သက်တမ်း ၁ဝဝ နီးပါးရှိ၍ ခေတ်ဖြင့်ကိုက်ညီမှုမရှိတော့သည့် မြန်မာကုမ္ပဏီအက်ဥပဒေကို ပြင်ဆင်ရေးဆွဲမည်၊ ကုမ္ပဏီမှတ်ပုံတင်ခြင်းကိုလည်း Online စနစ်သို့ ပြောင်းလဲမည်ဟု သိရ ~ RANGON NEWS DAILY

Tuesday, March 5, 2013

သက်တမ်း ၁ဝဝ နီးပါးရှိ၍ ခေတ်ဖြင့်ကိုက်ညီမှုမရှိတော့သည့် မြန်မာကုမ္ပဏီအက်ဥပဒေကို ပြင်ဆင်ရေးဆွဲမည်၊ ကုမ္ပဏီမှတ်ပုံတင်ခြင်းကိုလည်း Online စနစ်သို့ ပြောင်းလဲမည်ဟု သိရ

2:18 PM Kolatt No comments

Tuesday, 05 March 2013 သက်တမ်း ၁ဝဝ နီးပါး ရှိနေပြီဖြစ်ပြီး ခေတ်ကာလဖြင့် ကိုက်ညီမှုမရှိတော့သည့် မြန်မာကုမ္ပဏီ အက်ဥပဒေကို ပြန်လည်ပြင်ဆင် ရေးဆွဲမည်ဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန၊ ညွှန်ကြားရေးမှူးချုပ် ဦးအောင်နိုင်ဦးက ပြောသည်။၎င်းအပြင် ကုမ္ပဏီများ မှတ်ပုံတင်ခြင်းကိုလည်း လက်ရှိစနစ်မှ Online စနစ်သို့ ပြောင်းလဲသွားရန် စီစဉ်နေသည်ဟု သိရသည်။ မြန်မာကုမ္ပဏီ အက်ဥပဒေ (The Burma Companies Act ) မှာ ၁၉၁၄ ခုနှစ်ကတည်းက ရေးဆွဲထားခြင်းဖြစ်ပြီး လက်ရှိအခြေအနေနှင့် လျော်ညီမှု မရှိတော့သည့်အတွက် ပြန်လည်ပြင်ဆင်သွားရန် စီစဉ်နေခြင်းဖြစ်ကြောင်း သိရသည်။

မြန်မာနိုင်ငံတွင် လက်ရှိ ကုမ္ပဏီများနှင့် ပတ်သက်၍ လိုက်နာကျင့်သုံးမှု ပြုနေရသည့် ဥပဒေ၊ နည်းဥပဒေနှင့် လုပ်ထုံးလုပ်နည်းများမှာ ၁၉၁၄ ခုနှစ်က ရေးဆွဲထားသည့် မြန်မာကုမ္ပဏီ အက်ဥပဒေ (The Burma Companies Act )နှင့် မြန်မာကုမ္ပဏီ နည်းဥပဒေ၊ ၁၉၅၇ ခုနှစ်က ရေးဆွဲထားသည့် မြန်မာကုမ္ပဏီ လုပ်ထုံး လုပ်နည်း(Myanmar Companies Regulation)နှင့် Myanmar Companies Schedules တို့ဖြစ်သည်။

မြန်မာကုမ္ပဏီ အက်ဥပဒေကို ပြန်လည်ပြင်ဆင် ရေးဆွဲရာတွင် Asia Development Bank မှ အကူအညီများ ပေးသွားမည် ဖြစ်ကြောင်းကို ညွှန်ကြားရေးမှူးချုပ် ဦးအောင်နိုင်ဦးကပင် ''ကျွန်တော်တို့ဆီမှာ မြန်မာကုမ္ပဏီအက်က ၁၉၁၄ ခုနှစ်ကတည်းက ရေးဆွဲထားတာဆိုတော့ နှစ်ပေါင်း ၁ဝဝ နီးပါးလောက် ဖြစ်နေတယ်။ သိပ်ပြီး မကိုက်ညီတော့တဲ့အတွက် ပြင်ဆင်ရေးဆွဲဖို့ စီစဉ်နေတယ်။ ဒါကိုလည်း ADB ဘဏ်က ကူညီပေးမယ်လို့ ပြောပါတယ်''ဟု ပြောသည်။

ကုမ္ပဏီမှတ်ပုံတင်ခြင်းအား online စနစ်သို့ ပြောင်းလဲမည့်အပေါ် ၎င်းကပင် ''ADB က လာတဲ့ အခါမှာ မြန်မာမှာ ကုမ္ပဏီမှတ်ပုံတင်တဲ့ လုပ်ငန်းစဉ်က ရှုပ်ထွေးတယ်လို့ ပြောကြတယ်။ အဲဒီအတွက် Online စနစ်ကို ပြောင်းလိုက်မယ်ဆိုရင် ကိုယ့်ရုံးခန်း၊ ကိုယ့်အိမ်ကနေ မှတ်ပုံ တင်နိုင်ပြီ၊ နောက် သက်တမ်းတိုးနိုင်ပြီ။

ဒါပေမယ့် အဲဒီလိုလုပ်ရင် တရားရုံးလို နေရာမှာကျတော့ ခိုင်မာမှုပြဖို့ခက်ပြီ။ ဒါကလည်း လက်ရှိ ကုမ္ပဏီအက်ဥပဒေမှာကို ပြင်ဆင်မှ လုပ်လို့ရမှာ။ အဲဒီအတွက် ကုမ္ပဏီအက်ဥပဒေကိုလည်း ပြင်မယ်။ ကုမ္ပဏီမှတ်ပုံတင် သက်တမ်းတိုးတာ ကိုလည်း Online စနစ်ကို သွားမယ်။

အဲဒါတွေအားလုံး လုပ်ဖို့အတွက် ADB ဘဏ်က ကူညီမယ်။ လောလောဆယ် အမေရိကန်ဒေါ်လာ တစ်သိန်းခွဲစပြီး ကူညီပေးမယ်'' ဟု ပြောခဲ့သည်။

RND: 5.3.2013

Eleven Media Group:

0 comments:

Post a Comment

Subscribe to: Post Comments (Atom)