RangonNewsDaily: April . 25 .2014
ဖားကန့်မြို့နယ်တွင် ကျောက်စိမ်းတူးဖော်ရေး ကုမ္ပဏီတစ်ခုက စုပုံထားသည့် ပေ ၃၀၀ ခန့် အမြင့်ရှိ မြေစာပုံပြိုကျမှုကြောင့် အနီး
ရှိရေကန်တွင် ရေချိုးနေသည့် မောင်နှမသုံးဦး ရေနစ်မြုပ် သေဆုံးသွားကြောင်း ဖားကန့်မြို့နယ်ရဲစခန်းမှ သတင်းရရှိသည်။
မောင်နှမသုံးဦးရေချိုးနေစဉ် အနီးရှိမြေစာပုံ ပြိုကျခဲ့ရာမှ ရေကန်အတွင်း ၁၅ ပေ မြင့်သော လှိုင်းလုံးများဖြစ်ပေါ်ခဲ့ပြီး တက္ကသိုလ်
ဝင်တန်းနှင့် အဋ္ဌမတန်းကျောင်းသူ နှစ်ဦးနှင့် လေးနှစ်အရွယ် ကလေးငယ်တစ်ဦးအပါအ၀င် မောင်နှမသုံးဦး သေဆုံးသွားခဲ့သည်။
ဧပြီ ၂၂ ရက်ညနေက ဖားကန့်မြို့နယ်၊ စွပ်ဂျာကျေးရွာရှိ ကံပွင့်ဦးသတ္တုတူးဖော်ရေးကုမ္ပဏီ လုပ်ကွက်အတွင်း အဆိုပါ လူသေဆုံးမှု ဖြစ်ပွားခဲ့ခြင်း ဖြစ်သည်။
‘‘ရေကန်ထဲကိုပမာဏများတဲ့ မြေစာတွေ ရုတ်တရက်ပြိုကျ တော့ ဆူနာမီအသေးစားလိုဖြစ်ပြီး ရေထဲမြုပ်သွားတာ။ သေဆုံးသူတွေ
ကို မြေတူးစက်တွေနဲ့ ပြန်ရှာတာ ဒီနေ့ပဲအားလုံးပြန်တွေ့ပါပြီ’’ဟု ဖားကန့်မြို့နယ် ရဲစခန်းမှ တာဝန်ကျရဲအရာရှိတစ်ဦးကပြောသည်။
ရေကန်မှာ အလျားပေ ၅၀၀၊ အနံပေ ၁၀၀ ခန့် ကျယ်ပြီး ပေ ၂၀ နက်ကာ မြေစာပုံပြိုကျသည့်အချိန်တွင် ရွာသားများ ရုတ်တရက် အံ့သြထိတ်လန့်ခဲ့ရကြောင်း စွပ်ဂျာကျေးရွာမှ ဒေသခံ ဦးမန်ဆိုင်းကပြောသည်။
သေဆုံးသွားသူများမှာ ဖားကန့်မြို့နယ် အထက်တန်း ကျောင်းမှ တက္ကသိုလ်ဝင်တန်းနှင့် အဋ္ဌမတန်းကျောင်းသူနှစ်ဦးနှင့် လေးနှစ်
အရွယ် ကလေးတစ်ဦးတို့ဖြစ်ပြီး သေမှုသေခင်းဖွင့်၍ စစ်ဆေးနေကြောင်း ဖားကန့်မြို့နယ်ရဲစခန်းမှ သတင်းရရှိသည်။
အဆိုပါဖြစ်စဉ်မှာ ကုမ္ပဏီပိုင်ဧရိယာတွင် ဖြစ်ပွားခဲ့သော်လည်း လုပ်ငန်းခွင်နှင့်မသက်ဆိုင်ဘဲ သဘာဝဘေးအန္တရာယ်ကဲ့သို့ ဖြစ်
ခဲ့ခြင်းကြောင့် ကုမ္ပဏီတွင် တာဝန်မရှိကြောင်း ဖားကန့်မြို့နယ်ရဲစခန်းမှ ရဲအရာရှိတစ်ဦးကဆိုသည်။ သို့သော် ယင်းဖြစ်စဉ်၌ သေ
ဆုံးသူများ၏ ဆွေမျိုးသားချင်းများ အပါအဝင် ဒေသတွင်းအုပ်ချုပ်ရေး တာဝန်ရှိသူများ၏ ပေါ့ဆမှုကြောင့် ကြိုတင်မှန်းဆ၍ရနေသည့် အန္တရာယ်ကို မကာကွယ်နိုင်ခဲ့၍ ကလေးငယ်များ သေဆုံးရခြင်းဖြစ်ကြောင်း အငြိမ်းစားရဲအရာရှိကြီးတစ်ဦးက သုံးသပ်သည်။
ဖားကန့်မြို့ အပါအဝင် ကချင်ပြည်နယ်တွင် ယခုရက်များအတွင်း မိုးရွာသွန်းမှုများရှိခဲ့ပြီး အဆိုပါ မြေစာပုံပြိုကျမှုမှာ တစ်နွေလုံး တူး
ပုံထားသည့်မြေစာများ မိုးရေစိုကာ ပြိုကျခြင်းဖြစ်ကြောင်း ဖားကန့်မြို့နယ် လုံးခင်းရွာမှ ရွှေမျောလုပ်ငန်းရှင် ဦးမြသွင်က ပြော
ကြားသည်။
မြေစာပုံပြိုကျမှုကြောင့် ရေကန်ရေလျှံပြီး ကလေးငယ်သုံးဦး ရေနစ်မြုပ်ပျောက်ဆုံးသွားရာ ဒေသခံများ ၀ိုင်းဝန်းရှာဖွေနေစဉ် (ဓာတ်ပုံ−ကိုရွှေသိန်း)
7Day Daily , KOLATT(PBDN)
RangonNewsDaily
0 comments:
Post a Comment