 |
| (ဖေဖော်ဝါရီ ၁၅ ရက်က ဆူပူမီးရှို့မှုဖြစ်ပွားခဲ့သည့် ပျဉ်းမနားရဲတပ်ဖွဲ့စခန်းအား တွေ့ရစဉ်) |
နေပြည်တော်ကောင်စီ ပျဉ်းမနားမြို့မ ရဲစခန်းအချုပ်တွင် ဖေဖော်ဝါရီ ၁၅ ရက် နံနက် ၈ နာရီ မိနစ် ၃၀ အချိန်က ဆူပူမှုတစ်ခုဖြစ်ပွားခဲ့ပြီး တာဝန်ရှိသူများက သေနတ်ပစ်ဖြိုခွင်းခဲ့ရာ အချုပ်သားတစ်ဦး ဒဏ်ရာရရှိခဲ့ကြောင်း သိရသည်။ပျဉ်းမနားမြို့မရဲစခန်း အချုပ်ထောင်တွင် ဆူပူမှုဖြစ်ပွားသော အချုပ်ခန်းအခန်း ၄၊ အခန်း ၅၊ အခန်း ၇၊ အခန်း ၈၊ လေးခန်းတွင် အ၀င်တံခါးမကြီးများအား အ၀တ်၊ ဂျာနယ်များစုပုံ၍ မီးရှို့ဆူပူမှုများဖြစ်ပွားခဲ့ရာ အဆိုပါဆူပှုဖြစ်ပွားခဲ့သော အချုပ်ထောင်သို့ မီးသတ်ကားလေးစီးနှင့် ရဲအင်အား ၁၀၀ ၀န်းကျင်ခန့်ဖြင့် ဆူပူသောအချုပ်သားများအား ဂရင်နားကိုးလုံးကျည်ဖြင့် ၁၀ ချက်ကျော် ပစ်ခတ်ဖြိုခွင်းခဲ့ခြင်းဖြစ်ပြီး အချုပ်သားတစ်ဦးပခုံးတွင် ဒဏ်ရာရရှိခဲ့ခြင်းဖြစ်ကြောင်း မြန်မာနိုင်ငံရဲတပ်ဖွဲ့ရဲချုပ်ရုံး ဒုတိယရဲမှူးကြီး ဦးဝင်းစိန်က ပြောကြားခဲ့သည်။
"ဒါက အဓိကရုဏ်းလို့ခေါ်တယ်။ ရဲက လုပ်ရိုးလုပ်စဉ်အတိုင်းလုပ်ရတာပါ။ ဂရင်နာကိုးလုံးကျည်နဲ့ပစ်တယ်။ ဒါကလူမသေနိုင်ဘူး။ ၁၀ ချက်ထက်မနည်း ပစ်တယ်။ ဖြစ်စဉ်ကတော့ အတိအကျအသိသေးဘူး။ လူသတ်မှုနဲ့ အချုပ်ကျနေတဲ့ တရားခံတစ်ယောက်ရှိတယ်။
အဲ့ဒီတစ်ယောက်က သူ့ဘာသာသူ အချုပ်သံတိုင်နဲ့ ခေါင်းနဲ့ဆောင့်တော့ ခေါင်းကွဲသွားတယ်။ ဒဏ်ရာရတော့ ဆေးရုံပို့လိုက်တယ်။ ပြန်ခေါ်လာတဲ့အချိန်မှာ အချုပ်ထဲကိုပြန်သွင်းတော့ အဲ့ဒီလူကို အစကတည်းက စိတ်ငြိမ်ဆေးထိုးပြီးပြီ။ ဆေးအာနိသင် အဲ့ဒီအချိန်မှာ မရောက်သေးတော့ ထွက်ပြေးဖို့ ကြိုးစားတာပေါ့။ သူ့ကို တာဝန်ကျရဲတွေက လိုက်ဆွဲတော့ အဲ့ဒါကို အထဲက ဆူပူလိုတဲ့သူတွေက အခွင့်အရေးယူပြီး မီးရှို့ကြတယ်။ အမှုကြီးတဲ့သူတွေက ထွက်ပြေးဖို့ ကြိုးစားကြတယ်။
အဲ့ဒါကို အချိန်မီထိန်းသိမ်းလိုက်ရတဲ့သဘောပါ။ နေပြည်တော်ရဲတပ်ဖွဲ့ကို ခေါ်လိုက်ရတယ်။ အင်အားတော့ သုံးရတာပေါ့။ ကျည်ဆံနဲ့ ပစ်ရတဲ့အဆင့်တော့ ရောက်တာပေါ့။ အဲ့ဒါနဲ့မရရင် စစ်တပ်ကိုတောင် လွှဲလို့ရတယ်။ အခုလိုဖြစ်ရတဲ့အကြောင်းရင်းကို ရှာမှာပါ။ ဘာကြောင့်ဖြစ်တယ်ဆိုတာ တိတိကျကျမပြောနိုင်သေးပါဘူး။
စုံစမ်းစစ်ဆေးရေးအဖွဲ့ စုံစမ်းလိုက်တဲ့အခါမှာ လူတွေခွဲပြီးမေးလိုက်ရင် သူတို့အချင်းအချင်း မကျေနပ်တာလား။ အုပ်ချုပ်တဲ့သူတွေကို မကျေနပ်တာလား။ ပေါ်လာပါလိမ့်မယ်။ ပေါ်လာတဲ့အခါ ဖြစ်ရတဲ့အကြောင်းအရင်းတွေရှိမယ်"ဟု မြန်မာနိုင်ငံ ရဲတပ်ဖွဲ့ရဲချုပ်ရုံး ဒုတိယရဲမှူးကြီး ဦးဝင်းစိန်က ပြောကြားသည်။
နေပြည်တော်ကောင်စီ ပျဉ်းမနားမြို့မ ရဲစခန်းအချုပ်စခန်းသည် အကျဉ်းသား ၆၂ ဦးဆံ့ပြီး လက်ရှိတွင် ယင်းအချုပ်ထဲ၌ အမျိုးသားအကျဉ်းသား ၂၃၆ ဦးနှင့် အမျိုးသမီး အကျဉ်းသား ၄၆ ဦး စုစုပေါင်း ၂၈၂ ဦးရှိကြောင်း သိရသည်။
Eleven Media , kolatt(PBDN)
နေပြည်တော်ကောင်စီ ပျဉ်းမနားမြို့မ ရဲစခန်းအချုပ်စခန်းသည် အကျဉ်းသား ၆၂ ဦးဆံ့ပြီး လက်ရှိတွင် ယင်းအချုပ်ထဲ၌ အမျိုးသားအကျဉ်းသား ၂၃၆ ဦးနှင့် အမျိုးသမီး အကျဉ်းသား ၄၆ ဦး စုစုပေါင်း ၂၈၂ ဦးရှိကြောင်း သိရသည်။
Eleven Media , kolatt(PBDN)
RangonNewsDaily
0 comments:
Post a Comment