီးမွမ်းတဲ့အနေနဲ့-မြန်မာနိုင်ငံအနေနဲ့ လွန်ခဲ့တဲ့ ၃ နှစ်
အတွင်း အစိုးရအဖွဲ့သစ်တစ်ခုကို အခြေချထူထောင်ခဲ့ပြီး ရှည်လျှားတဲ့ ခရီးတစ်ခုကို လျှောက်လှမ်းနိုင်ခဲ့ပြီး
ပါပြီ။ 

အဲဒီကျော်ဖြတ်မှုတွေကို မုချ အသိအမှတ်ပြု၊ သြဘာပေးရမှာ ဖြစ်ပါတယ်လို့ ပြောပါတယ်။ တဆက်တည်း
မှာပဲ အဲဒီ ဒီမိုကရေစီခရီးလမ်းကနေ နောက်ကြောင်းပြန်လှည့် သွားနိုင်တဲ့ လက္ခဏာတွေကို စိုးရိမ်ဖွယ် အခုမြင်တွေ့နေရပါတယ်။

အဲဒီအချက်တွေကို ပြန်လည်စစ်ဆေး သုံးသပ်မှု မပြုဖူးဆိုရင် မြန်မာအစိုးရလက်ရှိကြိုးပမ်းနေတဲ့ နိုင်ငံတ
ကာအလယ်မှာ လူ့အခွင့်အရေးကို လေးစားတာဝန်ယူမှုရှိတဲ့နိုင်ငံတစ်ခုဖြစ်လာရေး ရည်မှန်းချက်တွေကို ထိခိုက်နိုင်ပါတယ်လို့ မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် ယန်ဟီလီက ဝေဖန်လိုက်ပါ
တယ်။

ဆက်လက်ပြီး မီဒီယာစာနယ်ဇင်းတွေအပေါ် ကြီးမားတဲ့ပြစ်ဒဏ်ပေးမှုအပါအဝင် အစိုးရရဲ့ လတ်တလော ဖိနှိပ်မှုတွေဟာ ယဉ်ကျေးတဲ့လူ့ဘောင်တစ်ခုဖြစ်တည်ရေးအတွက် စိုးရိမ်စရာဖြစ်တယ်လို့ သူမက ထည့်
သွင်း ပြောကြားခဲ့ပါတယ်။

လွတ်လပ်စွာ ဆန္ဒသဘောထားဖေါ်ထုတ်ခွင့်၊ လွတ်လပ်စွာဖွဲ့စည်းခွင့်နဲ့ ငြိမ်းချမ်းစွာ စုဝေးခွင့်တွေဟာ မြန်
မာ့ဒီမိုကရေစီရေးအတွက် မရှိမဖြစ်တဲ့လိုအပ်ချက်တွေပါ၊ အထူးသဖြင့် အဲဒီလို လွတ်လပ်ခွင့်တွေမရဖူး
ဆိုရင် လာမယ့် ၂ဝ၁၅ ရွေးကောက်ပွဲဟာ စစ်မှန်တဲ့ ရွေးကောက်ပွဲတစ်ခုဖြစ်လာနိုင်မှာ မဟုတ်ပါဖူးလို့ Ms. Yanghee Lee က ထုတ်ပြန်ပြောဆိုလိုက်ပါတယ်။

တဆက်တည်းမှာပဲ သူက မြန်မာနိုင်ငံမှာ ဘာသာရေးနဲ့ လူမျိုးရေးမုန်းတီးမှုတွေ၊ ခွဲခြားနှိမ့်ချဆက်ဆံမှုတွေနဲ့ ရန်လိုမှုတွေပိုမိုကြီးမားအောင် မီဒီယာစာနယ်ဇင်းတွေ၊ ကွန်ပြူတာအင်တာနက်တွေက လှုံ့ဆော်ရေးသား
 ပြောဆိုနေကြတာတွေကို အထူးစိုးရိမ်ကြောင်းနဲ့ လူမှုအသိုင်းအဝန်းအပေါ် သြဇာတိက္ကမ ရှိသူတွေအနေနဲ့ ဒီလိုအမုန်းတရားပွားများအောင် လုပ်ဆောင်မှုတွေကို အတိအလင်း ထုတ်ဖေါ်ရှုံ့ချပြောဆိုသင့်ကြောင်း စသဖြင့်လည်း ကုလသမဂ္ဂရဲ့ မြန်မာပြည်ဆိုင်ရာ လူ့အခွင့်အရေးအထူးကိုယ်စားလှယ်က ထုတ်ဖေါ်ပြော
ကြား လိုက်ပါတယ်။

RFA , KOLATT(PBDN)
RangonNewsDaily